ဆရာသခင်ကိုယ်တော်မှိုင်း၏ကမ္ဘာ့ငြိမ်းချမ်းရေးကဗျာ မဟာလေးချိုးကြီး

(၁)စံရွှေပြည်-ဇမ္ဗူမြန်မာပျက်တက်တက်နန်းဆီက၊ဟန်ဂေရီ-ဘူဒါပက်(စ်)ကြငှန်းဆီသို့၊
အယူဘာသာနှစ်ဘက်နှစ်လမ်းရယ်တို့-အကြမ်းဘတန်းကိုင်မဟေ့ဆိုတဲ့-အနန်းနန်းပိုင်တို့မှာ၊
"အိုကွယ်"လူသတ္တဝါအသက်တွေနှင့်-နှစ်ဗျူဟာမထွက်မူ၍၊ပျူပျူငှာငှာဓမ္မစက်တွေနဲ့ ကမ္မဌာန်းထိုင်ဘို့ရာ။ ။

(၂)သြော်-အလံတော်တင်တင်ပြီး၊ရန်ပေါ်လျှင်နှင်မဟဲ့ဆိုတဲ့၊မြန်ပေါ်တွင်အစုံအဆန်လမ်းတည်းဟူသော၊
စမုန်စခန်းရယ်နှင့်ဆံတော်ရှင်ဒဂုန်ဗဟန်းရယ်က၊
တဖုံမြန်းမည်လေယာဉ်ပျံဖြင့်၊ဝေဟင်ယံကောင်းကင်ခရီးပေပေါ့၊ဒေါင်းယာဉ်စီးသလို-ဆရာလာခဲ့တော့၊
တအာဏာပါဝါတန်ခိုးရယ်နှင့်၊တခါနှစ်ခါဗမာတို့စိုးခဲ့တဲ့၊အမျိုးသားမညီမညာနှင့်၊ကသီကရီခမျာတွေမှာ
(ကန်)အလျောက်ပေထင့်၊ယိုးဒယားပြည်မှာအတန်မောက်ပေတဲ့၊ဘန်ကောက်တသုတ်ဆင်းပြီး...................

ယင်းမှတဖန်တခါကြွခဲ့သမို့၊ဂန္ဓာရတက္ကသိုလ်ကဝိအထွေထွေနဲ့တဘိသေလှစ်ခဲ့တဲ့အပြင်၊ဝိဒေဟရဇ်
သမုတ်အမည်နှင့်တရုပ်ပြည်ဇမ္ဗူတကျောတည်းဟူသော၊သူ့တလောကကိုဖြင့်၊ဥရောပအနောက်တခွင်
က၊မျောက်အသွင်အစိုးရဆိုတဲ့-သူခိုးဒမြတွေ(ဘိန်း)ကုန်သွင်းပြီး............

သြ-ရှိန်းလိုက်မှိန်းလိုက်၊တဖိန်းဖိန်းရှိုက်ပြီး၊ဘိန်းငိုက်သည့်ခေတ်အတွင်းမှာပေါ့၊

အတင်းဘလက္ကာရ-မရမနေ၊သေသူလဲသေ၊ကြေသူလဲကြေကြပရော့ဟေ့လို့၊မရေမရာ-တကြိမ်ထဲ-
ကြိမ်းကြ်ိမ်းပြီး၊တထိန်းထိန်း-တဂျိမ်းဂျိမ်းနဲ့-အပစ်သရဲပေတဲ့၊(ဘိန်းစစ်ပွဲ)ရယ်လို့-ဆင်နွှဲကာအတင်း
ကြိတ်မဟဲ့လို့၊

အင်္ဂလိပ်တွေအချောင်ယူခဲ့တဲ့၊ဟောင်ကောင်ဇမ္ဗူ-ကျွန်းများဗဟိုရ်ထီးဆီက................

ခရီးသယ်ရထားပြောင်းစီးပြီးတော့...........

သြော်-အများကောင်းဘို့၊တရားမစောင်းတဲ့၊ဘုရားလောင်းကြီးမဟော်သဓာတို့-အမရာတို့နှင့်၊
တော်ပဏ္ဏာအဟုတ်စည်ခဲ့တဲ့-တရုပ်ပြည်အနိမ့်ပိုင်းတွင်ဖြင့်၊
စိန်တိုင်းကမ္ဘာတွင်သည့်-သာသနာဝင်ကောဋုမ္ဗရဇ်ကဲ့ပြင်-တခေတ်တဖန်ကျော်သည့်-ဟန်ကော်
မှတခါဆင်းသကောဆိုတဲ့၊ယင်းတလောမှာတော့...........သင်္ဘောဖြင့်သာအမြန်ချီမပေါ့လို့။

ယန်ဆီခေါ်ယမုန်သီတာဖြတ်ကျော်ကူးပြီး၊တပ်မတော်ဦးမှာတဗျူဟာတအားဆိုတဲ့၊ရထားနှင့်
သာအပြင်းလာခဲ့သမို့၊မင်းတရာ-ပဏ္ဏာကြို့တဲ့၊ရာဇင်္ဂြိုဟ့်ပမာမှာ"မဟော်"အရည်တနှုန်းသာပ၊
မော်စည်တုန်းတို့စံရာ-ရာဇဌာနီဆိုတဲ့၊ထိုတကဲ့မင်းနေပြည်"ရွှေပီကင်း"ကိုဖြင့်.............

သြော်-တြင်းနာင်းလှလှ-ကြံသာဖန်သာအောင်နော်ကွယ်.............
အချင်းချင်းသမပြီး-အခင်းရစေဘို့-ဆင်းရပြန်ပါ။ ။

(၃)အထူးလည်းမှတ်စရာ-ဧကစာတပည့်ရယ်နှင့်၊ဦးစီးမြတ်ဆရာဒေသစာလှည့်ခဲ့တော့၊
မှူးကြီးမတ်ရာ-သေနာပတိတို့ကလဲ။

ဆွေသဟာကဝိကိုဖြင့်၊ထွေရာတစိ၊ဝေဒနာမရှိအောင်ရယ်လို့၊တမိသားချင်း-ဂေါင်းနင်းပြီး
ဆင်းခဲ့ကြတဲ့၊မွေးချင်းဖေါက်ဘော်ကဲ့သို့-ယုယုယယနှင့်-ပြုစုကြပေသဟာ။

ဂရုဓမ္မဒေသနာနှင့်-မသွေကွာတည်း.............

"အိုကွယ်"ဇမ္ဗူမြန်မ-ပြေဗမာထက်တောင်မှစေတနာကြီး။

(၄)ပီကင်းမှာတခါ၊ချီရင်းယတြာနှင့်ထက်အာကာဝေဟင်အဇဋာမှ၊လေယာဉ်ရတနာ-
တကြောင်းထိုခရီးမှာတော့၊မောင်ဂိုလီးယားပြည်တခွင်-ပလ္လင်ကဒဏ်နှင့်၊ရှင်ဘုရင်စံတဲ့-
"ဦလန်ဘာတာ"မြို့တော်ရောက်ပြီတထောက်အနှီရှုစရတွေနဲ့၊အီရကု(ရှ်)မှဂဒေါဂမျောနှင့်၊
တလောကြွခဲ့တော့၊အောမဓကတို့ရဲ့ပြင်၊ပြောလောက်စရာ-မဟာဆန်တဲ့၊ကာမဇံမြို့စခန်း
ရယ်နှင့်၊ဒို့ဘဟန်းလို-ဂိုက်မသေဘဲ ထီးထီးမားမားနှင့်၊တသီးတခြားကြီးမားပေသည့်၊
ဆိုက်ဘေးရီးယားပြည်နယ်နှင့်................

ပထဝီအကျယ်-တကယ်မတုပနိုင်တဲ့၊ရုရှပြည်ပေါ်-အကျော်အမော်ဆိုတဲ့၊နဂိုရ်တွေဖြင့်၊
မော်စကိုအံ့မခန်းဆီကဖြန့်မြန်းကာမပူမဆူအောင်ထိန်းပြီးဇမ္ဗူငြိမ်းစေမည့်၊ယူကရိန်း
ပြည်နယ်-တကယ်ပြည့်ပြည့်ဝဝတွေရဲ့၊ကိ(ဗ်)မြို့တော်ဒို့မနော်ရောက်ပါလို့.........

ထို့နောက်ဟန်ဂေရီဆိုတဲ့စံရွှေပြည်ဘူဒါပက်(စ်)ကြငှန်းတွင်မှ၊အနန်းနန်းအပြည်ပြည်
မကွေ့မကောက်မူ၍၊ယနေ့အရောက်-အရှေ့အနောက်-တကမ္ဘာလုံးပေပေါ့၊အလာဆုံးသော
မိတ်ဆွေတွေစီကာရံကြတဲ့၊သီဟာပျံကဲ့သို့သော-ညီလာခံ(လူထု)အသိန်းအသန်းရယ်နှင့်၊
ငြိမ်းချမ်းရေးပွဲတော်ကြီးမဟာသဘင်၊ဆရာဝင်ရမြင်ရတော့၊ထာဝစဉ်ငြိမ်းစေကြောင်းရယ်
နှင့်၊ဆုတောင်းပတ္တနာ-မေတ္တာသာပို့ရတော့..........

ဒို့အရွယ်မှာကို-တဖိုဖိုညည်းညည်းပြီး၊အလိုမပြီးနိုင်ဘဲ.................

(အင်)အိုကြီးအိုမ-ပျိုပျိုဘဝနဲ့ဟိုသမယကဲ့သို့-ကိုယ်ကဆရာမစွမ်းမူ၍.............

သြ! မသာကမ္မဌာန်းနှင့်၊မရဏာမြန်းရတော့မည့်၊ဇရာတန်းပေမို့နှော............

သာခန်းအနို့သတိရရပြီးတော့၊ငဒို့မိဘဘိုးဘွားအမျိုးသားတို့ရဲ့၊ပုထိုးဘုရားအဆူဆူကို-
ကြည်ဖြူတဲ့စိတ်ကများပေသနဲ့-သြော်-အနိစ္စဘုရားဘုရားနှင့်တဆိတ်ကမှ မအားမရ
အောင်ကိစ္စများပေမဲ့၊ဘုရား,တရားဘက်မှာစိတ်မငြီးမူ၍............

ရာက-ဘာဝနာသမထသဘင်-နေ့စဉ်တက်တက်ပြီး............

“အမယ်မင်း”ဓမ္မစက္ကနှင့်၊ဓဇဂ္ဂအဖွင့်ပရိတ်ကြီးတို့ရဲ့အပြင်၊(သြော်)မနက်နှင့်ညမပျက်ရ
ပါဘူး-လက်ကစိတ်ပုတီး။ ။

သခင်ကိုယ်တော်မှိုင်း


(ဝန်ခံချက်။ “စတာလင်၏နိုင်ငံတကာကမ္ဘာ့ငြိမ်းချမ်းရေးဆုရဆရာကြီးသခင်ကိုယ်တော်မှိုင်း၏
လေးချိုးပေါင်းချုပ်”မှ ကူးယူဖော်ပြသည်။)