ရနံ့မပြယ်တဲ့ကမ္ဘာ

အဆင်သင့်ပဲလေ
ကော်ဖီပူပူလေးတခွက်
ချောကလက်ခါးခါးရယ်............

အားပြင်းတဲ့ရှရှတတအနမ်းလေးနဲ့အတူ
ဆက်လျှောက်မယ့်ဒီလမ်းအတွက်
သိထားစေချင်ဆန္ဒတစ်စုံကို
အာဒံမဟုတ်တဲ့ ရင်ဖြစ်အချစ်တွေနဲ့................

သိပ်ချစ်ရသူ ဧဝမဟုတ်တဲ့အဖြစ်ကို
အရာအားလုံးပေါ်တလွဲတွေခံစားနေလဲ
ပန်းခင်းလမ်းမဟုတ်တဲ့
ရနံ့မပြယ်တဲ့ကမ္ဘာလေးတခုမှာ
နားခိုတော့မယ်အစဉ်သာ...............

ကြားခွင့်ရခဲ့ချိန်

ကြင်စဦးဇနီးမောင်နှံပေါ့။

အချိန်ကညဥ့်နက်နေပြီ။
ဇနီးသည်ရဲ့လိုအင်မပြည့်မှုတခုအတွက်ခင်ပွန်းသည်ရဲ့လျပ်တပြက်ပွင့်အန်ကျလာတဲ့စကား
လေးတချို့ပေါ့.......။

ကြားခွင့်ရချိန်ကမှတ်သားထားခဲ့တာလေးတွေနော်......။

အသံအနေထားလေးကနှစ်ကိုယ်ကြားလေးပေါ့ ။

ဇနီးဖြစ်သူကညောင်စောင်းအစွန်းလေးမှာထိုင်နေသူခင်ပွန်းရင်ခွင်ထဲမှာခေါင်းလေးဝှက်ကာ၊
မျက်နှာလေးကခင်ပွန်းရင်ခွင်ထဲမှာအငွေ့အသက်တစုံတရာကိုသူမနှုတ်ခမ်းဖျားလေးနဲ့တို့ထိ
နေတုန်း။

“မုန်းမယ်ဆိုတဲ့စကား လုံးဝမကြားချင်ဘူးနော်”

“ဟုတ်”

“အိုကေ...........အချစ်တွေအားလုံးပေးထားလိုက်ပြီလေ။နောက်ထပ်ချွဲနွဲ့တာတော့အချိန်အခါ
ကိုကြည့်ပြီးလုပ်ကွာ၊

အလုပ်ပျက်အကိုင်ပျက်တဲ့အထိတော့မလုပ်နဲ့ပေါ့၊စိတ်ကောက်တာထိုင်ချော့နေရလောက်အောင်၊
မဟုတ်တဲ့မေးခွန်းတွေထိုင်ဖြေနေရလောက်အောင်ထိချမ်းသာတဲ့တနေ့(မီလျံနာ)ဖြစ်တဲ့တနေ့ကျ၊
လုပ်.......ဟုတ်ပြီလား”

“ဟုတ်”

“ဘာလို့ပျော်ပျော်မနေတာလဲ၊မောင့်ကိုကြည့်၊ချစ်တယ်နော်.........သိပ်ချစ်တာပေါ့၊အရမ်း
...........ချစ်တယ်၊မောင်အလုပ်မအားသေးဘူး၊ ကဲသွားလုပ်လိုက်အုံးမယ်၊ အိပ်တော့နော်”

“ဟုတ်”

ပြောဆိုရင်းကနေခင်ပွန်းကသူ့အလုပ်အတွက်လိုအပ်တာတွေသယ်ဆောင်ပြီး အခန်းပြင်
ထွက်ခွာသွား။

ဇနီးသည်သူမလေးကညောင်စောင်းတွင်ခင်ပွန်းသိပ်သွားသည့်အနေအထားအတိုင်းမလှုပ်
မယှက်လေး။

သူမမျက်နှာလေးကြည့်မိတော့ မတင်မကျခံစားမှုများစွာကိုမြိုသိပ်ဖြေဖျောက်လိုက်ပုံနဲ့.........
ခပ်ငေးငေးလေးရယ်။

ဒီအဖြစ်လေးကိုငေးရင်းတွေးမိတာက“ဘယ်အချိန်မှာများအချစ်တွေလွတ်လွတ်လပ်လပ်ချစ်
နိုင်ကြမလဲ”ဆိုပြိးတော့ပေါ့...........။

အမှတ်တရချစ်သူများည

နှင်းဆီတွေမပါဘူး

ပကာသနလဲမပါဘူး

ခဝါချစရာမာနလဲမရှိပါဘူး...............

အချစ်တွေသာဗရပွနဲ့

အနန္တစကြာဝဠာတစ်ခုလုံးကို

အပြုံးတွေနဲ့မော်ကြည့်

အနမ်းတွေကိုရှိုက်ဖိုမိရင်း

ကြည်နူးခဲ့ကြပေါ့

ပြီးခဲ့တဲ့ချစ်သူများညမှာလေ.............

ခုတခါလာပြန်တဲ့

ဒီလိုညမျိုးမှာ

အဝေးရောက်အနမ်းတွေနဲ့အတူ

ပို့လာတဲ့ e ချောကလက်တွေ

နှင်းဆီတွေတပုံတပင်နဲ့

ခပ်မဆိတ်ချစ်ခြင်းလက်ဆောင်ကို

အနမ်းတစ်ရာနဲ့သာ

ရမလားရယ်လို့

အင်တာနက်ကဖေးတခုခုမှာ

ငံ့လင့်စောင့်စားနေမိတာ

ကာရံလဲမပါဘူး

မာယာဟန်လဲမညာပါဘူး

ခရီးသွားဟန်လွှဲလည်းမဟုတ်ဘူး

ယုံကြည်ရသူချစ်သူအတွက်

ပုံအပ်ထားတဲ့အချစ်တွေကို

သူ့နောက်ကွယ်သစ္စာပြုတယ်

မြန်မြန်နီးဖို့ရင်ဆိုင်မယ်အလွမ်းတွေ

ပြန်ရောက်မယ့်ချစ်သူများညလို

ပျော်မွေ့ဖွယ်အချစ်နှုတ်ခမ်းလေး

တမ်းတရင်းဆွေး.................

အဆုံးမဲ့ရှင်းတမ်း

အမှတ်တရပါချစ်သူ
အပြစ်မယူရက်သူရယ်လို့ထာဝရတမ်းတနေမှာတော့မဟုတ်ဘူးပေါ့...................
ကြင်နာချင်စမ်းပါရဲ့လို့
တဒင်္ဂနွမ်းလျနေတာတော့မဟုတ်ဘူးပေါ့ ................
မျက်မပြေအောင်သက်ဝေဖောင်ဖွဲ့ရာနောက်လဲ
မဟားဒယားအပြေးလိုက်မှာလဲမဟုတ်ဘူးပေါ့....................
မြတ်နိုးမှုကိုအသပြာလောင်ချိုင့်အောက်
ဝမ်းလျားမှောက်စတေးလိုက်မှာလဲမဟုတ်ဘူးပေါ့.......................
အာသာငမ်းငမ်းမရမကဖြေရှင်းချင်တာ
မင်းအတွက်ငါ့အချစ်တစ်ခုတည်းဆိုတာတော့
ခယညွှတ်တွားဝေမျှခံစားပေးမှာလဲမဟုတ်ဘူးပေါ့....................

စတေးမိသူတွေအတွက်

အဝေးဆုံးကိုကြည့်
မြင်ရသမျှက မှောင်နေတဲ့တိုက်တာတွေ...............ချည်း။
ကျင်တင်တင်ဒီအသည်းက
အမြဲနာနေရတဲ့အခါ...........
နာကျည်းတယ်ဆိုတဲ့စကားကို
အာဃာတတရားတွေကမြူဖုံးသလိုဖုံးသွားတော့။
အရောင်တင်ဆီမလိုပဲ
တလက်လက်ထွက်လာတာက
မျှော်မိတဲ့အလွဲတွေထဲမှာ
သူသူကိုယ်ကိုယ်မျောမိတော့။
နာကျင်မှုတွေခဝါချတဲ့နေ့
တိမ်တိုက်ကြားမှာ အိမ်ဆောက်နိုင်အောင်
ပြိုကျသွားတဲ့ ရွှေမြို့တော်လဲ
ကဗျာဆန်တဲ့ဒီအဖြစ်သနစ်တွေနဲ့
ထာဝရပိုင်ဆိုင်ခွင့်ကို
နင်ရောငါရောသူတို့မပါလဲ
ပိုင်ဆိုင်ခံစားစံစားချင်တာ
နင်စေစားတဲ့ အိပ်မက်ပါ.......................။။

မေမေ............အမေ

သာယာလှတဲ့ညနေခင်းလေးတခုမှာပါ....................။
အရိပ်ပျောက်လူတစုခိုလှုံရာဒေသရပ်ဝန်းထဲက လဖ္ဘက်ရည်ဆိုင်ငယ်လေးထဲဝင်ထိုင်နေမိတယ်။
ဘေးမှာကချစ်သူနဲ့လေ.............။

တွေးချင်တာမတွေးမိပေမယ့်  မျက်ဝန်းအစုံကတော့မြင်ကွင်းတူရူမှာတွေ့ရတာတွေကိုငေးလိုက်ရင်း
အတွေးစလေးအမျှင်တန်းသွားတယ်။
ညစ်စုတ်စုတ်ခုံလေးပေါ်က မိသားစုတခုကိုလှမ်းငေးနေမိတယ်.........။
ရင်ထဲမှာလဲဟိုးအဝေးမှာရှိနေတဲ့ မေမေ့မျက်နှာပြင်လေးကိုအပြေးလှမ်းမြင်မိတယ်။
လွမ်းမောနေမိတဲ့ရင်အစုံက အသံမဲ့ကြေကွဲဝမ်းနည်းနေမိတာပေါ့.............။
မြင်ကွင်းကဝေဝါးသွားလိုက် နီးလာလိုက်လေးပေါ့...........။

အနီးဆုံးမှာရှိနေတဲ့မိခင်ကိုငေးကြည့်မိတော့ ကြမ်းတမ်းလှတဲ့ရာသီဥတုဒဏ်ခါးစည်းခံထားရပုံနဲ့ ခပ်တိုတိုဆံပင်ကနီကြောင်ကြောင်ရယ်...............။
ခေါင်းပါးလှတဲ့ကံကြမ္မာကိုပိုင်ဆိုင်ထားရသူမို့ ဖက်ရှင်ဒီဇိုင်းကတော့ ပုံစံခွက်တခုထဲကမြင်နေကျပုံ
စံနဲ့ပေ့ါ.....................။

မိသားစုလေးက အကြင်နာတရားအပြည့်လွှမ်းခြုံထားပုံက မြင်တာနဲ့ခံစားစီးမျောခွင့်ရနိုင်တယ်...........။
စားပွဲပေါ်မှာ သူတို့ရဲ့ညစာဖြစ်နိုင်ချေရှိတဲ့ Tea နှစ်ခွက်၊ ကြက်ဥပလာတာလေးတစ်ပွဲကို အငမ်းမရ
စားသောက်နေကြတယ်.............။
မိခင်ကရင်သွေးငယ်လေးကို သူ့ရဲ့အားအင်အပြည့်ရှိနေတဲ့အစာရှာလက်တစ်စုံနဲ့ ကြက်ဥပလာတာကို စနစ်တကျ
ခွံ့ကျွေးနေတယ်........။
နဂိုရှိရင်းစွဲအသက်ထက်ပိုပြီးရင့်တယ်ထင်ရဟန်ရှိတဲ့ဝမ်းစာရှာမိခင်ဖြစ်သူရဲ့မျက်နှာပြင်မှာ သူမဘဝကိုလှစ်ပြနေသယောင်................။

ကလေးငယ်ကိုခွံ့ကျွေးတိုင်း ကလေးပါးစပ်လေးဟပြီး အစာကိုလှမ်းအစားမှာ မိခင်ကလဲ သူ့ပါးစပ်လေးကို
သားငယ်ဟတဲ့အတိုင်းလိုက်ဟ၊ သားငယ်ကအစာကိုဝါးတဲ့အချိန်မှာ သူကိုယ်တိုင်ကအဲဒီအစာလေးကိုစားလိုက်ရဟန်
နဲ့ ပါးစပ်လေးမပွင့်တပွင့်အနေထားနဲ့ သားငယ်အငမ်းမရစားနေတာကိုကျေကျေနပ်နပ်ကြီးစိုက်ကြည့်နေလေရဲ့.........။
သူမမျက်နှာဟာ ပင်ပန်းတဲ့ဒဏ်ကြောင့်ညှိုးလျော်နေဟန်ရှိပေမယ့် သားငယ်လေးအားပါးတရစားသောက်နေတာကို
ကြည်နူးရိပ်နဲ့ အားအင်ပြည့်ပြီးရွှင်လန်းဟန်ဖြစ်နေတာပါ................။

သူမလက်ခုံဘေးမှာ အပြာရောင်နဲ့ ပန်းရောင် အထက်အောက်ရောင်စဉ်တန်းကလေး။
အသေချာကြည့်တော့ ဆေးလုံးဆေးပြားလေးတွေထည့်ထားတဲ့ပလတ်စတစ်ဘူးလေးဖြစ်နေတယ်..........။
သားငယ်လေးကနေမကောင်းဖြစ်နေပုံရတယ်လေ............။

စားပြီးသောက်ပြီးတော့သားငယ်ကို ဆေးပြားလေးလှမ်းတိုက်နေတယ်...........။ချော့မော့ပြီးတိုက်နေတဲ့
သူမမျက်နှာက အရာအားလုံးထက်သားငယ်ကိုသာ အာရုံစိုက်ထားပုံပါ.........။

သူမနဲ့သူမခင်ပွန်းတို့ဟာ တနေကုန်ဝမ်းစာအတွက်ရုန်းကန်ထားရပြီး အခုလိုနေဝင်မိုးချုပ်တဲ့ညနေခင်းလေးမှာ
အိမ်ပြန်ဖို့အတွက် ဝမ်းမီးကိုငြိမ်းတဲ့အနေနဲ့ ဒီဆိုင်လေးမှာတထောက်နားပြီး နေမကောင်းတဲ့သားငယ်လေးအတွက်
ရှိသမျှလုပ်အားခလေးထဲက ဖြစ်ညှစ်ပြီးဒီဆိုင်လေးမှာ အစားအသောက်မှာယူစားသောက်ကြပုံပါ...........။

ဒီရပ်ဝန်းမှာရှိနေကြတဲ့လူတန်းစားက ထမင်းနပ်မှန်ရေးကို ခွန်အားမတရားစိုက်ထုတ်ပြီး ကြိုးပမ်းနေကြရတာလေ။
အများစုက အဝေးကအသိုက်မှာကျန်ရစ်စောင့်စားနေကြတဲ့ မိသားစုတွေအနှောင်ဖွဲ့တွေကို ခြိုးခြံချွေတာခြစ်ခြစ် ကုပ်ကုပ်နဲ့  ထောက်ပံ့နေရရှာသူတွေပါ..............။
ဒီမိသားစုလေးကတော့ အဲဒီလိုဘဝတူတွေပဲပေ့ါ...............။

ခဏကြာတော့ မိခင်လုပ်သူက သူမကိုင်ထားတဲ့ ညစ်ထေးထေးအညိုရောင်ရှံ့အိတ်လေးထဲက ငွေအသပြာစေ့လေးတွေ
ကို အသေချာရေတွက်ရင်းနဲ့ ပိုက်ဆံကျသင့်ငွေကိုရှင်းဖို့လုပ်ပါတော့တယ်..........။
သားငယ်လေးကိုချီပိုးပြီး ဆိုင်ကလေးကိုကျောခိုင်းထွက်ခွာသွားတဲ့ မိသားစုလေးကိုငေးရင်း ကျွန်မဟိုးအတိတ်ကို
မြင်ယောင်လာတယ်လေ............။

မေမေပေါ့............မေမေ့မျက်နှာလေ....................။ကျွန်မမေမေကိုမြင်ယောင်လာတယ်.............။

ချူချာလွန်းတဲ့ကျွန်မက အမြဲတမ်းနှာစေးချောင်းဆိုးခံစားရတယ်..........
မေမေကကျွန်မကိုအမြဲဆေးသောက်ဖို့ အစာခွံ့ဖို့ စိတ်ရှည်လက်ရှည်လုပ်ပေးတတ်တာ...........
ကျွန်မကဂျီတိုက်တာတော်တော်ဆိုးတဲ့ကလေး...................
မေမေက ကျွန်မဂျီတိုက်တာစိတ်ရှည်လက်ရှည်ခံပြီး ဆေးတွေကျွန်မပါးစပ်ထဲရောက်အောင်ဝမ်းထဲရောက်အောင်
ကြိုးပမ်းလေ့ရှိတယ်.............
.
ထမင်းဆိုခွံ့ပေးမှစားတတ်တဲ့ကျွန်မကို မေမေက သူ့လက်ချောင်းလေးတွေနဲ့အမြဲတမ်းခွံ့ကျွေးတတ်တယ်.......
ကျွန်မကိုထမင်းခွံ့ကျွေးရင်းနဲ့ပဲ မေမေ့လက်ချောင်းလေးတွေ တဖြည်းဖြည်းရှံ့တွလာကြတာပါ.................
ကျွန်မပါးစပ်ထဲထမင်းလုတ်ဝင်သွားတိုင်း ပါးစပ်လိုက်ဟတတ်တဲ့ မေမေ့နှုတ်ခမ်းသားလေးတွေဟာလဲတဖြည်းဖြည်း
တွံ့ရှံ့လာကြတာပါ...................

ဒါပေမယ့် မေမေ့အကြင်နာမေတ္တာအပြည့်ရှိတဲ့မျက်ဝန်းအစုံကအကြည်ဓာတ်ကတော့ အိုမင်းရင့်ရော်ခြင်းတွေနောက်
လိုက်ပါမသွားခဲ့ပါဘူး............

ကျွန်မအတောင်အလက်စုံလို့ အပျံသင်ဖို့ထွက်ခွာလာချိန်မှာ မေမေရဲ့ ဇရာဖမ်းစားမှုကအတော့ကို ခိုင်မြဲနေပြီလေ........
အရင်လိုအားမာန်တွေနဲ့ ဝမ်းစာကိုရှာနေရတုန်းဖြစ်တဲ့ကျွန်မမေမေဟာ ကျွန်မအပေါ်မှာအမြဲတမ်းယုံကြည်ချစ်ခင်တဲ့
မေတ္တာစိတ်တွေအပြည့်နဲ့ ရှင်သန်နေတာပါ..............

အဲဒီအတွက် မေမေရဲ့ ကျွန်မပုခက်ကိုလွှဲခဲ့တဲ့ သူ့လက်အစုံအတွက် ကျွန်မအတတ်နိုင်ဆုံးပေးဆပ်ရမယ်ဆိုတဲ့အသိက
မေမေ့မျက်နှာ မေမေ့အမူရာတွေ လွှမ်းခြုံထားတဲ့ ကျွန်မဘဝတသက်တာမှာ အရေးအပါဆုံးကဗျာတပုဒ်ပါ...............
မေမေပေးတဲ့အသက်နဲ့ ရှင်သန်ခွင့်ရခဲ့တဲ့နောက် ရှင်သန်ခြင်းကို ပျော်ရွှင်မှုအပြည့်နဲ့ခံစားနိုင်ခဲ့တာဟာ
မေမေရဲ့ကျေးဇူးပါ.........................။

ဒီနေ့ဆို ကျွန်မမြင်မိတဲ့ မိသားစုလေးကြောင့် ကျွန်မဘဝကိုမေမေဖေဖေနဲ့စတင်ပျိုးထောင်လာခဲ့တဲ့အချိန်တွေအားလုံး
အတွက် လှိုက်ဖိုမိလောက်အောင် ခံစားရပါတယ်................

ကလေးဘဝ အရွယ်ငယ်ငယ်က ဖေဖေနဲ့မေမေ ပိုက်ဆံရှာပြီးအိမ်ပြန်လာချိန်တိုင်း ကျွန်မတို့ညီအမအတွက် စားစရာ
ဖွယ်ဖွယ်ရာရာမပါတဲ့နေ့ရယ်လို့ မရှိသလောက်ပါဘဲ............

ကျွန်မဖျားပြီဆို ဖေဖေကောမေမေကော အလုပ်ရှုပ်ကြပြီပေါ့...................

နွေးထွေးမှုအပြည့်ပေးစွမ်းခဲ့တဲ့ မေမေရဲ့လက်အစုံကိုတမ်းတလိုက်တော့ လုံခြုံသွားသလိုပါပဲ............

စိတ်အစဉ်လွင့်မျောနေတာဘယ်လောက်ကြာတယ်မသိဘူး တင်းကျပ်တဲ့အသိလေးခံစားလိုက်ရတော့မှ
ကျွန်မလက်ကလေးကို မေမေကများ လာဆုပ်သလားအထင်နဲ့ မော့ကြည့်လိုက်တော့ အရင်းနှီးဆုံးရင်ခုန်လှိုက်မော
တတ်တဲ့ခံစားမှုတွေပေးပြီး ပန်းသီးနီနီလေးတလုံးကို မျှဝေစားသုံးခွင့်ပေးခဲ့သူ ကျွန်မဘဝလက်တွဲဖော် ချစ်သူရဲ့
စိုးရိပ်မှုသန်းနေတဲ့မျက်ဝန်းကိုတွေ့လိုက်ရတယ်........။

အဲဒီအခါမှာတော့ ကျွန်မရဲ့လက်ရှိအချိန်ဆီ ပြန်ပြီးထပ်တူကျသွားခဲ့ပြန်တော့ ချစ်သူစိတ်မပူအောင် အပြုံးလေးယှက်
ပြီး ပြန်ပြောဖြစ်လိုက်တာက ငေးပြီးတွေးနေတာ လို့ပါ..................။

ကမ္ဘာပေါ်ကသက်ရှိတွေအားလုံးမှာ အမေဆိုတာရှိကြတယ်............
ဘယ်အခြေနေမှာဖြစ်ဖြစ် အမေဆိုတဲ့စကားကိုပိုင်ဆိုင်ခွင့်ရထားကြသူအားလုံး နွေးထွေးကြင်နာမှုတွေနဲ့အင်အားသစ်
တွေ ထာဝရပိုင်ဆိုင်ကြရမယ်............

ထာဝရမေတ္တာရှင်ဖြစ်တဲ့မေမေကို သတိတရကျန်းမာစေကြောင်းအမေများနေ့မှာ ဆုမွန်ကောင်းတောင်းလိုက်ပါတယ်..........။

 

သင့်တော့်တဲ့အခါ

ခပ်စိမ်းစိမ်းလေးပါပဲ

မသိကြတဲ့နှစ်ဦးသားရင်ကို

ဆက်သွယ်ပေးတာ

Available ပါတဲ့...............။

ဖိတ်ခေါ်မယ်ကြည်ဖြူစွာနဲ့

အမှတ်တရမြောက်မြားစွားကို

ထာဝရချည်နှောင်ပေးတာ

Yes ပါတဲ့...............။

ပုံမှန်လေးပဲ

တသိမ့်သိမ့်ဒီရင်အစုံကို

နာကြားမယ်ဇော်ဂျီနဲ့

Answer နှိပ်ကာတဲ့............။

မကြင်နာရှောင်ခွာချင်တော့

လွှဲရှောင်မယ်ပတ္တမြားရောင်နဲ့

မချိတင်ကဲခွင့်ပြုမိန့်မရတာ

Busy ပုံပါတဲ့...............။

ဆွေးနွေးခွင့်မရှိတော့ရင်တော့

ပုန်းကွယ်မယ်တိတ်တိတ်လေးပေါ့

ကျန်သူရင်မနစ်နာစေဖို့

Invisible လေးနဲ့တဲ့.............။

မမြင်နိုင်ကိုယ်မပိုင်ချင်တော့ရင်

မပူပင်ခပ်အေးအေးလေးပေါ့

လွန်ကဲစွာပူဆွေးနေသူကို

ပေးလိုက်မယ်ရက်စက်စွာလေ

Block လိုက်ပြီတဲ့............။

အကြင်နာလွှတ်ကာပေးတော့

မညိုငြင်ဆက်ကာကမ်းမယ်

ပေဖူးလွှာ mailing စနစ်နဲ့

ထပ်ပြီးသာလျှောက်လှဲချင်ပေမယ့်

သူမုန်းကာစိမ်းခါးနေတော့

ပေဖူးလွှာsetting change တယ်

Delete Forever နဲ့......................။

လှူဒါန်းနိုင်ကြရန် ဆော်သြလိုက်သည်

ဒီနေ့မနက်မေးလ်စစ်မိတော့ကိုပီကေရဲ့စာလေးတစောင်ကိုဖတ်မိပါတယ်။
သိပ်ကောင်းတဲ့စေတနာလေးအတွက်တတ်အားသမျှလှူဒါန်းနိုင်ကြဖို့
ထပ်ဆင့်ဆော်သြပေးလိုက်ပါတယ်ရှင်။
၂၀၀၈ ခုနစ် ခရစ္စမတ်နေ့ က ဘလာဂေါက်တို့ ဦးစီးပြီး လုပ်တဲ့ My Web My
Style ပွဲလေးမှာ ဦးဇင်း ဦးကောဝိဒကို စပြီး ခင်မင်ခဲ့ရပါတယ်။ စကားလက်စုံ
ကျရင်း ဦးဇင်းရဲ့ ပညာဒါန အလှူတွေအကြောင်း ပြောဖြစ်ခဲ့ပါတယ်။
ကျနော့အနေနဲ့ လေးစားမိတာက တစ်ကြောင်း၊ အားကျမိတာက တစ်ကြောင်း၊
ကူညီပေးချင်တာက တစ်ကြောင်းကြောင့် ကျနော်ရဲ့ ဘလော့ဂ်မှာ အများအနေနဲ့
မုဒိတာ ပွားနိုင်သလို၊ တတ်စွမ်းသလောက် ဝိုင်းဝန်းဖေးမပေးဖို့
ကုသိုလ်ယူရန် လက်တို့လိုက်ရပါတယ်။

ဦးဇင်း ဦးကောဝိဒဟာ မြန်မာနိုင်ငံရဲ့ သာသနာအထွန်းကားဆုံး
မြို့တစ်မြို့ဖြစ်တဲ့ စစ်ကိုင်းမြို့မှာ သီတင်းသုံးပါတယ်။
စစ်ကိုင်းမြို့ဟာ ဆိုရင် မြန်မာနိုင်ငံမှာ သာသနာ အနွယ်ဝင် သံဃာတော်
အများဆုံး သီတင်းသုံးတဲ့ မြို့တစ်မြို့ ဆိုတာလည်း လူတိုင်း သိမှာပါ။
စစ်ကိုင်းမြို့မှာ ဆိုရင် သံဃာတော်၊ သီလရှင်တွေ အတွက် ပရိယတ်အဖြစ်
ဗုဒ္ဓစာပေ သင်ကြားရာ တက္ကသိုလ်၊ စာသင်ကျောင်းတွေ အများဆုံး ရှိတဲ့
မြို့တစ်မြို့ ဖြစ်သလိုပဲ ပဋိပတ်အဖြစ် ဝိပဿနာတရား အားထုတ်ရာ ရိပ်သာ၊
တရားစခန်း အများဆုံး ရှိတဲ့ မြို့တစ်မြို့လည်း ဖြစ်ပါတယ်။ ဗုဒ္ဓစာပေ အဓိက
ဖြန့်ချီရာ ဒေသလည်း ဖြစ်တဲ့ စစ်ကိုင်းမြို့ကို အနယ်နယ် အရပ်က သံဃာတော်တွေ
အနေနဲ့ လက်လွတ်မခံဘဲ လာရောက် ဆည်းပူးကြရပါတယ်။ ဒါကြောင့်လည်း
သာသနာနွယ်ဝင် အများစု မှီတင်းရာ ဒေသအဖြစ် စစ်ကိုင်းမြို့ဟာ ကမ္ဘာမှာ
ထင်ရှားတာ လူတိုင်း သိပြီးသားပါ။

၂၁ ရာစုမှာ လူသားအဖြစ်နဲ့ အသက်ရှင်တဲ့ လူတွေအတွက် ကွန်ပြူတာ၊ အင်တာနက်
ဆိုတာ ခန္ဓာကိုယ် အစိတ်အပိုင်း တစ်ခုလို မရှိမဖြစ် ဖြစ်နေပါပြီ။
သံဃာတော်တွေ အတွက်လည်း ချွင်းချက် မဟုတ်ပါဘူး။ သာသနာ ပြန့်ပွားဖို့
ကြိုးပမ်းတဲ့ အခါမှာ ဟိုး ခေတ်ဦးပိုင်းက သံဃာတော်တွေ သက်ဆိုင်ရာ ဒေသ
တစ်ခုကို ကိုယ်တိုင်​ ကြွရောက်ပြီး သာသနာပြုရပါတယ်။ ဒီထက်
လမ်းပမ်းဆက်သွယ်ရေး ကောင်းလာတဲ့အခါမှာ စာပေတွေ ရေးသား ဖြန့်ဝေပြီး
သာသနာပြုပါတယ်။ နည်းပညာ တိုးတက်လာတော့ လေလှိုင်းပေါ်ကနေ ဂြိုလ်တု၊ တီဗီ၊
ရေဒီယိုကတဆင့် တရားတော်တွေ ထုတ်လွှင့်ပြီး သာသနာ ပြုနိုင်ခဲ့တယ်။ အခု
အင်တာနက် ခေတ် ရောက်လာတော့ နိုင်ငံတကာမှာ ရှိတဲ့ သံဃာတော်တွေ သာသနာတော်
ပြန့်ပွားဖို့၊ တည်တန့်ဖို့ အွန်လိုင်းကို အသုံးချပြီး လုပ်ဆောင်နေကြတဲ့
အချိန်မှာ ကျနော်တို့ မြန်မာနိုင်ငံအနေနဲ့ အတော်လေးကို အားနည်းနေတာ
တွေ့ရပါတယ်။ မြန်မာနိုင်ငံမှာ ရှိတဲ့ သံဃာတော်တွေ အနေနဲ့ အင်တာနက်နဲ့
အထိအတွေ့ မပြောပါနဲ့ ကွန်ပြူတာကို ထိတွေ့ဖို့ဆိုတာတောင် အတော်လေး
ခက်နေပါသေးတယ်။ မြို့ကြီးတွေ ဖြစ်တဲ့ ရန်ကုန် မန္တလေးမှာတောင်
ခက်ခဲနေတာပါ။ စစ်ကိုင်းမြို့ဆိုရင်တော့ တွေးကြည့်စရာတောင် မလိုတော့ပါဘူး။

အဲဒီ ခေတ်ရဲ့ ရေစီးနဲ့ အခက်အခဲကို သိတဲ့အပြင် ကူညီဖြေရှင်းဖို့
တတ်နိုင်တဲ့ဘက်က ကြိုးစား အားထုတ်နေသူကတော့ ဦးဇင်း ဦးကောဝိဒပါ။
ဦးဇင်းက စစ်ကိုင်းမြို့နဲ့ မန္တလေးမြို့မှာ တစ်လှည့်စီ
ကွန်ပြူတာပညာရပ်တွေကို သူ တတ်သလောက် ပညာဒါနအနေနဲ့ ဖြန့်ဝေပေးနေတာပါ။
မန္တလေးမြို့ရဲ့ စေတနာအလှူရှင်ကြောင့် ဦးဇင်းအနေနဲ့ အွန်လိုင်း
သင်ကြားခွင့်ရခဲ့ပါတယ်။ မန်းက အင်တာနက် ကဖေးတစ်ဆိုင်က ဦးဇင်းကို
သင်ကြားဖို့ လှူဒါန်းတာကြောင့် မန်းက သံဃာတော်တချို့ကို ပညာဒါနအနေနဲ့
အင်တာနက်သင်တန်းအဖြစ် ဖွင့်လှစ် ပေးနိုင်ခဲ့ပါတယ်။ နောက်ပြီး
စစ်ကိုင်းမြို့မှာလည်း သင်တန်းခန်းမတစ်ဆောင် အနေနဲ့ သီးသန့် လုပ်ထားပြီး
ကွန်ပြူတာအကြောင်းကို သင်တန်းအနေနဲ့ သံဃာတော်တွေအတွက် ပညာဒါန ဝေမျှ
ပေးနိုင်ခဲ့ပါတယ်။ အဲဒီ သင်တန်းခန်းမရဲ့ ကြမ်းပြင်ကိုလည်း ညီလင်းဆက်ရဲ့
အကူအညီနဲ့ နိုင်ငံခြားမှ လှူဒါန်းငွေကြောင့် မကြာခင်က ကြမ်းခင်းထားပါပြီ။
သင်တန်းမှာ ကွန်ပြူတာ (၆) လုံးပဲ ရှိပါတယ်။ အဲဒီ ကွန်ပြူတာခြောက်လုံး
နဲ့ပဲ အခု သင်တန်းသစ်တစ်ခု စတင်ဖို့ ကြံဆောင်နေတယ်လို့ ဦးဇင်းက
မိန့်ပါတယ်။

သင်တန်းသစ်စမယ်လို့ သတင်းရတာနဲ့ စစ်ကိုင်းမြို့မှာ ရှိတဲ့ ကွန်ပြူတာ
နည်းပညာ ငတ်မွတ်သူ၊ အင်တာနက် ငတ်မွတ်သူတွေ ဝိုင်းပြီး စာရင်း ပေးလိုက်တာ
ကြေငြာပြီး မကြာခင်မှာပဲ လျှောက်လွှာတင်သူ ၅၀ ကျော်သွားလို့
ရပ်ဆိုင်းထားရပါတယ်။ ရပ်ဆိုင်းထားဆို ကွန်ပြူတာက (၆) လုံးတည်း
ရှိတာဆိုတော့ စိတ်သွားတိုင်း ကိုယ်မပါတဲ့ ဦးဇင်းရဲ့ ခံစားချက်ကို
ကိုယ်ချင်းစာမိပါတယ်။ နောက်ပြီး စစ်ကိုင်းမြို့အနေနဲ့ လျှပ်စစ်မီး
ကောင်းကောင်းရဖို့ဆိုတာ မဖြစ်နိုင်ပါဘူး။ လျှပ်စစ်မီး အချိန်များများ
ရဖို့တောင် ဆုတောင်းဖို့ မလွယ်ပါ။ ဒါကြောင့် ကွန်ပြူတာရဲ့ အသက်ဖြစ်တဲ့
လျှပ်စစ်မီးက ရှိဖို့ အရေးကြီးနေပြန်ပါတယ်။ ဒါကြောင့် ဦးဇင်းအနေနဲ့လည်း
မီးစက်ဝယ်ဖို့ စိုင်းပြင်းနေရပြန်တယ်။ ပညာဒါန အလှူလုပ်ဖို့
သင်ကြားတယ်ဆိုတော့ ပစ္စည်းပစ္စယ ဝယ်ဖို့ ငွေကြေးဆိုတာ အလှူရှင်ကိုပဲ အဓိက
တည်မှီနေရတော့မှာပါ။ ဦးဇင်းကို မေးကြည့်တော့ မီးစက်ဝယ်ဖို့ ကျပ်ငွေ (၁၇)
သိန်း လောက် လျာထားရမယ်လို့ မိန့်ပါတယ်။ နောက်ပြီး သင်တန်း အရှိန်ရဖို့
ကွန်ပြူတာ အလုံးရေ များဖို့ကလည်း အရေးကြီးပြန်တော့
ကွန်ပြူတာအလှူရှင်ကလည်း လိုအပ်နေပြန်ပါတယ်။

ဒီအခက်အခဲတွေ ကြားက ဘာကိုမှ မမှုဘဲ သူ့ရဲ့ ရည်ရွယ်ချက်နဲ့ စေတနာကို
အကောင်အထည် ပေါ်ဖို့ပဲ အမြဲ ကြိုးစားနေတဲ့ ဦးဇင်းရဲ့ စိတ်ဓါတ်နဲ့ ဇွဲကို
ကျနော် မလေးစားဘဲ မနေနိုင်ပါဘူး။ အားကျတယ်လို့လည်း ပြောလို့ရတယ်။
ဒါကြောင့် ဦးဇင်းရဲ့ ပညာဒါန သင်တန်းတွေ အမြဲ အဓွန့်ရှည်
တည်တန့်စေနိုင်ဖို့ အလှူရှင်တွေ လိုအပ်နေတာ အမှန်ပါ။ ပြည်တွင်းမှာ ရှိတဲ့
သာမာန် ဝန်ထမ်းတစ်ယောက် အနေနဲ့ ငွေ တစ်သောင်း လှူဖို့ဆိုတာ အခက်အခဲ
ရှိပေမယ့် ပြည်ပ ရောက်နေသူတွေအတွက် အခက်အခဲ သိပ်မရှိလောက်လို့ အကူအညီ
တောင်းလိုက်ရပါတယ်။ တကယ်လို့ ပြည်တွင်းက လူတွေအနေနဲ့လည်း တတ်နိုင်သလောက်
တစ်ထောင် နှစ်ထောင်ကအစ လှူဒါန်းနိုင်ပါတယ်။ ဦးဇင်း ဦးကောဝိဒရဲ့
သင်တန်းကျောင်းအတွက် လက်တလော လိုအပ်နေတဲ့ ပစ္စည်းတွေကတော့

၁။ ကွန်ပြူတာ (လက်ရှိ ခြောက်လုံးသာ ရှိသည်)
၂။ သင်တန်းခန်းမ မျက်နှာကျက် (လုံးဝ မရှိသေးပါ)
၃။ ကြမ်းခင်းအုတ်ခင်း (ခန်းမ အရှေ့ပိုင်းကို ညီလင်းဆက်ကူညီသော အလှူနဲ့
အုတ်ခင်းပြီး)
၎။ ၁၀ ကီလိုဝပ်ထွက် မီးစက်တစ်လုံး (မီးမရှိလျှင် လုံးဝ သင်မရပါ။ လက်ရှိ
လျှပ်စစ်မီးမှာ ပျက်တလှည့် မလာတလှည့်)
၅။ နည်းပညာပိုင်း ဆိုင်ရာ ပညာဒါန သင်ကြားပေးနိုင်သူ (မန်း သို့
စစ်ကိုင်းတွင် သင်ကြားပေးနိုင်သူ ဖြစ်ရန်လိုသည်)
၆။ အင်တနက် သင်တန်း သင်ကြားနိုင်ရန် အွန်လိုင်း သုံးစွဲခွင့် (အင်တာနက်
ကဖေးဆိုင် တစ်ဆိုင်မှ သူ့ဆိုင်တွင် သင်ကြားနိုင်ရန် အချိန်ပိုင်း
လှူဒါန်းထားသည်။ ထိုအလှူရှင်ကဲ့သို့ လှူဒါန်းနိုင်လျှင် ပိုကောင်းမည်။
သို့မဟုတ် တစ်နာရီ သုံးစွဲခ လျှော့ဈေးဖြင့် ညှိနှိုင်းပေးပါကလည်း
အဆင်ပြေပါမည်။ သို့မဟုတ်ပါက အလှူငွေဖြင့် အင်တာနက် သုံးစွဲဖို့
စီမံရပါမည်)
၇။ ရေအေးစက် (အင်မတန်ပူသော စစ်ကိုင်းမြို့အတွက် လိုပါသည်)
၈။ အလှူငွေ (တခြား သင်တန်းအတွက် လိုအပ်ချက်များ စီမံဆောင်ရွက်ရန်)

လှူဒါန်းလိုသူများ ဆက်သွယ်ရန်
၁။ ဦးကောဝိဒ @mailto: kovida9@gmail.com
၂။ ပီကေ @mailto: pikay@myanmarbloggers.org
၃။ ညီလင်းဆက် @site: http://blog.nyilynnseck.com
၎။ မျက်လုံး @mailto: thethtoo@gmail.com
၅။ မင်းယွန်းသစ် @mailto: minnyoonthit@gmail.com
၆။ အရုပ်ကလေး @mailto: idulize@gmail.com

ဘုန်းဘုန်းဆီ ပြည်တွင်းမှ လွှဲချင်သူများ အနေနဲ့ ဒီကိုလွှဲလို့ရပါတယ် ခင်ဗျာ။

မန္တလေး ရိုးမဘဏ် (ရတနာပုံ)၊
ဦးကောဝိဒ -၉/ပဥလ(သ)၀၀၀၅၂၆
ဦးရဲဝင်းနောင် 09-2028917

နိုင်ငံခြားမှ လှူဒါန်းလိုသူတွေအတွက် PayPal နှင့် UK Bank Account
နှစ်မျိုးစလုံးနဲ့ လှူဒါန်းနိုင်ပါတယ်။ ဦးဇင်း href="http://kovida.multiply.com/">ဦးကောဝိဒရဲ့ ကိုယ်ပိုင်
ဘလော့ဂ်ကိုလည်း သွားရောက် လေ့လာနိုင်ပါတယ်။ ဦးဇင်း ဘလော့ဂ်မှာ
ကျနော် အပေါ်မှာတင်ပြခဲ့တဲ့ ဦးဇင်းရဲ့ လှုပ်ရှားမှုတွေကို ဓါတ်ပုံနဲ့တကွ
အသေးစိတ် ဖော်ပြထားပါတယ်။ သွားရောက်ကြည့်ရှု လေ့လာနိုင်ပါတယ်။
ကျနော်အနေနဲ့ တောင်းဆိုချင်တာက အလှူငွေမှ မဟုတ်ဘဲ ကူညီတဲ့အနေနဲ့
ဒီပို့စ်လေးကို တတ်နိုင်သလောက် ဖြန့်ဝေပေးစေချင်ပါတယ်။

အားလုံးကို လေးစားသောအားဖြင့်
ပီကေ

မေအတွက်

အင်အားကုန်ခမ်း

မစိမ်းလန်းလဲ

အသက်ဆက်ကာမွေးခဲ့တယ်

ချစ်သူမုန်းသူ နှစ်သွယ်လုံးရယ်

အကြင်နာအင်အားကြီးမားမယ်

အမြင်ကျဉ်းမှောင်တိမ်တိုက်ကြားက

ကြာညိုနံ့လေးသင်းနိုင်တယ်

အချစ်ချင်းပြိုင် သူနိုင်မလားလို့

ဘယ်သူမှတော့မမေးဘူးတကယ်

လရောင်နေရောင်အာကာသကို

သူ့လက်များနဲ့အုပ်မိုးတယ်

အကျဉ်းချတောင်နေမယ်စိတ်က

မုဒိတာတရားအပြည့်နဲ့ကွယ်

မောင်မေချစ်သူ ဘယ်သူ့များမှ

သူ့အားတသက်မမေ့ရက်တယ်

အများသူငါ ရင်ခွင်ထဲလဲ

မညှိုးပန်းတပွင့် သူဖြစ်မယ်........

ချစ်မယ် ချစ်ကြတယ်.......

လာမယ့်နေ့ရက်ကြိုတွက်တယ်

အမေများနေ့ မမေ့ဖို့ကွယ်....................

ရသချစ်သူ

ကြင်နာစွာနဲ့ ထာဝရဖေးမသူ............

ခင်မင်မှာလဲ အများနဲ့အတူ ခိုင်မြဲနားလည်သူ.................

ကူညီမယ်အခက်ခဲ ပုစ္ဆာများစွာကို လက်တွဲအတူဖြေရှင်းသူ......................

အနီးဆုံးသောသူစိမ်းပေမယ့် ရင်းနှီးမှုအပေါင်းသရဖူဆောင်းထားသူ..................

လျှို့ဝှက်ကွယ်ကာ အနာများလဲ အားပါးတရဖာထေးပေးသူ.................

ဖြူစင်စွာလဲ အမြင်မှာမစဲ သည်းသည်းလှုပ်ချစ်မယ့်သူ...........

စည်းခြားမှုများကို သံယောဇဉ်ခဲဖျက်နဲ့ တယုတယပယ်ဖျက်ပေးသူ..........

ငြိမ်းငြိမ်းချမ်းချမ်းနဲ့ မေတ္တာရင်ခွင်ထဲ မှေးစက်ခြွေးသိပ်စေသောသူ..............

ဒီလိုရသပိုင်ဆိုင်မိတာ ငါ့ရဲ့ချစ်သူနဲ့အတူ.....................

ငါ့ကိုချစ်သော ငါကချစ်ရတဲ့သူ အမြဲတူတူ ရသမြောက်ချင်သော ချစ်သူ...............


နေနီနီ

ပရီဗျူး

အားပါးတရ
ခဝါချတော့
မောမိတယ် ရှေ့ဆက်ဖို့ကွယ်.........။
ရွှေရင်ကိုအသာပြင်ချင်လို့
မယ်မဒီခဏဝေးမယ်
အဖြစ်သနစ်ထွေထွေကို
မခယပါနဲ့ဆို............။
အပြစ်ထိုထို မှိုလိုလို
ဘယ်သူဆိုဆို
ပယ်မယ်ဒီလို
မစဲပဲသည်းမယ့်မိုး
မေတ္တာဖြည့်လို့
ကာရံရှိုး..................။
နှုတ်ဆက်သူ
မျက်ရည်မသမ်းဖို့
ကြည့်လိုက်ပေါ့
ငါ့အတိတ်ဆိုးကို
နင့်အတွက်ပရီဗျူး......................။


.

မျှော်မော

ကမူးရှူးထိုးဟုတ်မယ်မထင်
အမြင်ကြည်လင်မိ
မမြင်ရတဲ့ပုံရိပ်ကို.............။

ခပ်ချိုချိုအတွေးလေးစုစည်း
ရှုမငြီးတဲ့ဒီခရီးကို
ပုံရိပ်ယောင်ကဖမ်းစား...........။

လျှပ်စစ်အသံတွေကြား တဝါးဝါးပွဲဖွဲ့လောက်အောင်
တောင်တောင်အီအီအတွေးကြား
သိုဝှက်ထားကြည့်
ရင်ခုန်မိဒီအဖြစ်ကို
သူသူကိုယ်ကိုယ်တိတ်တခိုးပေါ့...........။

အတူကိုက်သိုမှီးမိ
ဒီသစ်သီးက
လေးနက်တဲ့စိတ်ကူး
ပျားရည်လိုချိုအီ...........။

အဆုံးမရှိတဲ့ဖွင့်ဆိုချက်တွေအပေါ်
ကြိုတင်စိတ်ကူးရူးမိပေါ့..........။

သက်သေက
အိပ်မက်ကိုဖြည့်ဆည်း
လက်တွဲကာသက်သေထူမယ်ပေါ့..............။

ကြိုလင့်ကမ်းလက်
သူဆက်မယ့်ပန်း
ခပ်ဆိတ်ဆိတ်ယူပြီး
တိတ်တခိုးအပြုံးကို
အိပ်မက်နန်းဆောင်မှာ
ကြည်နူးနိုင်မလား.................။

အိပ်မက်ကနိုး
ခပ်ရိုးရိုးလေးတွေးတော
ဘေးနားမှာဖြည့်ဆည်းမယ်ပြော..............။

လက်တွဲကာဆက်လှမ်းမယ်တဲ့
ကျန်သေးတဲ့အိပ်မက်လမ်းကို
ငါ့ဘဝထဲအရောက်ပေးမယ်...........။

လှိုင်းထလာတဲ့ဒီတံပိုးကို
အကြင်နာမျှော်ကာမှန်းနေတုန်း
ဘယ်မှာလဲလာအုံးမယ့်အခါတော်
ရွှေရင်ဆို့မောနေမိတယ်
စိတ်ကမှန်းရော်ရမ်းတလယ်လယ်♥♥♥♥

“ကားလိပ်ရဲ့နောက်ကွယ်”

တနေရာ တချိန်မှာတော့
အဆိပ်ရည်လိုခပ်ခါးခါးအရသာကို
ချိုမြိန်ဟန်ပြု
ဒြပ်ထုတခုတည်မြဲဖို့
ကြိုးပမ်းအားစိုက် အမြတ်ပိုက်မိခဲ့တယ်……………….။

နှစ်သက်ဟန်လုပ်
ခပ်ကုပ်ကုပ်လဲနေခဲ့ဘူးတယ်……….။

အသည်းအသန်နာကျင်လာမှ
နင်ပဲငဆပြောဆိုကြတော့
ခပ်အက်အက်စပ်ကြောင်းတခုမှာ မျောလွင့်မိတဲ့အခါ...............။

မုဒိတာမပွားနိုင်အောင်
အများသူငါကြင်နာကြတာကိုနာကျင်တဲ့အကြည့်တစုံနဲ့
စောင့်ကြည့်တာခံရတဲ့နောက်
ခပ်ပေါက်ပေါက်အတွေးအခေါ်တွေကိုစုစည်း
ခါးစည်းခံရသမျှဒုက္ခတွေအတွက်
ယုံကြည်ရာကိုခိုင်မာစေလို့
ကံကြမ္မာအပေါ်လည်စင်းခံရင်း
မြေစာပင်ပမာတနုပ်နုပ်ကြေမွသွားပေါ့……….။

ခိုင်မာတဲ့သံမဏိကျောက်တိုင်ကို
ခပ်ပိုင်ပိုင်စိုက်ထူပြီးသကာလ
ကျားနဲ့ဆင်လယ်ပြင်မှာတွေ့မယ့်တနေ့ကို
ရောက်တော့မယ်ဘယ်အခါဖြစ်ဖြစ်
ထာဝရမပြောင်းတဲ့အကြင်နာတွေက
မေတ္တာတရားတွေနဲ့အတူ
ယုံကြည်ငံ့လင့်မိတော့..........................။

မတူညီတဲ့သီအိုရီကြား အငိုက်မိသွားဒီနှလုံးသားကို
အမြဲငြိမ်းချမ်းစေဘို့
စိမ်းလန်းတဲ့ဥယျာဉ်အဖြစ်
စောင့်ရှောက်မယ့်သူကို
အစဉ်အမြဲ
ကြိုဆိုကမ်းလင့်
မေတ္တာစစ်စစ်နဲ့ပေ့ါ……….။

နှစ်သစ်ရနံ့သစ်အစစ်သစ်သစ်

ဝင်္ကပါလား ကျောင်းတော်လား
မကွဲပြားဘူး .........
ဒီလောကမှာ အသက်ရှင်နေတဲ့
စိတ်ရနံ့ကိုခံစား.........
အဖြစ်ပျက်အများပြားကို
ထာဝရဇာတ်ခုံပေါ်
သဲသဲလှုပ်ကကြ.........
ဒီတစ်ချက်မှားပေမယ့်
တစ်သက်လုံးအတွက်
ဝမ်းစာဆိုတာ
မမေ့ကြဖို့.........“၂၀၀၈”
ရင်ခုန်မှုဖြစ်အင်အသွင်ပြင်စုံ
ခံစားစံစားကြပြီးတဲ့နောက်
ဝင်္ကပါအလှည့်ပြောင်းမှာ......
မတိမ်းမစောင်းကျရောက်လာတဲ့
ဒို့အတွက်
အသစ်စက်စက်နှစ်သစ် “၂၀၀၉”
အစုန်ဆင်းမယ့်ဒီနှစ်မှာ
အဆန်ကတော့ အိပ်မက်အသစ်တွေ
မွေးဖွားခံစားကြပါစို့လာ...........
ဆုတောင်းမယ်နှစ်ဟောင်းကအညစ်တွေအားလုံး
ထပ်မရှိုးကြဖို့ကိုပေါ့...............။
ဆုပ်ထားတဲ့ ယုံကြည်ရာကို
ထပ်ကာမှန်းလို့
အနိုင်ယူကြဖို့
ဒီဘဝတိုက်ပွဲကို.................။
(နီနီဝင်း).

နှစ်သစ်နှုတ်ခွန်းဆက်

အဆုံးစမရှိတဲ့ ကောင်းကင်ကိုမော့ကြည့် အင်အားတွေကအသစ်စက်စက်ပေါ့...........။
မနက်ခင်းကသာယာတယ် နေရောင်ခြည်တောက်တောက်ရဲ့ကြားမှာဖြန့်ကျက်ထားတဲ့ တိမ်တိုက်တွေက ကမ္ဘာမြေကို
အသားတကျလည်ပတ်နေစေတာ............။
ကြည်နူးဖွယ်အတိတ်အနာဂတ်စိတ်ကူးတွေကို ပစ္စုပ္ပန်မှာ အကျိုးရှိရှိအသုံးချချင်တာမို့ အသက်ရှူသံကအစ အသစ်စက်စက်
ဖြစ်အောင် ခံစားလိုက်တယ်လေ..........။
ငြိမ်းချမ်းတဲ့အတွေးကိုပဲ အသားပေးပြီး ဒီနှစ်ကိုဖြတ်ကျော်မယ်လို့လဲစိတ်ကူးတယ်။
ဆုံဖြတ်ချက်တွေချတိုင်းချတိုင်း ရင်ခွင်မှာတသားတည်းဖြစ်တည်နေတဲ့ မေတ္တာတရားတွေကို စုစည်းထားမိတဲ့ ဆုံးဖြတ်ချက်
အခိုင်အမာတွေအောက် ထာဝရတော့ လောင်းရိပ်မိပါစေလေ.......။
အသက်ရှင်နေသမျှနေခွင့်ရနေတဲ့အချိန်ကာလတွေမှာ အရာအားလုံးအပေါ်မကူညီတောင်အနှောင့်ယှက်တော့မဖြစ်စေချင်ဘူး
ကိုယ့်ကြောင့်ပေါ့..............။
ကျေးဇူးတရားတွေနဲ့နစ်မွန်းနေတာကို အသာတကြည်လက်ခံထားမှာဖြစ်တဲ့ဘဝလေးကိုပိုင်ဆိုင်တာမို့ တခဏတာဆုံရကြုံရ
မယ့် ခပ်ဆိုးဆိုးအဖြစ်တွေကိုလဲ အမြဲတမ်းတော့ ရင်ဆိုင်ရမှာပေါ့ ခပ်ပြုံးပြုံးမဟုတ်တောင် မညစ်ညူးမိအောင်တော့ ထိန်းရ
မှာ...............။
သူငယ်ချင်းအားလုံးနှစ်သစ်မှာရွှင်လန်းကြပါစေလို့.................။
အချစ်နဲ့အတူပျော်ရွှင်နိုင်ကြပါစေ...............(၅၂၈ နှင့် ၁၅၀၀ ကြားအချစ်မပါ)