သင်္ကြန်မိုး

သင်္ကြန်ကာလ အခါသမယ နီးလို့လာပြီမို့ မြန်မာသင်္ကြန်သင်္ကေတတစ်ခုဖြစ်တဲ့ သင်္ကြန်မိုးဇာတ်ကားကို ကျွန်မအပါအဝင် မြန်မာရုပ်ရှင်ပရိသတ်တွေအားလုံး ရှုစားချင်ကြမှာပါနော်...
သင်္ကြန်ရဲ့ လှပတဲ့မြန်မာဓလေ့တွေ ထုံမွှန်းနေတဲ့ ဒီဇာတ်ကားဟာ ကမ္ဘာတည်သရွေ့ မြန်မာတွေရဲ့ရင်ထဲသာမက ကမ္ဘာတစ်ဝှမ်းလုံးက မြန်မာသင်္ကြန်ချစ်သူတွေအားလုံးအတွက် စံတစ်ခုအဖြစ် တည်ရှိနေမယ်လို့ ထင်ပါတယ်။

သင်္ကြန်ရနံ့တွေထုံသင်းလာတဲ့ ဒီလို ဧပြီလရောက်တိုင်း ပိတောက်နဲ့အတူ လွမ်းမောမိတာက သင်္ကြန်မိုး ဆိုတဲ့ ဒီဇာတ်ကားလေးပါပဲ။
အချစ် ဒရာမာ ဇာတ်ကားကောင်းလေးတစ်ကားဖြစ်တဲ့အပြင် မြန်မာ့ဓလေ့ရိုးရာတွေ ထုံမွှန်းထားတဲ့ ဒီဇာတ်ကားကို ရှုစားချင်ကြရင်ဖြင့် ဒီနေရာလေးမှာ ဝင်ရောက်ကြည့်ရှုနိုင်ကြပါပြီလို့ သတင်းကောင်း ပါးလိုက်ပါရစေ....။
မိတ်ဆွေအားလုံး မြန်မာနှစ်သစ်ကူး အတာသင်္ကြန်ရက်မြတ်များမှသည် နောင်နှစ်သစ်များစွာတိုင် ကမ္ဘာသူကမ္ဘာသား အားလုံးနဲ့အတူ ထာဝရ ငြိမ်းချမ်းစွာနဲ့ ဘေးဘယာဝေးကွာပြီး လှပတဲ့ ချစ်စရာ အချိန်လေးတွေကို ဖြတ်သန်းနိုင်ကြပါစေလို့ ဆုမွန်တောင်းရင်း....

သဘာဝဘေးဆိုးကြီးမှလွတ်မြောက်လာတဲ့ခွေးကလေးများ

A shivering dog remains loyally by the side of a stricken fellow canine amid the devastation of the Japanese tsunami. …

သတ္တဝါတိုင်း သဘာဝဘေးတွေ၊ နေ့စဉ်ကြုံတွေ့နေရတဲ့ အခက်အခဲများစွာတွေ ကြားထဲက ရုန်းထွက် လွတ်မြောက်နိုင်ဖို့ ကြိုးစားလေ့ရှိကြပါတယ်။
တချို့တချို့သော သူတွေကတော့ ဒုက္ခတွေနဲ့ရင်ဆိုင်ရတိုင်း လက်မြှောက်အရှုံးပေးခြင်းနည်းလမ်းကိုသာ ကျင့်သုံးတတ်ကြ တာကို အမြဲလိုလိုတွေ့ကြရပါတယ်။
ကမ္ဘာပေါ်က လူသန်းပေါင်းများစွာဟာ ကိုယ့်ကိုယ်ကိုယ် သေကြောင်းကြံစည်ခြင်းနည်းနဲ့ အခက်အခဲတွေရဲ့ ဖိစီးမှုကနေ လွတ်ရာလမ်းကို မြန်းကြတာ နေ့စဉ်နဲ့အမျှတွေ့ရ ကြားရတာ ဝမ်းနည်းဖွယ်ရာပါပဲ။

ထိုအထဲကမှ မလျှော့သောဇွဲ လုံ့လ ဝီရိယတွေနဲ့ ကံကြမ္မာကို ရိုးမယ်ဖွဲ့ပြီး ဒုက္ခနွံအောက် သည်းခံခြင်း နည်းလမ်းကို ကျင့်သုံးကာ အသက်ရှင်နေထိုင်နေသူတွေလည်း ဒုနဲ့ဒေးပါ။
ဒုက္ခတွေ အခက်အခဲတွေကြားမှာ ရှင်သန်နေကြရတဲ့ လူသားတွေထဲက အများစုကတော့ဖြင့် မိမိတို့ခံစားနေရ တဲ့ ဒုက္ခတွေကိုသာ ဖြေရှင်းနိုင်ဖို့ ကြိုးစားနေကြတာမို့ မိမိတို့ပတ်ဝန်းကျင်နဲ့တကွ မိသားစုအတွင်းက သူတွေရဲ့ ခံစားချက်တွေ ဒုက္ခတွေ အခက်အခဲတွေကို လျစ်လျူရှုထားမိသလိုဖြစ်နေကြတာက များပါတယ်။
အခက်အခဲဆိုတာ နိစ္စဓူဝ ခံစားနေရတာတွေက သိပ်မသိသာလှပေမယ့် ကြီးမားတဲ့ဘေးဆိုး ရန်ဆိုး အန္တရာယ်ဆိုးတွေကို အများနဲ့အတူ ရင်ဆိုင် ခံစားကြရတဲ့အခါမျိုးမှာတော့ တဦးချင်းစီရဲ့ အောင်းစိတ်ကလေး များဟာ သိသိသာသာ ပေါ်လွင်လာတတ်ကြပါတယ်။ အချို့သောသူတွေက လက်လှမ်းမီရာ အချင်းချင်း ပရဟိတစိတ်ကလေးနဲ့ ဝိုင်းဝန်းကူညီကြ ဖေးမတတ်ကြပေမယ့် အချို့သော သူတွေမှာတော့ မျက်နှာလွှဲခဲပစ် သဘောမျိုးနဲ့ ကမ္ဘာမီးလောင် သားကောင်ချနင်း ဆိုသလို ပရဟိတစိတ်ဓာတ်ကလေးများ မရှိတတ်ကြတာကို လည်း တွေ့တတ်ကြရ ပြန်ပါသေးတယ်။
ဒီလိုအခြေနေတွေထဲကမှ ပြီးခဲ့တဲ့ ၂၀၁၁ မတ်လ ၁၁ရက်နေ့က ဂျပန်နိုင်ငံ အရှေ့ပိုင်းမှာ လှုပ်ခတ်သွားတဲ့ အင်အားပြင်း ငလျင်ရဲ့ နောက်ဆက်တွဲအဖြစ် ဆူနမီ ရေလှိုင်းတွေဒဏ်ကို ဂျပန်က သန်းပေါင်းများစွာသော လူသားများ နဲ့ သတ္တဝါများစွာ ခံစားနေကြရပါတယ်။
ဂျပန်လူမျိုးတွေဟာ အချင်းချင်းကူညီနားလည်စာနာတတ်ကြ စည်းစနစ်တကျနဲ့ ဒုက္ခကို ရင်ဆိုင်ကျော်လွှားကြ နဲ့ သူတို့ရဲ့ ငရဲခန်းကာလတွေကို အခုအချိန်တိုင် ကြံ့ခိုင်တဲ့စိတ်ဓာတ် ပရဟိတစိတ်ဓာတ်တွေနဲ့ လူသားဆန်စွာ အသက်ရှင်ရပ်တည်နေကြ ပါသေးတယ်။
ကမ္ဘာအဝှမ်းက လူသားတိုင်းဟာလည်း ဂျပန်တွေရဲ့ သဘာဝဘေးအန္တရာယ်ရင်ဆိုင်နေရမှုကနေ လွတ်မြောက်ရာ လွတ်မြောက်ကြောင်း ငွေအား လူအား ပစ္စည်းအား တွေသာမက ဆုတောင်းပွဲတွေပြုလုပ် ကြရင်း ကူညီနေကြတာလည်း မြင်တွေ့ကြားသိရတာကိုက ကြည်နူးစရာပါ။
နေ့စဉ် အိပ်ရာကနိုးထလာတိုင်း ဂျပန်ငလျင်ရဲ့ နောက်ဆက်တွဲ သတင်းတွေ စောင့်ကြည့်နေတတ်ကြတဲ့ လူတွေထဲမှာ ကျွန်မလည်း တယောက်အပါအဝင်ပါ။ ဒီနေ့ နံနက်လေးမှာ Facebook ထဲ ကျွန်မဝင်လိုက်တဲ့အခါ သူငယ်ချင်းတယောက် တင်ထားတဲ့ Link လေးတခုကို သွားတွေ့မိပါတယ်။
သူတင်ထားတဲ့ Link လေးက .....
khin kyu aye: really heart pain :(
Dog in Japan watches over ailing friend - Yahoo!
sg.news.yahoo.com
The video is a stark reminder that, as was the case when Hurricane Katrina devastated the Gulf Coast in 2005, there will likely be thousands of pets orphaned or involuntarily abandoned due to the catastrophe in Japan. If you'd like to … Continue reading..... တဲ့။
စိတ်ဝင်တစားဖြစ်သွားမိတဲ့ ကျွန်မ အဲဒီသူငယ်ချင်းပေးထားတဲ့ Link လေးအတိုင်း ဝင်ရောက်မိပါတော့တယ်။
အဲဒီမှာ တွေ့လိုက်ရတဲ့ သဘာဝဒဏ်ကို ခါးစည်းခံစားနေရတဲ့ ခွေးကလေးရဲ့ဓာတ်ပုံကလေး၊ အဲဒီပုံလေးရဲ့ အောက်မှာ YouTube မှာ တင်ထားတဲ့ ခွေးကလေးကို ရှာဖွေတွေ့ရှိပုံ ဗွီဒီယို မှတ်တမ်းတစ်ခု၊ အဲဒီရဲ့အောက်မှာမှ ဗွီဒီယိုထဲက ကယ်ဆယ်ရေးလုပ်သားတွေပြောထားတဲ့ ဂျပန်ဘာသာစကားကို အင်္ဂလိပ်ဘာသာနဲ့ ပြန်ဆိုရေးသား ထားချက်လေး။
ကျွန်မ စိတ်ဝင်တစားဖတ်ရှုမိလိုက်တော့ အဲဒီခွေးကလေးကို ကယ်ဆယ်ရေးလုပ်သားတွေက မြင်တွေ့လိုက်ချိန် မှာ ခွေးကလေးက အလွန်တရာကြောက်ရွံ့ထိတ်လန့်နေပုံရတယ်။ နောက်ပြီး ခွေးကလေးက သူနဲ့အတူ အသက်ရှင်ကျန်နေခဲ့တဲ့ အဖော်ခွေးထီးလေး တကောင်ကိုလည်း ကာကွယ်ပေးနေတယ်တဲ့။ အဲဒီခွေးထီး ကလေးက အားပြတ်နေပြီး လဲလျောင်းအိပ်စက်မိန်းမူးနေတယ်။ ခွေးကလေးဟာ ကယ်ဆယ်ရေး လုပ်သားတွေ သူတို့အနားလာမှာကိုလည်း စိုးရွံ့နေပုံရတယ်။ ဒါပေမယ့် ကယ်ဆယ်ရေးလုပ်သားတွေက ဒီခွေးကလေး နှစ်ကောင် အသက်ရှင်နေတာကို အတော်လေးဝမ်းမြောက်မိကြောင်း၊ သူတို့အနေနဲ့ ဒီခွေးကလေးတွေ ကို မကြာခင်မှာ ကယ်ဆယ်နိုင်မှာဖြစ်ကြောင်း ပြောထားတာကို ဖတ်ရှုရပါတယ်။
အခုတော့ အဲဒီခွေးကလေးတွေဟာ ကယ်ဆယ်စောင့်ရှောက်ထားတဲ့စခန်းကို ရောက်ရှိသွားကြပြီဖြစ်ပါတယ်။
ဒီသတင်းလေးကို ဖတ်ပြီးတဲ့အခါ ကျွန်မဟာ ကယ်ဆယ်ရေးလုပ်သားတွေကိုကော ဂျပန်က လူသားတွေကိုပါ ချီးကျူးမိပါတယ်။ သူတို့ဟာ အခုလို အစားအစာ သောက်ရေ ဆေးဝါးတွေ ခက်ခဲနေတဲ့အချိန် နျူကလီးယား ရောင်ခြည်ပျံ့နှံ့မှု အန္တရာယ်ကို ရင်ဆိုင်ကြုံတွေ့နေရတဲ့ အချိန်မှာတောင် လူသားအချင်းချင်းသာမက ကမ္ဘာပေါ်က သက်ရှိသတ္တဝါတွေအားလုံးထဲအပါအဝင်ဖြစ်တဲ့ ဒီခွေးကလေးတွေလို တိရိစ္ဆာန်လေးတွေကိုတောင် ကြင်နာစွာ ကယ်ဆယ်ခဲ့တာကို လေးစားမိပါတယ်။
ဒီလိုသဘာဝဘေးဆိုးမကျရောက် မခံစားရဘဲ တော်ရုံမီးဘေး လေဘေး ရေဘေးတွေမှာတောင် အိမ်မွေး တိရိစ္ဆာန်တွေသာမက ပတ်ဝန်းကျင်က တမြေတည်းနေ တရေတည်းသောက်သူ အချင်းချင်းကိုတောင် မျက်နှာလွှဲခဲပစ်လုပ်တတ်ကြတဲ့ ဘယ်သူသေသေ ငတေ မာရင်ပြီးရော ဆိုတဲ့ စိတ်ဓာတ်နဲ့ အတ္တဟိတကိုသာ ဦးစားပေးအသက်ရှင်နေကြတဲ့ ကမ္ဘာ့လူသားတချို့ကိုလည်း ဒီသတင်းလေးထဲက လူသားတွေလို စိတ်ဓာတ်ကလေးများ ရရှိပိုင်ဆိုင်နိုင်ကြစေဖို့ ကျွန်မဆန္ဒပြုမိပါတယ်။
ဘာပဲဖြစ်ဖြစ် ကမ္ဘာပေါ်မှာ ကိုးကွယ်ယုံကြည်ရာ ဘာသာတရားတိုင်းဟာ မေတ္တာတရား နဲ့ စာနာထောက်ထား ကြင်နာတရားကို အလေးပေးထားကြတာပါ။ ဒီတော့ အခုလို အန္တရာယ်ဆိုးတွေနဲ့ရင်ဆိုင်နေရပေမယ့် မေတ္တာတရား နဲ့ စာနာထောက်ထားမှုတွေ ဖေးမကူညီတတ်တဲ့ ပရဟိတစိတ်ဓာတ်တွေ ရှင်သန်နေတဲ့ ဂျပန်လူမျိုးတွေ နဲ့ ကမ္ဘာအရပ်ရပ်ကရောက်ရှိနေကြတဲ့ ကယ်ဆယ်ရေးလုပ်သားတွေ အလှူရှင်တွေရဲ့ မေတ္တာတရားခွန်အားတွေက ဒီအန္တရာယ်ဆိုးကြီးကနေ လွတ်မြောက်အောင် စွမ်းဆောင်နိုင်ကြမယ်လို့ ကျွန်မ ယုံကြည်နေမိပါတယ်။
ကောင်းတာလုပ်ရင် ကောင်းကျိုးခံစားရမယ် အများအကျိုးဆောင် ကိုယ့်အကျိုးအောင် စတဲ့ ဆောင်ပုဒ်တွေ အတိုင်း ဂျပန်ပြည်တွေအနေနဲ့ လက်ရှိခံစားနေရတဲ့ ဘေးဆိုးကြီးကနေ မကြာခင် လွတ်ကင်းပြီး ငြိမ်းချမ်း သာယာတဲ့ ဘဝတွေကို လက်ဝယ်ပိုင်ပိုင် ရရှိနိုင်ကြမှာ မလွဲဧကန်ပါပဲ။
နေ့စဉ်လည်း ကျွန်မအနေနဲ့ ဘုရားရှင်ထံမှာ အခုလိုဘေးဆိုးသင့်လူသားတွေအားလုံး ကျန်းမာချမ်းသာ ဘေးဘယာ ဝေးကွာစေကြောင်း ဆုမွန်ကောင်းလည်း တောင်းပေးလျက်ပါ။
အားလုံးလည်း ဒီPostလေး ဖတ်ပြီးရင် ဂျပန်ကပြည်သူတွေအတွက် မိမိတို့ ယုံကြည်ကိုးကွယ်ရာ ဘာသာတရား ထုံစံအတိုင်း တစ်မိနစ်ခန့် ဆုတောင်းမှုတစုံတရာပြုလုပ်ပေးကြဖို့ မေတ္တာရပ်ခံလိုက်ပါရစေနော်။

လူသားအားလုံး ကပ်ကြီးသုံးပါးမှ လွတ်မြောက်နိုင်ကြပါစေလို့ ဆန္ဒပြုပါတယ်...
(၂၀၁၁ မတ်လ ၁၈ရက် နံနက်ခင်း ၉နာရီ ၅၀မိနစ်)

သတင်းမူရင်းကို ပြန်လည်ဖော်ပြလိုက်ပါရစေ...


Direct Link: http://www.youtube.com/watch?v=J3TM9GL2iLI&feature=player_embedded
UPDATE: CNN and the UK Telegraph have both reported that the dogs have been rescued since the footage aired, and are both receiving veterinary care; the more seriously wounded dog is at a clinic in the city of Mito, while the protective spaniel-type dog is receiving care at a shelter in the same town.
Here is an English translation of the voiceover exchange between the two reporters in the clip (translation courtesy of Toshiyuki Kitamura):
We are in Arahama area. Looks like there is a dog. There is a dog. He looks tired and dirty. He must have been caught in the tsunami. He looks very dirty.
He has a collar. He must be someone's pet. He has a silver collar. He is shaking. He seems very afraid.
Oh, there is another dog. I wonder if he is dead.
Where?
Right there. There is another dog right next to the one sitting down. He is not moving. I wonder. I wonder if he is alright.
The dog is protecting him.
Yes. He is protecting the dog. That is why he did not want us to approach them. He was trying to keep us at bay.
I can't watch this. This is a very difficult to watch.
Oh. Look. He is moving. He is alive. I am so happy to see that he is alive.
Yes! Yes! He is alive.
He looks to be weakened. We need to them to be rescued soon. We really want them rescued soon.
Oh good. He's getting up.
It is amazing how they survived the tremendous earthquake and tsunami. It's just amazing that they survived through this all.
Follow Yahoo! News on Twitter and become a fan on Facebook.
Original Link: http://sg.news.yahoo.com/blogs/what-is-buzzing/dog-japan-watches-over-ailing-friend-20110317-042033-011.html

ကျွန်မအတွက် ချစ်သူများနေ့

မောင်ပေးတဲ့ planner

ဘဝမှာနှစ်ပေါင်းများစွာရှင်သန်လာခဲ့ပြီးနောက် ဆယ်စုနှစ်သုံးခုထဲဝင်လာတဲ့ ကျွန်မရဲ့ နှစ်တိုင်းနှစ်တိုင်း မသိလိုက်မသိဘာသာရော အသိလိုက်ဂရုမူကာရော ဖြတ်သန်းဖြစ်ခဲ့တဲ့ ချစ်သူများနေ့တွေ များခဲ့ပြီပေါ့။ ဒါပေမယ့် ၂၀၀၈ခုနှစ် ဖေဖော်ဝါရီလ ၁၄ ရက်နေ့က စပြီး ကျွန်မရင်ထဲမှာ ချစ်သူများနေ့အတွက် ဂရုတစိုက် ပြင်ဆင်ထားတာ လုပ်ဆောင်ဖြစ်လာတာတွေက အမှတ်တရပါပဲ....

ချစ်သူများနေ့မှာ တစုံတစ်ယောက်သောသူအတွက် ကိုယ့်ရင်တွင်းကလာတဲ့ အမှတ်တရ တခုခုကို ထိုတစုံတစ်ယောက်သောသူရဲ့ အပြန်အလှန်ထပ်တူကျစွာ အသိအမှတ်ပြုမှု အလိုက်တသိတုံ့ပြန်ပေးဆပ်မှုတွေ မရရှိနိုင်ဘဲ ကိုယ့်ဘက်က တဖက်သတ် အမှတ်တရလက်ဆောင်တွေ ဖန်ဆင်းပေးရမှာကိုတော့ ကျွန်မ အရမ်းကို ဝန်လေးခဲ့တာပါ..

ဆယ်ကျော်သက်အရွယ်ကနေ လူရွယ်အပျိုကြီးတပိုင်းဖြစ်တဲ့အထိ ကျွန်မရင်ထဲမှာ ချစ်သူများနေ့နဲ့ ပတ်သက်တဲ့ ခံစားချက်တွေ တပြုံတမကြီး ရှိခဲ့တာပါပဲ။ အပျိုစင်မဂ္ဂဇင်းဖတ်လိုက်တိုင်း အချစ်ဝတ္ထုလေးတွေဖတ်လိုက်တိုင်း ကျွန်မနဲ့နီးစပ်ရာ ပတ်ဝန်းကျင်က သူငယ်ချင်းစုံတွဲလေးတွေပြတဲ့ လက်ဆောင်လေးတွေကို ကြည့်လိုက်မိတိုင်း ကျွန်မရင်ထဲမှာလည်း ချစ်သူများနေ့လက်ဆောင်ကို တစုံတယောက်သောသူအတွက် အဲဒီ တစုံတစ်ယောက်သော သူဆီက အပြန်အလှန်ဖလှယ်ချင်ခဲ့ ရင်ခုန်ချင်ခဲ့မိတာပါပဲ... ဒါဟာ ရှက်စရာလို့လည်း ယူဆမိခဲ့ခြင်းမရှိပါဘူး။ ပွင့်လင်းစွာပဲဝန်ခံရရင်တော့ ကျွန်မရင်ထဲက နက်ရှိုင်းလှစွာသော ပြင်းရှတဲ့ ချစ်ခြင်းရင်ခုန်သံနဲ့ထပ်တူ ဘဝတခုလုံးကို ပေးဆပ်ပိုင်ဆိုင်ခွင့်ပေးချင်တဲ့ တစုံတစ်ယောက်သောသူအပေါ် အိပ်မက်စိတ်ကူးထဲမှာ သတ်မှတ်ထားမိတဲ့ ပညတ်ချက်တွေကတော့ အများကြီးပေါ့...

မောင့်ရဲ့စာသားလေးတွေ

ကိုယ်နဲ့ထပ်တူမကျနိုင်ရင်တောင်မှ တိုက်ဆိုင်ခြင်းများစွာနဲ့ ကိုယ့်ဘဝကို သူ့ဘာသာ တံခါးခေါက်လာမယ့်သူတယောက်ကို မျှော်လင့်နေမိရင်း သူ့အတွက် ကျွန်မရင်ထဲက ကဗျာဆန်ဆန်တန်ဖိုးထားရှိထားတဲ့ စိတ်ကူးလက်ဆောင်လေးတွေကို သူနဲ့ဖြတ်သန်းမယ့် ဘဝကာလတလျှောက် ချစ်သူများနေ့လက်ဆောင်လေးများအဖြစ် ပေးဆပ်ဖန်တီးပေးရင်း သူ့ရဲ့ရင်တွင်းဖြစ် လေးတွေ ကိုလည်း ဖလှယ်ရယူပိုင်ဆိုင်ရင်း ကြည်နူးမိချင်တဲ့ဆန္ဒကို ပြည့်ဝချင်နေခဲ့မိတာပါ...

မောင့်ရဲ့ချစ်သူများနေ့ချိန်းဆိုချက်

ဒီလိုနဲ့ ၂၀၀၇ခုနှစ်ရဲ့ သြဂုတ်လ နောက်ဆုံးပတ်မှာ ကျွန်မရဲ့ ဘဝတံခါးကို လာခေါက်တဲ့ဧည့်သည်တယောက်နဲ့ ကျွန်မဆုံစည်းဖြစ်ခဲ့တယ်... ခေတ်မီနည်းပညာတွေထွန်းကားနေတဲ့ ဒီကာလကြီးမှာ သူက သူဖန်တီးထားတဲ့ ကိုယ်ပိုင် ဘလော့တခုကို ကြေညာမိတ်ဆက်တဲ့အနေနဲ့ ကျွန်မဝင်ရောက်လက်ဆော့ထားတဲ့ လူမှုရေးကွန်ယက်ဝက်ဘ်ဆိုက်တခုမှာ ဆုံစည်းခဲ့ရတာပါ။

မှတ်မှတ်ရရ အဲဒီနေ့က စက်တင်ဘာ ၁၀ရက်နေ့... ကျွန်မ ဂျီမေးလ်ကို ဖွင့်စစ်နေရင်း သူ့ရဲ့ မိတ်ဆက်စာလေးကို ဖတ်ရတာပါ.... သူ့နာမည်နဲ့ သူ့ဘလော့လိပ်စာလေးကို ကျွန်မကိုမိတ်ဆက်ရင်း blog ကို အလည်လာဖို့ နဲ့ ကျွန်မကို သူငယ်ချင်းအဖြစ် မိတ်ဆွေဖွဲ့ချင်တဲ့အကြောင်းလေးရေးထားတာပါ။

၁၀ရက်နေ့ဟာ ကျွန်မဘဝမှာ အလေးထားတဲ့ နေ့စွဲလေးတခုပါ။ ဒါကြောင့် ဒီလိုနေ့စွဲလေးမှာ ဖတ်ရှုခွင့်ရသွားတဲ့ အဲဒီစာလေးကို ဂရုတစိုက် ဖတ်ရှုပြီး စာပြန်ဖြစ်ခဲ့ပါတယ်... ကျွန်မလည်း ခင်မင်ချင်တဲ့အကြောင်း ကျွန်မရဲ့ အီးမေးလ်ကတဆင့် ဂျီတော့ခ်နဲ့စကားပြောခွင့်ရနိုင်ပါကြောင်း စာပြန်ဖြစ်ခဲ့တယ်လေ.... အဲဒီနောက် နောက်တရက်လောက်မှာ သူနဲ့ကျွန်မ ဂျီတော့ခ်ကတဆင့် မိတ်ဆက်ဖြစ်ခဲ့ကြတယ်....

စစချင်း သူ့နာမည် သူ့အလုပ်အကိုင်နဲ့ သူ့လှုပ်ရှားမှုလေးတွေ သူက ပြောတယ်.... ကျွန်မမေးတဲ့ လူမှုရေးမေးခွန်းတွေကိုလည်း သူက အမှန်အကန်ဖြေကြားခဲ့သေးတယ်....

သူ့ဘဝအကြောင်းပွင့်လင်းစွာဖွင့်ပြောရဲတဲ့ သူဖြေတဲ့အထဲမှာ သူ့ရဲ့ရိုးသားမှုနဲ့ ဟန်ဆောင်မှုကင်းတဲ့ တည်ငြိမ်တဲ့စကားလုံးတွေကို ကျွန်မ အသိအမှတ်ပြုဖြစ်ခဲ့တယ်... အဲဒီနေ့မှာပဲ သူနဲ့ကျွန်မ ခင်မင်သွားခဲ့ကြတယ်.... ဒါပေမယ့် သူ့ရဲ့ ဘဝအမည်းစက်လေးတခုအတွက် ကျွန်မစိတ်ထဲ မနှစ်မြို့ခဲ့ပါဘူး။ လူတိုင်းမှာ အားနည်းချက်ကိုယ်စီရှိနေကြတယ်... ရှိနေနိုင်တယ်။ သို့သော် အဲဒီအားနည်းချက်တစုံတစ်ရာဟာ ကိုယ့်အတွက်သူ့အတွက် ထိခိုက်စေနိုင်တဲ့အချက်မဟုတ်ဘဲ ခင်မင်မှုနဲ့ ဘဝရဲ့လုပ်ဆောင်မှုအပိုင်းတွေမှာ ဘာမှဆက်ပြီး အနှောင့်အယှက် မဖြစ်နိုင်ဘူးဆိုရင် ကျွန်မက အလွယ်တကူ နားလည်ပေးနိုင်တဲ့သူတယောက်ပါ။

ဒါကြောင့် သူ့ရဲ့အားနည်းချက်တခုကြောင့် မိတ်ဆွေအဖြစ် ရင်းရင်းနှီးနှီး ဆက်ဆံမှုတန့်သွားဖို့ကို ကျွန်မဘက်က စိတ်ကူးမထားခဲ့ပါဘူး။ သူ့ကိုလည်း ခင်မင်ဖော်ရွေစွာ ခင်မင်သွားရင် သူလည်း ပျော်ရွှင်ကျေနပ်လိမ့်မယ်လို့ ယူဆခဲ့မိပါတယ်... လောကမှာ လူတိုင်းကိုပျော်ရွှင်ကျေနပ်မှုရအောင် နှစ်သိမ့်မှုမပေးနိုင်သေးတဲ့ လူတယောက်ဖြစ်နေရင်တောင် ကိုယ့်အတွက်နဲ့ တစုံတစ်ယောက်က ပျော်ရွှင်ကျေနပ်သွားရတယ်ဆိုရင် ကျွန်မအနေနဲ့ လူဖြစ်ရကျိုးနပ်တယ်လို့ ခံယူထားသူလည်းဖြစ်တယ်လေ...

ဒီလိုနဲ့ သူနဲ့ကျွန်မ သူ့ဘဝအကြောင်း သူကျော်ဖြတ်ရင်ဆိုင်ခဲ့ရတဲ့ ခလုတ်ကသင်းတွေ ချောက်ကမ်းပါးတွေအကြောင်း အပြန်အလှန်ဆွေးနွေးဖလှယ်ဖြစ်ခဲ့ကြပါတယ်...

သူ့ရဲ့အနုပညာခံစားချက်တွေ လောကလူနေမှုစရိုက်တွေအပေါ် သဘာဝတရားအပေါ် အမြင်တွေ ဘဝအမြင်တွေ ဖြတ်သန်းချင်တဲ့လမ်းတွေ ဖြတ်သန်းဖြစ်နေ ဦးတည်ဖြစ်နေတဲ့ ပန်းတိုင်တွေ သဘောထားတွေ ဖလှယ်ဖြစ် ဆွေးနွေးဖြစ်ခဲ့ကြတယ်....

၁၀ဂဏန်းကို စွဲလန်းတဲ့ကျွန်မ ထူးထူးခြားခြား တိုက်ဆိုင်လှစွာ သူဟာ ကျွန်မထက် ၁၀နှစ်တိတိ ကြီးတဲ့ သူတယောက်ဖြစ်နေခဲ့တာကိုလည်း အံ့သြစွာ သိခွင့်ရခဲ့တာပါ...

သူ.... သူဟာ တနေ့တချိန်မှာ ကျွန်မကို ချစ်ကြောင်းဖွင့်ပြောလာလိမ့်မယ်လို့တော့ မမျှော်လင့်ခဲ့ပါဘူး... အွန်လိုင်းပေါ်မှာတွေ့ရင်း ဖုန်းတွေဆက်ရင်း နဲ့ အားမရဘဲ သူ ကျွန်မရှိရာဆီ ခရီးဆန့်အရောက်လာခဲ့ရင်း နှစ်ဦးသား ခင်မင်ရင်းနှီးစွာနဲ့ မျက်နှာချင်းဆိုင် စကားပြောကြ... သူအလည်လာတဲ့ ရက်တိုတိုလေးတွင်းမှာ သူ့ရဲ့မျက်ဝန်းထဲက တောင့်တမှုတစုံတစ်ရာကို ကျွန်မသိမြင်ခွင့်ရခဲ့သွားတာပါပဲ... အဲဒီနောက် သူလည်း သူ့နေရပ်သူပြန်သွားပေမယ့် ကျွန်မကို ဖုန်းနဲ့ ဂျီတော့ခ်နဲ့ ပုံမှန်စကားပြောဖြစ်ခဲ့တာပါ.... မှတ်မှတ်ရရ ကျွန်မဆီ သူ ညည ဖုန်းဆက်တိုင်း ဖုန်းဆက်ချိန်တိုင်းဟာ ည ၁၀နာရီတိတိဖြစ်နေတတ်တာပါပဲ..

သူနဲ့ကျွန်မ ခင်မင်ရင်းနှီးဆုံတွေ့ခဲ့ပြီး နောက် ၂လအကြာမှာ ကျရောက်တဲ့ ကျွန်မမွေးနေ့ ၁၀ရက် ၁၀လ နံနက် ၁၀နာရီခွဲအချိန်မှာ သူက အဦးဆုံး မွေးနေ့ဆုမွန်ကောင်းတောင်းပေးသူအဖြစ် နေရာယူခဲ့ပါတော့တယ်...

အဲဒီနေ့မတိုင်ခင်လေးမှာ ကျွန်မဆီ သူဖန်တီးထားတဲ့ ကျွန်မအတွက် မွေးနေ့လက်ဆောင် ပြက္ခဒိန်ဒီဇိုင်းလှလှလေးတခုနဲ့ မုန့်တွေ စာအုပ်တွေ ပို့ခဲ့ပေးတာကလည်း ကျွန်မဘဝမှာ ပထမဆုံးရရှိဖူးတဲ့ သူစိမ်းယောက်ျားလေးတစ်ယောက်ရဲ့ ကိုယ်ပိုင်ဖန်တီးပေးပို့တဲ့ မွေးနေ့လက်ဆောင်လေးဖြစ်တဲ့အတွက် အတိုင်းမသိ အံ့သြဝမ်းသာရင်း သူ့ကို ပိုပြီးဂရုထားမိခဲ့ပါတော့တယ်...

မွေးနေ့လေးကျော်လွန်ခဲ့တဲ့နောက်ပိုင်း သူဟာ ကျွန်မဆီ ည ၁၀နာရီရောက်တိုင်းအချိန်မှန် မှန် ဖုန်းပြောမြဲပါပဲ.... အပျိုဆောင်ဖြစ်တဲ့ ကျွန်မတို့နေရာလေးက ဖုန်းဟာ လူခေါ်မစဲတသဲသဲမို့ ကိုယ်ခေါ်တဲ့ဖုန်းဝင်ဖို့ အင်မတန်ခက်လှတာပါ... ဒါပေမယ့် သူကတော့ဖြင့် အဲဒီအခေါ်ခက်လှတဲ့ အမြဲတမ်းမအားတတ်တဲ့ဖုန်းကို ည ၁၀နာရီတိတိမှာ ဝင်အောင်ကို ခေါ်နိုင်တာပါ.... ဒါကလည်း သူ့ရဲ့ ကြိုးပမ်းမှုတရပ်မို့ အသိအမှတ်ပြုခဲ့ရတာပါ...

တနေ့မှာတော့ ကျွန်မဘက်ကစပြီး သူ့ကို ခံစားချက်တွေနဲ့ပတ်သက်ပြီး ပွင့်လင်းဖို့ စကားစလိုက်ပါတယ်. ဒါကလည်း သူ့ရဲ့ အားနည်းချက်တစ်ခုကြောင့် ကျွန်မနဲ့ပတ်သက်တဲ့ သူ့ခံစားချက်ကို ဖွင့်ထုတ်ဖို့ မဝံ့မရဲဖြစ်နေတာကို ကျွန်မက နားလည်လိုက်လို့ပါပဲ...

ဒီအချိန်မှာတော့ သူဟာ ကျွန်မကို တုန်လှုပ်ဆုတ်ဆိုင်းပြတ်သားတည်ကြည်တဲ့အသံနဲ့ သူ့ရဲ့ခံစားချက်တွေ ပြောပြတာကို ကြားခွင့်ရခဲ့တော့တာပါပဲ... ကျွန်မ အံ့သြမှု တုန်လှုပ်မှုမဖြစ်ခဲ့ပေမယ့် တည်ငြိမ်နေတဲ့ ကျွန်မရဲ့ ရင်ကို ကျွန်မပြန်နားလည်လိုက်မိတာကတော့ သူ့ကို ကျွန်မဘဝအတွက် အဖော်မွန်တယောက်အဖြစ် လက်တွဲဖို့ ဆွေးနွေးချင်တဲ့ဆန္ဒတွေ အဆင်သင့်ဖြစ်နေပြီဆိုတာကိုပါ....

အဲဒီနေ့မှာ ကျွန်မရဲ့ ဘဝပုံပန်းသဏ္ဍာန်တစ်ခုထဲက တည်ဆောက်ချင်တဲ့ မိသားစုဘဝ ဖြတ်သန်းချင်တဲ့ လမ်းမ အဲဒီလမ်းမပေါ်မှာ စိုက်ထူချင်တဲ့ မှတ်တိုင်လေးတွေ ကျွန်မရဲ့ရင်ထဲက ဆန္ဒတွေ မိန်းမသားတစ်ယောက်ရဲ့ အိပ်မက်လေးတွေကို ပွင့်လင်းစွာ အပြန်အလှန် ဖွင့်ဟတိုင်ပင်ဆွေးနွေးဖြစ်ခဲ့တော့တာပါပဲ....

အခက်အခဲကတော့ သူ့ရဲ့အားနည်းချက်တစုံတစ်ရာကြောင့် ကျွန်မတို့နှစ်ယောက် နှစ်ဖက်အသိုင်းအဝိုင်း သဘောတူကြည်ဖြူနိုင်မယ့် အနေအထားတစ်ခုရောက်အောင် သူ့ဘက်က အချိန်အားဖြင့် စောင့်ဆိုင်းကြိုးပမ်းဖို့ သဘောတူခဲ့ကြတယ်.

ဒီလိုနဲ့ လာမယ့် ၂၀၀၈ခုနှစ်ဖေဖော်ဝါရီလမှာကျရောက်မယ့် ချစ်သူများနေ့အတွက် ကျွန်မ ဆန္ဒစောစီးစွာ မျှော်လင့်ရင်ခုန်ရင်း သူ့အတွက် ချစ်သူများနေ့လက်ဆောင်လေးကို စိတ်ကူးထဲက ဖန်တီးနေမိပါတော့တယ်....

ဒါပေမယ့် ပြီးပြည့်စုံတဲ့ပျော်ရွှင်ခြင်းတွေဟာ ကျွန်မနဲ့သူရဲ့ အချစ်ခရီးအစမှာ မဖြောင့်ဖြူးခဲ့ပါဘူးလေ.... သူ့ကိုကျွန်မ ဖုန်းကနေတဆင့် ချစ်သူအဖြစ် အဖြေပေးခဲ့ပြီးတဲ့နောက် ကျွန်မရှိရာဆီ သူအလည်တခေါက် ထပ်ရောက်လာပြီးနောက်ပိုင်း ခရီးရှည်တစ်ခုကို ကျွန်မအတွင်းကျကျသိခွင့်မရဘဲ ရုတ်တရက် နှုတ်ဆက်ထွက်ခွာသွားပါတယ်.... အဲဒီနေ့ဟာ မှတ်မှတ်ရရ ဒီဇင်ဘာလ ၁၆ ရက်နေ့ပါပဲ.... ၂၀၀၈ ခုနှစ်ကိုလည်း ကျွန်မတစ်ယောက်တည်း ကြိုဆိုခဲ့ရပြီး သူ့ရဲ့ နှစ်သစ်ဆုမွန်ကောင်းတောင်းလွှာလေးကို အီးမေးလ်ကတဆင့်ပဲ ဖတ်ရှုခဲ့ရတာပါ...

ဖေဖော်ဝါရီလရဲ့ ချစ်သူများနေ့မှာလည်း သူဟာ ကျွန်မဘေးမှာ ရှိမနေခဲ့သလို သူ့ရဲ့ ချစ်သူများနေ့ဆုမွန်လွှာကိုလည်း အီးမေးလ်ကတဆင့်ပဲ ကျွန်မရရှိခဲ့တာပါ... သူနဲ့ကျွန်မ ဝေးကွာလှတဲ့ တနေရာစီခွဲခွာနေရချိန်မှာ ကျွန်မရင်ထဲသူဟာ နေရာအပြည့်ရယူထားနှင့်ပြီးသားဖြစ်နေပြီဆိုတာကို သိလိုက်ရပါတယ်.. ဒီလိုနဲ့ မက်ခွင့်ရချင်တဲ့အိပ်မက်တချို့ကို ကျောခိုင်းစွန့်လွှတ်ပြီး သူရှိရာ နေရာလေးဆီ သူ့မျက်နှာတစ်ရွာထင်ကာ ကျွန်မအရောက်ခရီးနှင်ခဲ့ပါတော့တယ်....

သူနဲ့ကျွန်မဆုံတွေ့ခဲ့ပြီး တစ်နှစ်အကြာ ၂၀၀၈ ခုနှစ် သြဂုတ်လနောက်ဆုံးပတ်လေးမှာ သူ့ရဲ့လက်ကို တွဲကာ ခိုင်ခိုင်မြဲမြဲဆုပ်ပြီး ဘဝရဲ့ခရီးကို အတူဖြတ်သန်းဖို့ ပျော်ရွှင်နွေးထွေးနေတဲ့ သူ့ရဲ့လက်တစ်စုံကို ကျွန်မအားပြုခိုလှုံခွင့်ရခဲ့ပြီးနောက် ၂၀၀၉ ခုနှစ် ဖေဖော်ဝါရီလရဲ့ ချစ်သူများနေ့ကို သူနဲ့ကျွန်မပျော်ရွှင်စွာ ကဗျာဆန်စွာဖြတ်သန်းခွင့်ရခဲ့ပါတော့တယ်...

2009 Valentine's Day

အဲဒီနှစ်မှာ ကျွန်မက ကြယ်ကလေးတွေ ၉၉၉ခုချိုးပြီး ဖန်ကြည်ပုလင်းလေးထဲထည့် ဖဲပြားပြာပြာလေးကို ချည်နှောင်က သူ့ကိုပေးအပ်ခဲ့တာပါ... အဓိပ္ပါယ်ကတော့ ကျွန်မရဲ့အချစ်တွေနဲ့ ဖန်တီးထားတဲ့ ကြယ်လေးတွေ ၉၉၉ခုကို သူပိုင်ဆိုင်ခွင့်ရပြီးတဲ့နောက် သူ့အနာဂတ်ဟာ လှပကံကောင်းခြင်းများစွာနဲ့ ကြုံတွေဖြတ်သန်းနိုင်ဖို့ရည်ရွယ်တာပါ....

သူကတော့ သူကိုယ်တိုင်ဖန်တီးထားတဲ့ ကျွန်မရဲ့ဓာတ်ပုံလေးကို လက်နဲ့ချိုးထားတဲ့ စက္ကူဓာတ်ပုံ ဘောင်လှလှလေးတွေနဲ့ တန်ဆာဆင်ရင်း ကျွန်မတို့နှစ်ယောက်ရဲ့အချစ်သင်္ကေတလေးတစ်ခုကို ဖန်တီးပေးခဲ့တာပါ.... အဲဒီနေ့က ကျွန်မတို့အပျော်ကြီးပျော်ခဲ့ကြတယ်...

သူနဲ့ကျွန်မ ချစ်ခြင်းတွေနဲ့ခြယ်မှုန်းထားတဲ့ လှပတဲ့ ဘလော့လေးတစ်ခုကိုလည်း ဖန်တီးထားခဲ့တယ်လေ... အဲဒီဘလော့လေးနာမည်ကတော့ Infinitylovelybluepeace တဲ့.... အဲဒီဘလော့လေးမှာ သူ့ရဲ့ဒီဇိုင်းစာသားတွေ ပို့စ်ကဒ်လှလှလေးတွေနဲ့ ကျွန်မတို့ရဲ့ အမှတ်တရနေ့ရက်လေးတွေကို ကျော်ဖြတ်ဖြစ်နေခဲ့ကြတာ အခုဆိုရင် သုံးနှစ်တင်းတင်းပြည့်တော့မယ်လေ....

2010 Valentine's Day

၂၀၁၀ ဖေဖော်ဝါရီလ ချစ်သူများနေ့မှာတော့ ကျွန်မကျန်းမာရေးသိပ်မကောင်းတာမို့ သူ့အတွက် ဘာမှ ကိုယ်တိုင်ကိုယ်ကျ မဖန်တီးပေးဖြစ်ခဲ့ပါဘူး.... ကဗျာလေးတစ်ပုဒ်သာ လက်ဆောင်ပေးခဲ့မိတာပါ... သူကတော့ သူ့ဖန်တီးမှုအနုပညာ တစ်ခုဖြစ်တဲ့ ပို့စ်ကဒ်လှလှလေးကို ကျွန်မတို့ဘလော့မှာ လွှင့်တင်ပေးဖြစ်ခဲ့တယ်... သူနဲ့ကျွန်မ အအေးဆိုင်လေးတစ်ခုမှာ ချစ်သူများနေ့ကို လှလှပပလေးကုန်ဆုံးစေခဲ့တယ်....

အခု လာမယ့် ၂၀၁၁ ဖေဖော်ဝါရီလမှာ ကျရောက်မယ့် ချစ်သူများနေ့လေးအတွက် သူဟာ ကျွန်မကို lovely planner လေးနဲ့ ဖောင်တိန်အဖြူလေးတစ်ချောင်း ကြိုတင်ပေးခဲ့ပါတယ်...သူပေးတဲ့ lovely planner က စာသားလှလှလေးက တော့ဖြင့် “please always know that I love you more than anything else in the world.” တဲ့.... သူက အဲဒီစာသားလေးကို ရွတ်ပြသေးတယ်... အဲဒါလေးကို မှတ်ထားနော်တဲ့.... ကျွန်မကတော့ဖြင့် ကြည်နူးပြုံးမိတာပါပဲ....

ကျွန်မနဲ့သူ ဆုံစည်းဖြစ်ခဲ့ပြီးတဲ့နောက်ပိုင်းမှာ ဘဝကို လက်တွဲ ရဲရဲရင်ဆိုင်မယ်ဆိုတဲ့ ဆန္ဒတွေနဲ့ ကဗျာဆန်ဆန် အရှိကို အရှိအတိုင်း လက်တွေ့ဘဝကို ပျော်ရွှင်ကျေနပ်စွာနဲ့ ဖြတ်သန်းဖြစ်နေကြတာ အခုဆိုရင် သုံးနှစ်ပြည့်တော့မှာပါ... ဒီကာလအတွင်းမှာ နှစ်ဦးနှစ်ဖက် အဆင်ပြေတဲ့ချစ်ခြင်းတွေနဲ့ နားလည်မှု ဇာပုဝါ ပါးပါးလေးကို ချစ်ခြင်းဖြည့်လက်အစုံမှာ ရစ်ချည်ထားမိကြရင်းက ပုဝါပါးလေးကို တိုက်ခတ်လာတဲ့ လေနု ရိုင်း တွေ... အဲဒီလေနုတွေနဲ့အတူ ကပ်ငြိပါလာတဲ့ သဲမှုန်နဲ့ အညစ်ကြေးတွေကို ကျွန်မတို့နှစ်ဦးရဲ့ နှစ်ကိုယ်ကြား ချစ်ခြင်းခွန့်တုံ့လှယ်သံတွေရဲ့ အင်အားနဲ့ ဖယ်ရှားဖြစ်နေတာလည်း ကြည်နူးစရာတမျိုးပါပဲ...

အိမ်ထောင်ရယ်လို့ဖြစ်လာတာနဲ့ ကြုံတွေ့ခံစားရင်ဆိုင်ရတဲ့ ပတ်ဝန်းကျင်၊ ဘဝကြီးပြီးပြည်စုံဖို့ မောင်းနှင်ရမယ့် ဘဝရထားကို သူနဲ့ကိုယ် စိတ်တိုင်းကျခရီးနှင်နိုင်ဖို့ လိုအပ်တဲ့ ဝမ်းစာဆီကိုလည်း ရှာဖွေရင်း အကြွေးဟောင်းဆပ်ဖို့ကြိုးစားနေရင်း လောကကြီးကိုလည်း တာဝန်ကျေအောင် စွမ်းဆောင်ဖို့ အားထုတ်နေရင်း အချိန်ရသရွေ့လေးမှာတော့ ချစ်ခြင်းတွေဖြည့်ထားတဲ့ နေ့စွဲလေးတွေ ရှင်သန်နေစေဖို့ သူရော ကျွန်မပါ ဘဝအမောတွေကြားမှာ ရင်ခုန်သံကို အားပြု ချစ်ခြင်းကို ဖလှယ် ၊ မြတ်နိုးမှုကို ရင်မှာပိုက် ၊ နားလည်မှုကို ခံစား၊ ယုံကြည်မှုကို သောက်သုံးရင်း... လာမယ့် ချစ်သူများနေ့တွေဆီ မျှော်မှန်းရင်း... ကဗျာဆန်တဲ့ ချစ်ခြင်းသင်္ကေတ အပြာရောင်လှလှလေးကို ထာဝရရင်ခုန်ခံစားခွင့်ရနိုင်ဖို့ တွဲတဲ့လက်မဖြုတ်စတမ်း ဖြတ်သန်းရင်ခုန်ရပါအုံးမယ်....

နှစ်တိုင်းနှစ်တိုင်း နောင်လမယ့် နှစ်များစွာမှာ ကျွန်မပိုင်ဆိုင်မယ့် ချစ်သူများနေ့တွေဟာ သူနဲ့အတူ ထာဝရပါပဲ....

ကျွန်မကိုချစ်သော.... ကျွန်မက ချစ်သော သူအတွက်

ချစ်သူများနေ့အမှတ်တရ....

၂၀၁၁ ခုနှစ် ဖေဖော်ဝါရီလ ၄ရက်နေ့ နံနက် တစ်နာရီတစ်ဆယ့်ရှစ်မိနစ်