ကုန်ကြမ်း

“ငါ့ညီမရေ အစ်မနဲ့ ခဏ လိုက်ခဲ့စမ်းပါ”
အစ်မတစ်ယောက်လို ခင်မင်ရင်းနှီး ရသော မမ၀င်းက ကျွန်မ အိမ်ရောက်လာပြီး အဖော်ခေါ်ခြင်း ဖြစ်သည်။
သူက ကျွန်မတို့ လမ်းထဲမှာ မုန့်ဆိုင်ဖွင့်ထားသည်။
“ဘယ်လဲ မမ၀င်း”
“အကြွေး သွားတောင်းမလို့”
“ဟင်”
ကျွန်မ နည်းနည်း တွန့်သွားသည်။ ကျွန်မ ဘာဖြစ်သွားမှန်း သူကလည်း ရိပ်မိဟန်တူသည်။ “ဩော် အဲဒီလို အော်ကျယ်ဟစ်ကျယ် ပြောဆိုပြီး တောင်းရမယ့် အကြွေးမျိုး မဟုတ်ပါဘူးဟယ်။ အဲဒီလိုမျိုးလည်း ငါမလုပ်ပါဘူးဟဲ့ နင်ကလည်း။ လာပေးမယ် ပြောပြီး ခုထိ ပေါ်မလာလို့ သူ့အိမ် အထိ သွားလိုက်ကြည့်ရုံတင်ပါ။ လာပါ အဖော် လိုက်ပေးစမ်းပါ။ ဒီမှာ တစ်ယောက်တည်း ဖြစ်နေလို့” “လိုက်သွားလေ။ ညည်းပဲ ကုန်ကြမ်း ရချင်တယ်ဆို” နံဘေးမှ အမေက အချွန်နှင့် ၀င်မသည်ကို အဟုတ်ထင်ပြီး မမ၀င်း ကလည်း အားတက်သရော ထပ်ခေါ်သည်။ “ဟုတ်တယ်ဟဲ့၊ ခုမှ သတိရတယ်။ ကြွေးရှင်နဲ့ ကြွေးယူသမား ဇာတ်လမ်းမျိုး နင်ရေးဖို့ ကုန်ကြမ်းရတာပေါ့”
ကုန်ကြမ်း အသံကြားလိုက်ရ၍ ကျွန်မလည်း နည်းနည်း စိတ်ပါလေသည်။ ကျွန်မလို စာရေးချင်သူ တစ်ယောက် အဖို့ တစ်ခါတလေ အတွေ့အကြုံက ကိုယ့်ဆီ ရောက်လာတတ်တာ ရှိသလို တစ်ခါတလေ ကျတော့ အတွေ့အကြုံ ရှိရာ ကိုယ်က သွားရတာလည်း ရှိသည် မဟုတ်လား။ ပြီးလျှင် အခု အကြွေးသွားတောင်းမည့် သူကလည်း တခြားမဟုတ် ခင်မင်ပေါင်းသင်း လာကြတာ ကြာပြီမို့ မမ၀င်း တစ်ယောက် သူတစ်ဖက်သား အပေါ် အားနာတတ်တာ၊ သနားတတ်တာ ကျွန်မ သိသည်။ ဆိုင်သမားမုိ့သာ ကြွေးယူသူတွေ ရှိန်အောင်တမင် ဟန်ကိုယ့်ဖို့ လုပ်နေရပေမယ့် တကယ့် တကယ်၌ သူလည်း ခပ်အေးအေး သမားပဲ ဖြစ်သည်။ ခုပဲကြည့်လေ၊ တော်ရုံလူ ကိုယ့်ဘာသာ သွားမည့် ကိစ္စအား ကျွန်မကို အဖော်လာစပ်နေသည်။ အဖော်လိုတာထက် အကြွေးသွားတောင်းရာမှာ တစ်ယောက်တည်းထက် နှစ်ယောက်ဆို ပို၍ အရှိန်အဟန့် ဖြစ်အောင် ကျွန်မကို ခေါ်တာဖြစ်သည်။
“ထုံးစံအတိုင်း မုန့် အကြွေးပဲလား”
“အေးပေါ့ဟယ်”
မမ၀င်းက ညည်း ညည်းညူညူနှင့် ပြန်ဖြေ သည်။ ခုခေတ်မှာ ဆိုင်ဖွင့်စား ရသည်မှာလည်း တစ်ဒုက္ခပင်။ ကျောင်းဈေးတန်းမှ လွဲ၍ ကျန်ဆိုင် အတော်များများ အကြွေးကိစ္စ မဖြစ်မနေ ကြုံ ကြရသည်သာ။ မမ၀င်း၏ ဆိုင်က လက်လီလက်ကား ဖြန့်သည်မို့ ရပ်ကွက် အသီးသီးမှ အိမ်ဆိုင်သေးသေးလေး များကလည်း ဖောက်သည် လာလာယူကြသည်။ ထို ဖောက်သည်တွေထဲမှာ တချို့က ငွေလက်ငင်း ရှင်းသလို တချို့ဆိုင်တွေ ကျတော့လည်း အဟောင်းပေး အသစ်ယူလုပ် ကြပါသည်။ ခေတ်အခါ အရ မပေးလျှင်လည်း မဖြစ်တာမို့ မမ၀င်း၏ ဆိုင်လည်း ထိုစနစ် ကိုလက်ခံကျင့်သုံး နေရသည် သာ။
“အဟောင်းမှန်မှန် ပေးပြီး အသစ် ယူနေရင် ငါဘာမှ မပြောပါဘူးဟယ်။ ငါတို့တွေလည်း တကယ့်ပင်ရင်း ဆိုင်ကြီးတွေဆီက ဒီလိုပဲ အဟောင်းပေး အသစ်ယူ လည်ပတ် နေရတာမို့ နားလည်ပါတယ်။ ငါတို့ကမှ တစ်ခါတစ်ခါ ပင်ရင်းဆိုင် ကြီးတွေဆီ ငွေလွှဲရင် လေး ငါးသိန်း အောက်ထစ်ဆုံးပဲ။ ကိုယ်က ရေရှည်လုပ်စားမှာ ဆိုတော့ အတတ်နိုင်ဆုံး ကတိ မပျက်အောင် ကြိုးစားတယ်။ တစ်မျိုးမှ ငါးဆယ်တစ်ရာ မြတ်တာလေးတွေ စုပြီး ပေးရတာပဲ။ ဆိုင်သေး သမားတွေက ပုံမှန်မဆပ်ရင် ငါက ဘယ်ကငွေတွေ ရပြီး သူများကို ပြန်ပေးနိုင်မှာလဲ။ မဟုတ်ဘူးလား”
သူ့ဆိုင်သွားတိုင်း မမ၀င်းတစ်ယောက် သူ့ အခက်အခဲတွေကို ပြောဆို ရင်ဖွင့်ပြသည်ချည်းမို့ သူ့ဆိုင်မျိုး၏ ကြုံရသော သဘော သဘာဝတွေကို ကျွန်မလည်း သိနေသည်။ တချို့က ဒီလိုပဲ အဟောင်းပေး အသစ်ယူနှင့် ကတိတည်တော့ ဆက်ဆံ လာတာနှစ်နှင့် ချီလာသည်အထိ အဆင်ပြေသည်။ တချို့ကျ တော့လည်း အဟောင်းပုံမှန် မပေးဘဲ အသစ်တွေ ထပ် တလဲလဲ ယူကာ အကြွေးလည်း များလာရော ပေါ်မ လာကြတော့ပါ။ ဆိုင်လုံးလုံး ပြုတ်သွားသူ ရှိသလို၊ အကြွေး မပေးချင်တော့၍ လူလည်ကျပြီး တခြားဆိုင်ကို ဖောက်သည် ပြောင်းယူလိုက် တာလည်းရှိသည်။ တချို့ စိတ်ရင်းဓာတ်ခံ ကောင်းသူ တွေကျတော့လည်း ဆိုင်ပိတ် လိုက်ရပေမယ့် အဆင်ပြေ လျှင်ပြေသလို အကြွေးကို သတိတရ လာဖဲ့ဆပ်ကြတာ လည်းရှိပါသည်။ အပေါ်ယံ ကြည့်လျှင် ဆိုင်ကောင်တာ၌ အေးအေးဆေးဆေး ငွေထိုင် သိမ်းရုံလိုလိုနှင့် တကယ့် လက်တွေ့မှာ လူ့စိတ်အမျိုး မျိုးအကြောင်း သိရလေသော ခေါင်းရှုပ်စရာအလုပ်ပါပေ။
“ခါတိုင်း မမ၀င်း အကြွေးသွားတောင်းရင် ဘယ်သူ့ကို ခေါ်သွားတာလဲ”
“ဘယ်သူ့မှ မခေါ်ဘူး။ ငါဆိုင်ဖွင့်လာတာ လေးငါး နှစ်ရှိပြီ။ တစ်ခါမှ အကြွေး ကိုယ်တိုင် လိုက်မတောင်းဖူး ဘူး။ သူတို့ ဆိုင်သမားအချင်း ချင်း လူကြုံမှာတဲ့အခါ မှာ တယ်။ ငါ့ယောက်ျားသွား တောင်းခိုင်းတဲ့အခါ သွား တောင်းခိုင်းတယ်။ ငါ့ ကြောက်လို့သာသွားပေးတာ။ ခုတော့ ငါ့ဘာသာသွားကြည့် မလို့။ မတောင်းဘဲ နေရင်လည်း ပိုဆိုးတယ်ဟဲ့။ ဒီ တစ်ယောက်ဆို အဟောင်း မပေးဘဲ အသစ်ချည်းထပ် ထပ်ယူရင်း အကြွေး များလာတော့ ပေါ်မလာတော့ဘူး လေ။ အဲဒါ ဟိုတစ်ရက်က ဈေးထဲမှာ တွေ့တယ်။ အသား ငါးတန်းမှာ သိလား။ ဘယ်မလဲ အကြွေးဆိုတော့ ပျာပျာ သလဲနဲ့ ပေးမယ် အစ်မရဲ့ သတိရတယ်။ မလာအား သေးလို့ ကြာနေတာ။ ဒီနေ့ ညနေဖြစ်ဖြစ် မနက်ဖြန်ဖြစ်ဖြစ် ဆက်ဆက် လာပေးမယ် နော် ဆိုပြီး ခုထိပေါ်လာဘူး။ တစ်ပတ်ကျော်သွားပြီ။ တခြားသူတွေဆီက စုံစမ်း ပြီးပြီ။ ငါ့ဆိုင်မှာ အကြွေးများ လို့ တခြားဆိုင်ပြောင်းယူနေ တာတဲ့။ အဲဒါ သူ့အိမ်ကို စုံစမ်းပြီး သွားတောင်းမလို့”
“အကြွေးက များလို့ လား”
“သုံးသောင် နီးနီးရှိ တယ်”
သိပ်ပြဿနာ မရှိ လောက်ပါဘူးလေဟု တွေးပြီး ကျွန်မလည်း မမ၀င်းနှင့် အတူ အဖော် လိုက်သွားပေး လိုက်ပါသည်။ ကြွေးယူထားသည့် မသောင်းစိန်တို့ ရပ်ကွက်လေးက တော်တော် ချောင်ကျသော အခြေခံ လူတန်းစား ရပ်ကွက်လေးဖြစ် သည်။ ကျောက်ကြမ်းခင်းသည့် လမ်းကျဉ်းလေးဖြစ် သည်ကတစ်ကြောင်း၊ အိမ် နေရာအတိအကျ မသိသည်က တစ်ကြောင်းမို့ လမ်းထိပ် ကွမ်းယာဆိုင်မှာ ဆိုင်ကယ်ကို ခဏ အပ်ခဲ့ကာ လမ်းထဲသို့ နှစ်ယောက်သား လမ်းလျှောက် ပြီး ၀င်လာလိုက်ကြသည်။
“ကြည့်ရတာ ဒီမိန်းမ ငါ့ကို တမင်သက်သက် မပေးချင်လို့ မပေးတာ ဖြစ်ရမယ်။ မပေးနိုင်တာတော့ မဖြစ်နိုင်ဘူး”
“ဘာဖြစ်လို့လဲ မမ၀င်း”
“ကလေးဒီလောက် ပေါများတဲ့ ရပ်ကွက် နင်မြင် ဖူးလို့လား။ မရောင်း ရစရာကို မရှိဘူး”
ကျွန်မ ရယ်မိသည်။ ဟုတ်သားပဲ၊ တစ်မိသားစုကို ကလေး ဘယ်နှယောက် လောက်နှုန်းနှင့် မွေးထားကြသည် မသိချေ။ ဒီလောက် ကျဉ်းသည့် ရပ်ကွက်လမ်း ကြားရှည်မျောမျော တစ်လျှောက် ကလေး အရွယ်စုံနှင့် ပြည့်နေ သည်။ ကျောင်းပိတ်ရက် ဖြစ်တာလည်း ပါပါလိမ့်မည်။ ကျွန်မတို့ သွားနေတာ နေ့ခင်း အချိန်ဖြစ်၍လား မသိ လူကြီးတော့ သိပ်မတွေ့ရပါ။ အလုပ် ကိုယ်စီနှင့် အပြင်ထွက် နေကြရသည် ထင်ပါသည်။
“မသောင်းစိန်ရဲ့ မုန့်ဆိုင်က ဘယ်နားမှာလဲ ကလေး”
နှပ်ချေး တွဲလွဲနှင့် ကလေး တစ်ယောက်က လမ်းကြား အဆုံး တစ်နေရာဆီ လက်ညှိုး ထိုးပြသဖြင့် နှစ်ယောက်သား ဆိုက်ဆိုက် မြိုက်မြိုက် ရောက်သွားကြ သည်။ အိမ်က သွပ်မိုး ထရံကာ နှစ်ထပ်အိမ်လေး ဖြစ်ပြီး အိမ်နှင့် တစ်ဆက်တည်း ကွပ်ပျစ်လေး ထုတ်ပြီး အိမ်ဆိုင် တည်ထားသည်။ ကွမ်းယာ နှင့် ကလေးမုန့် အခြောက် အခြမ်းလေးတွေ တွဲရောင်းတာ ဖြစ်သည်။ မမျှော်လင့်ဘဲ သူ့ဆိုင်ပေါက်ဝ၌ ကျွန်မတို့ နှစ်ယောက်ကို ဘွားခနဲမြင် လိုက်ရသော မသောင်းစိန် သည် ရုတ်တရက် လန့်သွားဟန် ပါးစပ်ကြီး ဟနေပြီးမှ ကပျာကယာနှင့် ထလာသည်။
“သြော် လာလာအစ်မ။ ထင်တော့ ထင်သားပဲ၊ ငါ့ အစ်မ တစ်ယောက်တော့ ငါ့ကို မျှော်နေရှာတော့မှာလို့။ အားနာလိုက်တာ အစ်မရယ်၊ လာလာ အိမ်ပေါ်တက်ဦး။ ညီမလည်းလာ”
ချက်ချင်း အပြင်ထွက် လာကာ လက်ဆွဲမတတ် ခေါ် ရာနောက် မမ၀င်းယောင် တောင်ပေါင်တောင်နှင့် ပါသွား၍ ကျွန်မလည်း မျက်နှာ ပူပူနှင့်ပင် နောက်ကလိုက် တက်သွားရသည်။ ကြမ်း အပြည့်ခင်းထားသော အိမ်ထဲ မှာ မြင်မကောင်းအောင် ရှုပ်ပွ ခတ်နေလျက်ရှိသည်။ အ၀တ် တွေလည်း လျှော်ပြီး မခေါက်သိမ်း အားသေး၍ ပစ်ထားတာလား၊ ဒါမှ မဟုတ် အ၀တ်ပေတွေမလျှော် ဘဲ ပစ်ထားတာလားတော့ မသိ။ အိမ်ထောင့်တစ်နေရာ မှာ ပုံထားတာ နည်းသည့်အပုံ ကြီး မဟုတ်ပါ။ တစ်ဆက်တည်း ဖြစ်၍ တိုးလျှိုပေါက် မြင်နေရသော မီးဖိုချောင်ထဲ မှာလည်း စားပြီးသား ပန်းကန်တွေက စားပွဲပေါ်မှာ ဒီအတိုင်းစုပုံ ထပ်ထားကာ ယင်တလောင်း လောင်းအုံလို့။ တစ်ဝက်တစ်ပျက် ဖုံးထား သည့် ထမင်းအိုး ဖုံးပေါ်မှာလည်း ထမင်းစေ့တွေနှင့်။
ကြမ်းပေါ်မှာလည်းကြက်သွန် ခွံတွေမှန်းမသိ ကြွပ်ကြွပ် အိတ်တွေမှန်းမသိ ဟိုတစ်စ၊ ဒီတစ်စနှင့် ပွစာကျဲနေသည်။ သဲရှပ်နေသည့်ကြမ်းပေါ်ဝင် ထိုင်လိုက်ရုံရှိသေး၊ မသောင်း စိန်တစ်ယောက် မမ၀င်း၏ လက်ကိုဆွဲကာ ဖြစ်ကြောင်း ကုန်စင် သံစုံနှောပါတော့ သည်။
“အစ်မ ကျွန်မ အကြောင်း သိပါတယ်။ အစ်မရယ်။ ကျွန်မဘ၀မှာ ဘယ်သူ့ ကိုမှလည်း မလိမ်မညာဖူးပါ ဘူး။ သောင်းစိန်တဲ့ ရပ်ကွက်ထဲမှာ လိုက်မေးကြည့် နာမည် တစ်လုံးနဲ့ နေတာပါ။ အရင် တုန်းကတည်းက အစ်မ အကြွေး ကျွန်မ ပေးဖို့ရာပါ။ ဘုရားပေးပေး ကျမ်းပေးပေး သိလား။ ဒင်းရိုက်ခွဲကုန်လို့ အရင်း ပြုတ်သွားတော့ ဆိုင်ကို အစကနေ ပြန်ထူရတယ် လေ”
“ဟင် ဘယ်သူကလာ ရိုက်ခွဲတာတုံး”
“အိမ်က ဆန်ကုန်မြေ လေးကြီး မိုက်ကြီးပေါ့ အစ်မရယ်။ ဘယ်သူ ရှိရမှာလဲ။ ရှာကျွေးတာကို ပါးဖြဲနားဖြဲ ထိုင်စားပြီး အေးအေးဆေး ဆေးနေမယ် စိတ်မကူးဘူး။ အရက်လေး တမြမြ ဖြစ်လာရင် ကျွန်မကို နှိပ်စက်ချင် သေးတာ။ ကလေးတွေကို လည်း မယားပါ သားနဲ့ရတဲ့ ကလေးတွေလို ဖအေတန်မဲ့ ရိုက်ဟဲ့နှက်ဟဲ့ လက်သရမ်း ချင်သေးတာ။ ဒါတွေ လုပ်တာ ထားပါဦး၊ ကိုယ့်ကို ထမင်း ကျွေးနေတဲ့ အိမ်ဆိုင် လေးကိုတော့ ကျေးဇူးကန်းပြီး မဖျက်ဆီးသင့်ပါဘူး။ မလုပ်ကောင်းဘူးလေနော်။ မဟုတ်ဘူးလား အစ်မ”
“ဒါပေါ့”
ယောင်ယမ်း ခေါင်းညိတ် ထောက်ခံလိုက်ပြီးမှ မမ၀င်းက သူ့ကိုယ်သူ ဘာလာလုပ်မှန်း သတိရသွားပုံ ပေါ်သည်။ မျက်နှာထားကို ခပ်တင်းတင်း ဖြစ်အောင် ပြင် လိုက်ပြီး ကိုယ်ကိုလည်း ခပ်မတ်မတ် ပြင်ထိုင်သည်။ လူပိန်သလောက် စကားတရ စပ်ပြောနိုင်သော မသောင်းစိန်၏ လေကြောထဲ မျောနေ၍ အလုပ် မဖြစ်သေးဘူးဟု တွေးမိဟန်တူသည်။
“ဒါနဲ့..”
“နေဦး အစ်မရဲ့ ကျွန်မ ပြောပါရစေဦး။ ဒင်း ကျွန်မ အပေါ်ဘယ်လောက် ယုတ်မာ နှိပ်စက်ပုံတွေ ပြောပြချင် လွန်းလို့ပါ။ အစ်မပဲ စဉ်းစား ကြည့်။ လူရယ်လို့ဖြစ်လာရင် လူ့တာဝန် ဆိုတာရှိတယ်။ သူများတာဝန် မယူနိုင်ရင် တောင် ကိုယ့်တာဝန် ကိုယ်တော့ ယူသင့်တယ်လေ။ မဟုတ်ဘူးလား။ ခုတော့ သူများ သားသမီးကို ယူထားပြီး ရှာမကျွေးတဲ့ အပြင် ရိုက်လား ပုတ်လား လုပ်သေးတာ ကောင်းလား”
“အင်းပေါ့ ဒါနဲ့”
“အဲဒါပြောတာပေါ့ အစ်မရယ်။ သူနှိပ်စက်လိုက်လို့ ပထမ အကြိမ် ဆိုင်အရင်း ပြုတ်သွားတော့ ကျွန်မမှာ အစ်မကို မျက်နှာ ပျက်ရတယ်။ မျက်နှာလည်း ပူရ တယ်။ အားနာတယ်လေ။ ဟော့ဒီ သောင်းစိန်တို့က အသက်နဲ့ လူလုပ်တာ မဟုတ်ဘူး။ အရှက်နဲ့ လူလုပ်တာ။ အဲဒါ ထပ်ယူပြန်ရင်လည်း ကြွေးဟောင်းနဲ့ ကြွေးသစ် ပေါင်းပြီး မပေးနိုင်တော့ အစ်မကို ဒုက္ခပေးရာကျ တယ်”
“ဒါကြောင့် ကျွန်မကို အကျိုး အကြောင်းလေးတောင် လာမပြောဘဲ ဆိုင်ပြောင်းယူ တယ်ပေါ့လေ”
မမ၀င်း စကားကြောင့် မသောင်းစိန် မျက်နှာ ကွက်ခနဲ ပျက်ပြီး အိုးတိုးအမ်းတမ်း ဖြစ်သွားပြီးမှ မျက်နှာထားကို ချက်ချင်းပြန်ပြင်သည်။
“ပြောဦးမယ်လေ အစ်မ ရယ်။ ကျွန်မ စကားဖြင့် မဆုံးသေးဘူး။ ဟိုတစ်လောက ဈေးထဲမှာ ဆုံတော့ အချိန် မရလို့ အဲဒီ ကိစ္စလေးပြောပြချင် တာ။ အခိုက်အတန့် အဆင် မပြေသေးလို့ အစ်မဆီ မလာတာပါ။ သူများဆီသွားယူ ပေမယ့် အမြဲယူဖို့ စိတ်ကူး မရှိ ပါဘူး။ ကိုယ့်အပေါ် ကောင်းခဲ့တဲ့ အစ်မဆီပဲ လာချင်တာပေါ့ မဟုတ်ဘူးလား။ အဆင် ပြေရင် ပိုက်ဆံလေး ဆပ်ပြီး အသစ်ပြန်လာယူမယ် ဆိုတဲ့ စိတ်ကူးနဲ့ ဖဲ့ဖဲ့စုထားတာ အစ်မရယ်။ တစ်ခါတည်း တော့ အကျေ မဆပ်နိုင်ဘူး ပေါ့လေ”
“အို တစ်ခါတည်း မဆပ်နိုင်လည်း တစ်ဝက်စီ ခွဲဆပ်ပေါ့ ရပါတယ်။ ကိစ္စ မရှိပါဘူး”
မမ၀င်း၏ အားတက် သရော စကားပင် မဆုံးသေး မသောင်းစိန်က မျက်နှာ ငယ်သွားသည်။
“အဲဒါကြောင့် အားနာတယ် ပြောတာပေါ့ အစ်မ ရယ်”
“ဟင် ဘာဖြစ်လို့လဲ”
“ဘာဖြစ်ရမှာလဲ။ အခု ကျွန်မမှာ စုထားတာ ငါးထောင် မပြောနဲ့။ ငါးရာ တောင်မရှိတော့လို့ပေါ့။ ဒင်းလေ ဒင်း”
ပြောရင်း ဒေါသထွက် လာဟန်ဖြင့် မသောင်းစိန် မျက်လုံးတွေ ပြူးလာသည်။
“ခုပြောရင် ချက်ချင်း အရေခွံ ပြေးဆုတ်ချင်တယ်။ ကျွန်မ ခေါင်းအုံးအောက်မှာ သိမ်းထားတဲ့ ပိုက်ဆံတွေ ယူပြီး ဘောလုံးပွဲလောင်း ရှုံးပစ်လိုက် တယ်လေ။ ပိုက်ဆံ ပျောက်တာကို သိသိချင်း ကျွန်မလည်း ဓားဆွဲပြီး သူ့လှည့်ပတ် ရှာတာပဲ”
ပြောရင်းဆိုရင်း သူ့ ပိုက်ဆံ သေတ္တာကို လက်သီးနှင့် “ဒုန်း”ခနဲ ထုထည့်လိုက် ၍ ကျွန်မနှင့် မမ၀င်းပင် ရုတ်တရက် လန့်ပြီး တုန်သွား ရသည်။
“သူကလည်း ကျွန်မ အကြောင်းသိတော့ တစ်ညလုံး ပြန်မလာဘူး။ ခုထိလည်း ပြန်မလာဘူး။ သူ့အမေ အိမ်မှာလည်း မရှိဘူး။ သူသွား တတ်တဲ့ နေရာတွေ လိုက်ရှာ တော့လည်း မရှိဘူး။ ကျွန်မကလည်း သဘောကောင်းရင် နှစ်ယောက် မရှိသလို ဒေါသ ထွက်ပြီဟေ့ ဆိုရင်လည်း သူများနဲ့ တူတာမဟုတ်ဘူး။ ကျွန်မကို မကျေနပ်ရင် ပါးကို ဘယ်ပြန်ညာပြန် လာရိုက် သွား ကျေနပ်တယ်။ ခုတော့ ချွေတာ စားသောက်ပြီး အကြွေးဆပ်ဖို့ စုထားတဲ့ငွေ ကိုမှ သိသိကြီးနဲ့ခိုးသွားတာ။ ဘောလုံးပွဲလောင်း ရှုံးပစ် လိုက်တာ။ တကယ်အသည်း နာတယ်အစ်မ ကျွန်မ ကျွန်မ...”
ပြောရင်းတန်းလန်း မျက်ဖြူ လန်သွားကာ လက်သီးနှစ်ဖက် ကျစ်ကျစ်ပါအောင် ဆုပ်၍ အံကြီးကြိတ်ပြီး ပစ်လဲ ကျသွားသော မသောင်းစိန်ကြောင့် ကျွန်မနှင့် မမ၀င်း အလန့်တကြား ဖြစ်သွားကြ သည်။
“ဟဲ့ ဟဲ့ လုပ်ကြပါဦး။ လုပ်ပါဦး ငါ့ညီမရဲ့”
“သူ ဘာဖြစ်သွားတာ လဲ မမ၀င်း”
“တက်တာလေ အဲဒါ တက်သွားတာ။ အနီးအနားမှာ ဘယ်သူရှိလဲ အော်ပါဦး ဟဲ့။ ငါဘာမှ မလုပ်တတ် ဘူး”
“ဟင် ကျွန်တော်လည်း ဘာမှ မလုပ်တတ်ဘူးနော်”
ရှေ့ဘက်အိမ်တွေဆီ လှမ်းအသံပြုကြည့်တော့လည်း လူရိပ်လူယောင်ပင် မမြင်ရပါ။
“နင် ခဏနေခဲ့ဦးနော်။ ငါအိမ်နီးချင်းတွေ လိုက်ခေါ် ကြည့်ဦးမယ်။ ဆရာဝန်လည်း ခေါ်မှရမယ် ထင်တယ်”
ကျွန်မ၏ စကားပြန်ကို ပင်မစောင့်ဘဲ ထဘီတိုတိုဝတ် ကာ မမ၀င်းက အိမ်ပေါ်မှ အပြေးအလွှား ဆင်းသွား၍ လူမမာနှင့် ကျွန်မ နှစ်ယောက် တည်း ကျန်ရစ်ခဲ့သည်။ မျက်ဖြူကြီး လန်ကာ တံတွေး တစီစီနှင့် ခြေတွေလက်တွေ ကုပ်ပြီး တဂစ်ဂစ် တက်နေသော မသောင်းစိန်ကို ကြည့် ပြီး ကျွန်မသည် ထူပူနေကာ တုန်တုန်ယင်ယင်နှင့် ဘာလုပ် ပေး၍ လုပ်ပေးရမှန်း မသိဖြစ်နေ သည်။ တက်နေသူကို ခြေမ၊ လက်မ ချိုးပေးရသည်ဟု ကြားဖူးနားဝ ရှိနေပေမယ့် ထို အသိ ဆိုတာကလည်း စာအုပ် တွေထဲ၊ ရုပ်ရှင် ဗီဒီယိုတွေထဲ မှာတင် ကြည့်ဖူးဖတ်ဖူးရုံ အဆင့်မျှ ဆိုတော့ ကျွန်မ မလုပ် ပေးတတ်ပါ။ လုပ်လည်း မလုပ်ရဲ။ အမှန်အတိုင်း ပြောရလျှင် ဘယ်လိုပြုစု ကုသပေးရန် သိဖို့ နေနေသာ သာ၊ တဂစ်ဂစ်တ က်နေသည့် လူတစ်ယောက်ကို မြင်ဖူးတာ ပင် ကျွန်မဘ၀မှာ ဒါ ပထမ ဆုံးအကြိမ် ဖြစ်ပါသည်။ ချက်ချင်း ဆိုသလို မိန်းမ တချို့ နှင့် ကလေးတွေ တသီတ တန်းကြီး အိမ်ပေါ် တ၀ုန်းဝုန်း ပြေးတက်လာကြကာ တစ် ယောက်တစ်ပေါက်နှင့် ဆူညံ ကုန်တော့သည်။
“ဘယ်လို ဖြစ်သွားတာ လဲ”
မျက်နှာထား ဆိုးဆိုးနှင့် အမျိုးသမီးကြီးက ကျွန်မ လက်ထဲမှ မသောင်းစိန်ကို ပွေ့ထူရင်း ခပ်လောလောမေး သည်။
“မ မသိပါဘူး။ စကား ပြောနေရင်း အကောင်းကြီး ကနေ သူ့ဟာသူ ဖြစ်သွားတာ ပဲ”
မမျှော်လင့်ဘဲ ကြုံလိုက်ရသည့် အဖြစ်အပျက် အပေါ် လန့်ရလွန်း၍ ကျွန်မမှာ အသံ တွေပင်တုန်နေသည်။ ဒီကြား ထဲက ဘယ်က ပေါ်လာမှန်း မသိသော လေးငါးခြောက် နှစ်ဝန်းကျင် အရွယ်ကလေး နှစ်ယောက်က မသောင်းစိန် ကို “အမေ...”ဟု ငယ်သံပါ အောင် အော်ပြီးပြေးဖက် လိုက်တော့ မျက်စိတွေပါ ပြာ လာကုန်သည်။ ကလေး ပေါင်းသောင်းခြောက်ထောင် ကလည်း တဂစ်ဂစ် တက်နေ သော မသောင်းစိန်ကို တစ်လှည့်၊ နံဘေးမှာကြောင်စီစီ ထိုင်နေသည့် သူစိမ်းဖြစ်သူ ကျွန်မကို တစ်လှည့် ကြည့်နေ ကြသည်။ အမျိုးသမီး သုံး ယောက်ကတော့ မသောင်းစိန်ကို နှိပ်သူနှိပ်၊ ခြေမချိုး သူချိုး၊ ယပ်တောင်ခတ်သူ ခတ်ဖြင့် ၀ိုင်းဝန်း ပြုစုပေးနေ ကြသည်။ မမ၀င်းဆရာဝန် သွားခေါ်တာကလည်း ကြာလှသည်။ အကယ်၍ အခြေ အနေဟန် ပုံမရဘူး ဆိုပြီး ပြန် မလာလျှင်...။ ဘုရား... ဘုရား တက်ရင်းနှင့် သေသွား တာမျိုး အထိတော့ မဖြစ်နိုင် လောက်ဘူး ထင်ပါရဲ့။ မပြော ကောင်းမဆိုကောင်း မသောင်း စိန်သာ ခုနေတစ်ခုခုဖြစ်သွား လျှင် ကျွန်မကတော့ ဖြေရှင်း ရခက်ပြီ။ မထွက်စဖူး ဇောချွေးတွေပင် ပြန်ချင်လာ သည်။
“ဟော ဆရာဝန်လာ ပြီ”
ရှေ့မှ ဆေးအိတ်ကိုင်ပြီး ခပ်သုတ်သုတ် အိမ်ပေါ်တက် လာသည့် ဆရာဝန်နှင့် မမ၀င်းကို မြင်လိုက်ရမှ ကျွန်မ၀မ်းသာ အားတက်သွား သည်။ ဆရာဝန် အသံကြား၍ ပဲလား၊ သူ့ဘာသာသူ တကယ် သက်သာသွား၍လား မသိ ချက်ချင်းပဲ အတက် ရပ်သွားပြီး မသောင်းစိန်သတိ ပြန်လည်လာသည်။ ထတော့ မထိုင်သေး။ အင်းအင်းအဲအဲ ညည်းနေကာ မျက်လုံးကို ဖွင့်ကြည့်ရုံမျှ ကြည့်ပြီး “ရေ ရေ” ဟု ဆိုကာ ပြန်မှိတ်သွား သည်။ တစ်ယောက်က ရေ ပြေးခပ်၍ တိုက်ပေးသည်။ သတိ လည်လာပြီ ဆိုပေမယ့် ဆရာဝန် ပင့်ထား လက်စနှင့် စိတ်ချရအောင် မသောင်းစိန်ကို စမ်းသပ်ကြည့်ရသည်။ ဇာတ်ပေါင်းကတော့ မမ၀င်း နှင့် ကျွန်မ၏ ကြွေးတောင်း ခရီးက မအောင်မြင်သည့် အပြင် မသောင်းစိန် အတွက် ဆရာဝန် ပင့်ရသဖြင့် စမ်းသပ်ခနှင့် ခြေကြွခကိုပါ မမ၀င်း ၏ အိတ်ကပ်ထဲမှ စိုက်ရှင်း ပေးခဲ့ရသေးသည်။ တစ်ခါမှ မကြုံဖူးသည့် အတွေ့အကြုံကြောင့် အိမ်ပြန်လမ်းမှာ မမ၀င်း၏ “မသောင်းစိန် တက်သွားတာ တကယ်တော့ ဟုတ်မှာပါနော်”ဟူသော စကားကိုပင် ပြန်မပြောနိုင်။ အိမ်ပြန်ရောက်သည် အထိ ရင်တုန်ပန်းတုန် ဖြစ်နေမိဆဲ ဖြစ်သည်။
ထိုအဖြစ်အပျက်တွေ ဖြစ်ပွားပြီး ဆယ့်လေးငါး ရက်မျှကြာတော့ ကျွန်မအိမ် သို့ မမ၀င်း ထပ်ရောက်လာ သည်။
“ငါ့ညီမရေ အကြွေး သွားတောင်းမလို့”
“အမယ်လေး မလိုက် ပါရစေနဲ့တော့နော်”
သူ့စကားပင် မဆုံးသေး ကျွန်မ ခေါင်းတခါခါ လည်တခါခါ ထငြင်း၍ မမ၀င်းက “နင်ပဲ ကုန်ကြမ်း လိုချင်တယ် ဆို”ဟုပြောရင်း ရယ်သည်။ ကျွန်မကတော့ မရယ်နိုင်။ သူပြောသလို ၀တ္ထုရေးဖို့ ကုန်ကြမ်း ရလိုက်တာတော့ မှန်သည်။ သို့သော် ဒီကုန်ကြမ်းမျိုးက တစ်သက်မှာ တစ်ခါလောက်ပဲ ကောင်း သည်လေနော်။

ငွေဇင်ယော်ဦး၊မိုးကုတ်၊
(ရွှေအမြုတေ မဂ္ဂဇင်း၊ နိုဝင်ဘာလ ၂၀၁၀)

{နှစ်သက်မိသောကြောင့် ရွှေအမြုတေ မှ ကူးယူဖော်ပြသည်။}
http://www.shweamyutay.com/index.php?option=com_content&view=article&id=2661:2010-10-19-06-38-14&catid=92:2008-06-08-19-55-48&Itemid=684

ဖေဖေမေမေသို့....

၁၉၈၁ခုနှစ် အောက်တိုဘာ ၁၀ ရဲ့ နံနက် ၁၀နာရီခွဲတိတိမှာ မြူနှင်းတွေဝေနေတဲ့ တောင်ကြီးမြို့ ဗိုလ်ချုပ်ပန်းခြံနားက မိခင်နှင့်ကလေးဆေးရုံကြီးမှာ ကျွန်မကို မေမေက သဘာဝအတိုင်း မွေးဖွားသန့်စင်ခဲ့တာပါ။

ဖေဖေကတော့ ကျွန်မကိုမွေးပြီး နာရီအနည်းငယ်ကြာမှ မေမေရှိရာ ဆေးရုံကို သူတာဝန်ထမ်းဆောင်နေတဲ့ ကုန်းလမ်းပို့ဆောင်ရေးကော်ပိုရေးရှင်း (ရွှေညောင် တိုင်းအလုပ်ရုံ) ကနေ လုပ်ငန်းခွင်ကနေ ကမန်းကတန်း အရောက်လာခဲ့ရတာပါ။

ကျွန်မကိုမွေးတော့ ဖေဖေက သမီးဦးလေးဖြစ်တဲ့ ကျွန်မကို အရမ်းချစ်ခဲ့ရပါတယ်တဲ့။ သမီးတယောက်ရဲ့ဖခင်ဖြစ်လာတဲ့ သူ့အနေနဲ့ သူ့သမီးဦးလေးဖြစ်တဲ့ ကျွန်မကို ပတ်ဝန်းကျင်က “အရက်သမားသမီး”လို့ ကင်ပွန်းတပ်မှာ မခံရစေအောင် သူ ဆယ်ကျော်သက်ကတည်းက သောက်ခဲ့တဲ့ ယစ်ရွှေရည်ကို ကျွန်မကိုမွေးဖွားသန့်စင်ပြီးတဲ့ ဒီနေ့မှာ အပြီးတိုင်ဖြတ်ခဲ့တယ်တဲ့။

ကျွန်မလူမှန်းသိတတ်စအချိန်မှာ ကျွန်မဟာ ဖေဖေ အရက်သောက်တာ တစ်ခါမှမမြင်ခဲ့ဖူးပါဘူး။ ဒါပေမယ့် ဖေဖေ့ရဲ့ သမိုင်းအမွေအနှစ်အဖြစ် ကျွန်မတို့နေထိုင်ရာ အိမ်ရဲ့ မီးဖိုဆောင်မှာ ထင်းရှူးသေတ္တာတွေနဲ့အပြည့် ဟန်နီကင် ဘီယာဗူးခွံတွေ အမြောက်အမြားတွေ့ခဲ့ရတာပါ။

ကျွန်မ လမ်းလျှောက်တတ် ဆော့ကစားတတ်စ အရွယ်ရောက်တော့ အဲဒီဘီယာဗူးခွံတွေနဲ့ ကျွန်မကို ဖေဖေက မီးရထားလေးလုပ်ပေးခဲ့ဖူးပါတယ်။ တွဲဆက်ပေါင်းများစွာပါတဲ့ မီးရထားတစ်စီးဟာ ဖေဖေ့ဖန်တီးမှုနဲ့ ကျွန်မမောင်းနှင်ဆွဲခေါ်ရာကို မမောမပန်း ခရီးနှင်ခဲ့ဖူးပါတယ်။ ဒါ အမှတ်တရပါပဲ....

မေမေဟာ ကျွန်မကို မွေးပြီး ဆယ့်ငါးရက်မြောက်နေ့မှာ တိုက်ဖွိုက်ရောဂါနဲ့ စဝ်စံထွန်းဆေးရုံကြီးကို တက်ရောက်ပြီး ဆေးကုသမှုခံခဲ့ရတာပါ။ အဲဒီမှာ အခါလည်စ သမီးလေးဖြစ်တဲ့ကျွန်မဟာ ဖေဖေ့လက်ပေါ်မှာ တစ်လကျော်ကျော် စောင့်ရှောက်မှုခံယူခဲ့ရတယ်။ ဖေဖေဟာ သူ့အလုပ်တာဝန်ကိုထမ်းဆောင်ရင်း သူ့ဘော်ဒါ လုပ်ဖော်ကိုင်ဖက်တွေနဲ့အတူ ကျွန်မကို ထိန်းကျောင်းခဲ့ရတာပါ။

နေ့ဘက် အလုပ်ဖွင့်ရက်တွေမှာ နို့ဗူးတွေ အနှီးတွေ ဆေးတွေ အပြည့်အစုံနဲ့ ဖေဖေဟာ ကျွန်မကို သူ့လုပ်ငန်းခွင်ရှိရာကို တယုတယဂရုတစိုက် သယ်ပိုးသွားခဲ့ရတာ။ အတော်ပင်ပန်းခဲ့မယ်ဆိုတာ ကျွန်မခံစားလို့ရပါတယ်။

အခုခေတ် အမျိုးသားများစွာဟာ အမျိုးသမီးမီးဖွားချိန်မှာ ယောက္ခမဆီ အရောက်ပို့ထားတတ်ကြတာ.. သားသမီး ရင်ခွင်လွတ်ချိန်မှာမှ အမျိုးသမီးကို အိမ်ပြန်ခေါ်ထားတတ်ကြတာတွေကို မြင်နေရတဲ့အခါမှာ ကျွန်မရဲ့ ဖေဖေကို ကျွန်မ အထူးလေးစားပြီး စံပြဖခင်တစ်ယောက်အဖြစ် ကျွန်မ တခုတ်တရ စာရေးသား ဂုဏ်ပြုချင်ခဲ့တာပါ။

ကျွန်မမေမေဟာလည်း ဆေးရုံကနေဆင်းပြီး အိမ်ပြန်ရောက်တာနဲ့ နှစ်လသမီးလေးကျွန်မကို သူ့ရဲ့နို့ချိုရည်ကို ချက်ချင်းသောက်သုံးခွင့်ပြုခဲ့တာလေ။ ကျွန်မမေမေရဲ့ နလန်ထခါစ အချိန်လေးမှာ သူ ဘယ်လောက်ပင်ပန်းနေမလဲ။ သူ့ရဲ့ ရှိစုမဲ့စုအားအင်တွေကြားက ကျွန်မအပေါ်ထားတဲ့ မေတ္တာတွေကို နို့ချိုရည်အဖြစ် စီးဆင်းသောက်သုံးခွင့်ပြုခဲ့တာလို့ ကျွန်မခံစားနေရပါတယ်။

ငယ်စဉ်က အမြဲချူချာတဲ့ ကျွန်မ ဖေဖေနဲ့မေမေအပေါ် ဒုက္ခတွေအမျိုးမျိုးပေးခဲ့တာပါ။ အဆုတ်အအေးပတ်ပြီး ဖျား၊ ဝမ်းသွား၊ ဝမ်းချုပ်၊ ချောင်းဆိုးရင်ကြပ်၊ မှောက်ကျချော်လဲတဲ့ဒဏ်ရာအမျိုးမျိုး၊ သြဇာစေ့ကို ရှူမိလို့ နှာခေါင်းထဲဝင်တဲ့သြဇာစေ့ကို ပြန်ထုတ်ပေးရတဲ့အဖြစ်တွေ၊ အိမ်ရှေ့မှာ မေမေမြက်နုတ်ပေါင်းသင်နေတာကို ကူချင်လို့ဆိုပြီး နှစ်နှစ်ခွဲသာသာကျွန်မ အိမ်ရှေ့လှေကားသုံးထစ်ကနေအဆင်း ဒလိမ့်ကောက်ကွေး မှောက်ကျလို့ ရတဲ့ဒဏ်ရာတွေကို တစ်ပါတ်တိတိကုရတဲ့အဖြစ်၊ မေမေတို့ သမဝါယမမှာ ဆန်သွားထုတ်နေတုန်း ကျောင်းစောလွှတ်လို့ အိမ်ပြန်ရောက်လာတဲ့ကျွန်မ လှေကားထစ်ပေါ်ထိုင်ရင်း အိမ်ရှေ့တံစက်မြိတ်မှာ စိုက်ထားတဲ့ ပန်းပိန်းပင်က အရွက်ကို ဝါးစားလို့ လည်ချောင်းတွေယားပြီး အော်ငိုနေတာကို ၂၄ပြည် ဆန်အိတ်ကြီးရွက်ပြန်လာတဲ့ မေမေတွေ့တော့ ခရီးရောက်မဆိုက် ကျွန်မကို နနွင်းတွေလိမ်း နနွင်းတွေဖျော်တိုက် ဘာမီတွန်ချေပြီး တိုက်နဲ့ မမောမပန်းအားဘဲ ပြုစုပေးခဲ့ရတဲ့အဖြစ်တွေ......

အရွယ်တစတစရောက်လာတဲ့ကျွန်မ ကျောင်းတက်လို့ရတဲ့အရွယ်ရောက်လို့ ကျောင်းစတက်တော့ ကျောင်းမှာ မေမေမစောင့်ရင် စာမသင်ဘဲ အော်ငိုတာမို့ ဆရာမတွေနဲ့နားလည်မှုယူပြီး စာသင်ခန်းထောင့်တနေရာမှာ ထမင်းချိုင့်နဲ့ ထိုင်စောင့်ပေးရတဲ့အဖြစ်တွေ....

ကျောင်းမှာ ဆုရတော့ ပူဆာသမျှ တောင်ကြီးညဈေးမှာ ဝယ်ပေးရတဲ့အဖြစ်တွေ၊ အထက်တန်းအောင်တဲ့နောက် ချူချာသေးကွေးပြီး အပင်ပန်းမခံနိုင်တဲ့ ကျွန်မကို ကျွန်မသိပ်တက်ချင်တဲ့ နည်းပညာကောလိပ်ကိုလည်း မျှော်လင့်ချက်ဗလာနဲ့ လိုက်လျောပေးခဲ့တဲ့အဖြစ်တွေ၊ ကျောင်းတက်နေတဲ့ကာလတလျှောက် အများနည်းတူ မတောင့်မတ နေထိုင်သုံးစွဲရအောင် ကြိုးစားဖြည့်ဆည်းပေးခဲ့တဲ့ မေမေနဲ့ဖေဖေရဲ့ ပင်းပန်းခဲ့ရတဲ့ အဖြစ်တွေ....

ဘွဲ့ရတော့ အလုပ်လျှောက်ပြီး ရေးဖြေအောင်လို့ ဖောင်ကြီးတက်တော့ ဟင်းတွေ မုန့်တွေ ရန်ကုန်မြို့စွန်ကနေ ဖောင်ကြီးကို ကားအဆင့်ဆင့်စီး မမောမပန်းအရောက်လာပြီး တွေ့ခဲ့တဲ့အဖြစ်တွေ၊ အလုပ်ဝင်တော့ နေပြည်တော်မှာ တာဝန်ကျတာမို့ လိုအပ်သမျှ အစားအသောက်တွေ ငွေကြေးတွေဖြည့်ပေးပြီး စိတ်ခွန်အားတွေပေးခဲ့တဲ့ မေမေနဲ့ဖေဖေ၊ ကျွန်မ လုပ်ငန်းခွင်ထဲကြုံတွေ့ခံစားရသမျှ စိတ်ပင်ပန်းကျဉ်းကြပ်မှုတွေ၊ စိတ်ထဲမကျေမနပ်ဖြစ်ရတာတွေ၊ လူမှုဆက်ဆံရေးရာမှာ ကြုံတွေ့ရတဲ့ အဖြစ်အပျက်တွေ အခက်အခဲတွေ၊ ပုစ္ဆာတွေကို နေပြည်တော်ကနေ ရန်ကုန်မြို့စွန်ကို လကုန်ရက်နဲ့တိုက်တဲ့ ပိတ်ရက်တွေမှာ အရောက်ပြန်လာပြီး ရင်ဖွင့်သမျှ တင်ပြသမျှတွေကို ရင်နဲ့ရင်းပြီး ဖြေရှင်းပေး အကြံဥာဏ်ပေး စိတ်ခွန်အားပေးခဲ့တဲ့ အဖြစ်တွေ၊ ရန်ကုန်ဘူတာကြီးကို ရန်ကုန်မြို့စွန်ကနေ မနက်လေးနာရီလောက် မှာ အထုပ်အပိုးများစွာနဲ့ မညည်းမညူကြိုပို့ပေးခဲ့တဲ့ ဖေဖေရဲ့ စေတနာတွေ... မျက်ရည်လေးလည်ရွှဲနဲ့ ကျန်ရစ်ခဲ့တတ်တဲ့မေမေ....

ဒီလို အမှတ်တရတွေနဲ့အတူ ဖြတ်မရတဲ့ နှောင်ကြိုးများစွာနဲ့အတူ... ကျွန်မ ခံစားရရှိပိုင်ဆိုင်ခွင့်တွေ ရခဲ့တာပါ။

အချိန်တန်လို့ လက်တွဲဖော်နဲ့ဘဝကို လျှောက်လှမ်းဖို့ ကျွန်မဆုံးဖြတ်ဖြစ်ခဲ့တဲ့အခါမှာလည်း မေမေရဲ့ လိုက်လျောပေးမှုတွေ၊ လက်မခံနိုင်သော်လည်း ကျွန်မရဲ့ “သမီးကို သူသိပ်ချစ်တယ်မေကြီး... သမီးထင်တယ် သူကလွဲလို့ သမီးကို သိပ်ချစ်မယ့်ယောက်ျားမရှိတော့ဘူးလို့... သမီးလည်း သူ့အချစ်ကို ခံစားလို့ရတယ်မေကြီး”
ဆိုတဲ့ ပွင့်လင်းတဲ့ စကားကို မေမေကြားပြီးတဲ့နောက် ကျွန်မကို ရင်နာနာနဲ့လိုက်လျောခဲ့တယ်။

ကျွန်မ ကြိုးစားတည်ထောင်ခဲ့တဲ့ အိပ်မက်တွေအားလုံးထဲက တချို့တဝက်ကို ပိုင်ဆိုင်ခွင့်ရနေတဲ့ အနေအထားတခုကနေ ကျွန်မသိပ်ချစ်မိသွားတဲ့ ကျွန်မကိုသိပ်ချစ်တယ်ဆိုတဲ့ ယောက်ျားတယောက်ကို လက်တွဲဖို့ ဖေဖေ မေမေ ညီမလေးတို့နဲ့ဝေးရာ တနေရာကို အရောက်သွားခဲ့ပြီး ချစ်ရတဲ့သူဖြစ်တဲ့ လက်တွဲဖော်ရဲ့ကမ်းလက်တစ်စုံကို အားပါးတရဆုပ်ကိုင်ဖြစ်ခဲ့တာလည်း မေမေရဲ့ ခွင့်ပြုချက်ကြောင့်ပါပဲ...

အခုချိန်မှာ ကျွန်မ အသက် ၂၉နှစ်တင်းတင်းပြည့်ခဲ့ပြီ။ ဒီနေ့မှာ ကျွန်မရဲ့အနီးမှာ မောင်ဆိုတဲ့ ကျွန်မလက်တွဲဖော်က ကျွန်မရဲ့မွေးနေ့အတွက် မွေးနေ့ဆုမွန်ကောင်းလေးကို ကျွန်မအိပ်ယာနိုးစမှာ ဆုတောင်းပေးခဲ့တာပါ။ ကျေးဇူးတင်ပါတယ်။

အဝေးတနေရာမှာ ရှိနေတဲ့ ဖေဖေနဲ့မေမေ လည်း ကျွန်မမွေးနေ့မှာ ဘုရားရှင်ဆီ တစုံတရာသော ဆုမွန်ကောင်းကို တောင်းခြွေနေကြမှာပါ။

ကျွန်မကတော့ အိမ်ရှိ ဘုရားရှင်ထံ သစ်သီးဆွမ်းနဲ့ပန်းရေချမ်းကပ်လှူပြီး အနေကဇာတင်ပါဠိတော် မင်္ဂလသုတ် မေတ္တာသုတ် ခန္ဓသုတ်တော် ဓာရဏပရိတ်တော် ဇယစက္ကော အောင်ဂါထာ နဲ့ အရပ်ဆယ်မျက်နှာ မေတ္တာပို့ ပုဂ္ဂိုလ်၁၂ဦးမေတ္တာပို့ တို့နဲ့ ရွတ်ဆိုပူဇော်ပြီး ဂုဏ်တော်ကိုးပါးပုတီးကိုးပတ်စိပ်ကာ မွေးနေ့ဆုမွန်ကောင်းတောင်းဖြစ်ခဲ့ပါတယ်။

ဒါတွေအားလုံး လုပ်ဖြစ်နိုင်အောင် မွေးထုတ်ပေးခဲ့တဲ့ မေမေနဲ့ ဖေဖေကိုလည်း ကျွန်မရပ်တည်နိုင်သမျှ အချိန်ကာလတိုင်းမှာ ကိုယ်အား စိတ်အားဖြင့် ကျေးဇူးတရားကို ပြန်လည်ပေးဆပ်နိုင်ဖို့ ကြိုးစားနေဆဲ နေလျှက်ပါပဲ....

ဝေးတနေရာမှ ဖေဖေနဲ့မေမေသို့.....

(၁၀-၁၀-၁၀)