တန်ဆောင်တိုင်ည

မြူခိုးဝေတဲ့ဆောင်းတစ်ည
လပြည့်အလှနဲ့အတူ
မီးရောင်စုံတွေကခုန်နေတဲ့
အဝေးပြေးလမ်းမကြီးရဲ့အဆုံး
မမုန်းနိုင်အောင်စီးဆင်းသန်မာဆဲ
မြစ်ငယ်လေးတစ်ခုရဲ့ရေအလျင်နဲ့အတူ
တလှုပ်လှုပ်ပြေးလွှား မီးခွက်လှလှလေးတွေ
ဟိုဟိုဒီဒီငေးကြည့် မြင်သာမြင်ကြင်ခွင့်မရတဲ့
အမိနို့ချိုရည်ကိုတောင့်တ လွမ်းဆွတ်သံတွေအားလုံး
မီးပန်းအလှအောက် ကျပျောက်သွား..............။
အလှပေါ်အယဉ်ဆင့်
သူသူငါအပြိုင်ကျဲ အလှဖွဲ့တွေနဲ့အပြုံးတစ်ဆုပ်က
ရင်ထဲမှာလှိုင်းထန်စေတဲ့အခါ
လက်ထဲမှာနွေးထွေးမှုတစ်ခုဖမ်းဆုပ်ထားတာ
ခံစားမှုထပ်တူကျ ပြိုင်တူအခါခါပြုံးမိကြရဲ့.....။
ကျောထဲစိမ့်တဲ့ ဒီဥတုအအေး
ခပ်အေးအေးလေးရင်ဆိုင်ရင်းပေါ့
အပြေးကလေးခွာလှမ်း
အပြန်လမ်းလည်းမဝေးခဲ့ဘူးကွယ်....။
တစုံတရာကျပျောက်သွားလား
ဘာကိုမှအလေးနက်မထား
အငိုဆိုတဲ့အက်ရှင်အတွက်
ထားခဲ့တဲ့ဒီမျက်ရည်
မြစ်ငယ်လေးရဲ့သောင်ပြင်မှာချန်ရစ်ခဲ့တဲ့ ငါ့ရင်ထဲကတန်ဆောင်တိုင်ည.........။