Monday, December 24, 2012

?

သူငယ်ချင်းလေးပါပဲ.... သူငယ်ချင်းလေးပဲတဲ့ကွယ်.... အဲဒီစကားနဲ့ ပြောင်းပြန်အချိုးကျသွားတဲ့တစ်နေ့မှာ.... ချစ်သူ သို့မဟုတ် သူစိမ်းတွေ ဖြစ်သွားတတ်သလား..... :P

Sunday, December 23, 2012

21.12.2012

21 ရက်နေ့တော့ ကျော်သွားပြီ.... လှလှပပ ငြိမ်ငြိမ်သက်သက်လေးပါပဲ.... ဒါပေမယ့် အဲဒီနေ့မတိုင်ခင်ကတော့ လူတွေအများစု နေစရာမရှိအောင်တုန်လှုပ်ခဲ့ကြ... တချို့ကလည်း ဘုရားစာတွေရွတ် တရားတွေထိုင် ပုတီးတွေစိပ်၊ တချို့ကလည်း ချစ်သူရည်းစားဆီ အရောက်သွားပြီး အတူသေပွဲဝင်မယ်ဆိုတဲ့ အထာနဲ့ ကမ္ဘာပျက်မယ့်အချိန်ကို စောင့်စားနေကြ၊ တချို့ကလည်း မိသားစုကို ကိုယ့်နားအပါခေါ်ပြီး ရင်တဒိတ်ဒိတ်နဲ့ ဥစ္စာဓနတွေဖင်ခုထိုင်ပြီး တုန်လှုပ်နေကြ၊ တချို့ကလည်း ကမ္ဘာပျက်တော့ အကုန်သေ အားလုံးအေးရော ကောင်းတာပေါ့ အများပဲဟာ ဘာကြောက်စရာမှတ်လို့ဆိုတဲ့ သေမထူးနေမထူးနဲ့ မျက်နှာလွှဲခဲပစ် ထင်သလို နေကြ၊ တချို့ကလည်း ဟောကိန်းတွေအပေါ် သုံးသပ်ဝေဖန်ရင်း ပျက်ရေးမပျက်ရေး အလုပ်ရှုပ်နေကြ၊ တချို့ကလည်း သွေး`၇ူးသွေးတန်းနဲ့ အရူးဇာတ်ခင်းပြီး ၂၁ ရက်နေ့မတိုင်ခင် ကိုယ့်ကိုယ်ကို သတ်သေကြ၊ တချို့ကလည်း.... လက်ရှိအတ္တတွေအတွက် မာနတွေ လောဘတွေတသီကြီးထားပြီး ကိုယ့်အတ္တအနိုင်ရရေး ကြံဆောင်လုံးပမ်း၇င်း ၂၁ ရက်နေ့ကို ဥပေက္ခာပြုထားကြ၊ တချို့ကလည်း ကောင်းတဲ့စိတ်ကောင်းသောအကြံကောင်းတဲ့အလုပ်တွေလုပ်ရင်း ငြိမ်းချမ်းနေကြ.... ဒီလိုနဲ့ပဲ ၂၁ ရက်နေ့ကြီးမှာ ဘာမှမဖြစ်ဘဲ အခု ၂၃ ရက်နေ့အထိ ကမ္ဘာကြီးဟာ အရင်လို နေ့နဲ့ည လည်ပတ်မြဲပဲ... ကဲဘယ်မလဲ မာယာ... ကဲဘယ်မလဲ ၂၁ ရက်နေ့ဟောကိန်း... အားလုံးဟာ မှားတယ်ဆိုရင် ငါက ကမ္ဘာမပျက်ကြေး လောင်းထားတော့ နိုင်တယ်ပေါ့... ဒါပေမယ့် နိုင်တဲ့အတွက် အလျော်အစားကတော့ တိတ်ဆိတ်စွာ ရှင်သန်နေခွင့်ပါပဲ...

Saturday, December 15, 2012

သတိရပေးပါ

အတိတ်က သိပ်လှခဲ့သလား.... သတိရပေးပါ ချစ်သူ.... ငါ့အနားမင်းရှိနေမယ့် အတိတ်တခု.... အခုပစ္စုပ္ပန်အထိ ငါသယ်ဆောင်ခဲ့တယ်... ဒီတသက်စာအတွက် မင်းဘာပဲလုပ်လုပ် မင်းဘယ်ပဲရောက်နေနေ မင်းဘေးငါရှိနေမယ်ဆိုတာ သတိရပေးပါ... ငါတို့ခရစ္စမတ်မှာ ထင်ရှူးပင်မရှိဘူး... ချောကလက်လည်းမရှိဘူး... ကုတင်တိုင်က ခြေအိတ်လေးလည်း ဘယ်ရောက်နေမှန်းမသိပေမယ့် သတိရပေးပါ... ချစ်သူ မင်းနဲ့ငါ အချစ်တွေနဲ့ နွေးထွေးနေမယ်ဆိုတာကိုပေါ့.... အတိတ်တွေသိပ်လှခဲ့သလား မသေချာပေမယ့် အခုပစ္စုပ္ပန်ကတော့ သိပ်လှနေတာသေချာတယ်... အနာဂတ်လည်း မင်းနဲ့ငါ့အတွက် အချစ်တွေလတ်ဆတ်နေရင် သိပ်လှသွားမှာ အသေချာပါပဲ... ခရစ္စမတ်ရဲ့ ဆောင်းညအေးအေးတွေထဲမှာ မင်းဘေးက ငါ့ကို အမြဲသတိရပေးပါ... ဒါဆို ငါနဲ့မင်း သိပ်နွေးသွားမှာပဲ... ၂၀၁၂ ကုန်ဆုံးမယ့်ရက်တွေကို ရေတွက်ရင်း မင်းသတိရနေပေးပါ... မင်းကို ငါချစ်နေတယ်ဆိုတာကိုပေ့ါ...

Thursday, November 15, 2012

မျက်ဝန်းအစုံအစုံ

မျက်ဝန်း အစုံအစုံ

ရင်ခွင်တခုမှာ ငါခိုလှုံနေခဲ့ရတုန်းက
အပြုံးမြမြနဲ့ တတွတ်တွတ်ပြောရင်း
အခါမလပ် ငါ့ကို ဂရုတစိုက်ရှိခဲ့တဲ့
မျက်ဝန်းတစုံ.......

ရင်ခုန်တတ်လာတော့
ငါက တပ်မက်ခဲ့တဲ့
မျက်ဝန်း အစုံအစုံ.....

ငါ့ကို တပ်မက်တဲ့
မျက်ဝန်းအစုံအစုံ......

တခါတခါ
ငါက
တခါတခါ
သူက
အပြန်အလှန် အသံတိတ်စကားတွေဖလှယ်ဖြစ်ခဲ့ကြတဲ
မျက်ဝန်း တစုံ........

အဲဒီမျက်ဝန်းတွေပြီးတော့.....

ငါ့ရင်ကို လှုပ်ခတ်စေခဲ့တဲ့
ငါ့ဘ၀ကို သိမ်းပိုက်စေချင်လောက်အောင်
ညှို့အားပြင်းတဲ့
ရွှန်းစိုတောက်ပပြီး နက်နက်ရှိုင်းရှိုင်း
အသံတိတ်စကားတွေ
ရင်ထဲကခံစားချက်တွေကို
အိတ်သွန်ဖာမှောက်ချပြတတ်တဲ့
မျက်ဝန်းတစုံကို တွေ့တော့........

ငါ အဲဒီမျက်ဝန်းကို စွဲလန်းတပ်မက် ပိုင်ဆိုင်ချင်ခဲ့မိတယ်.........

အခုတော့ အဲဒီ မျက်ဝန်းပိုင်ရှင်နဲ့အတူ
မျက်ဝန်းထောင်သောင်းမကတဲ့ ရပ်ဝန်းတွေ ရပ်ဝန်းတွေတိုင်းမှာ
ဘ၀လမ်းကို အတူဖြတ်ရင်း
ငါတို့ မျက်ဝန်းတစုံစီဟာလည်း
အပြုံးမြမြနဲ့
ကြုံရသမျှ မျက်ဝန်းအစုံအစုံတိုင်းကို
အင်အားအပြည့်နဲ့ တုံ့ပြန် ရင်ဆိုင်နေကြတယ်...........

အဲဒီအချိန်မှာ ရင်ခွင်ထဲခိုလှုံခွင့်ပေးခဲ့တဲ့
ငါ စစချင်းတွေ့ဖူးခဲ့တဲ့ မျက်ဝန်းအစုံဟာ

ငါ့ကို ပြုံးစစနဲ့ အမြဲဂရုစိုက်စွာ ကြည့်နေဆဲပေါ့..........









Sunday, October 14, 2012

ံပျော်ရွှင်စရာမွေးနေ့ (၁၀ ရက် ၁၀လ ၂၀၁၂)

မောင်ပေးတဲ့ ကျွန်မအတွက် မွေးနေ့ကဒ်လေး

Monday, September 24, 2012

ပိတောက်တစ္ဆေ


နွေဆိုတာ ဥတု သုံးပါးထဲ အပူပြင်း အတောက်ပဆုံး ရာသီလေး၊ ဒီအချိန်မှာ ပုရစ်ဖူးတွေကလဲ နေရာတော်တော်များများမှာ ကျိုးတိုး ကျဲတဲပဲ။ သစ်ပင်တွေက လွင်တီးခေါင်ထဲ ကျိုးတိုးကျဲတဲ။ မြေပြင်က ပတ္တမြားရောင်ခေါ်ရမလောက် နီကျင်ကျင်ရယ်။ အရင်တုန်းကတော့ ဒီနေရာမှာ မြန်မာ့ ကျွန်းတောအဖြစ် အထင်ကရ နေရာ။ ဘုံဘေဘားမားသစ် ကုမ္ပဏီက သစ်တွေ ခိုးထုတ်ခဲ့တဲ့နေရာ။ ဗကပတွေ ဌာနချုပ်အခြေစိုက် စိုးမိုးခဲ့တဲ့နေရာ………။ သမိုင်းထဲက ဂန္တဝင်နေရာပေါ့။ တချိန်တုန်းကလေ…………….။ ခုတော့………



နေပူရှိန်က တဖြည်းဖြည်း ပြင်းလာတာ တံလျပ်တွေ ခင်းတဲ့ ပြဒါးရောင် လမ်းပူပူထဲ လျှောက်နေရပြန်ပြီ………။ ရုံးအပြန် လမ်းတလျောက် ဖယ်ရီကားပေါ်ကနေ ငေးရင်း မြင်ရသမျှကို ပူပူလောင်လောင် ချွေးသံရွှဲရွှဲထဲ မိန်းမောလာမိလေရဲ့။ မနီးမဝေးက ကမူပေါ်မှာ ပိတောက်ပင်လေး…..။ အရွက်လေးက စိမ်းစိုစိုရယ်။ ပိတောက်ဖူးလေးတွေနဲ့။ ခုနောက်ပိုင်း ပိတောက်တွေ သင်္ကြန် မတိုင်ခင်ပွင့်တာ တော်တော်လေးကို ရှားသွားပြီ။ ပိတောက်တွေ ပွင့်သင့်နေပြီလို့ စိတ်ထဲ မချိမဆန့် တမ်းတ တွေးနေမိတယ်။သင်္ကြန်မိုးကလဲ ဘယ်နေမှန်း မသိတာ ကြာပေါ့။ ပန်းဆိုတာ ရေဖြန်းမှ လန်းအာနိုင်တာမို့လဲ မိုးမဖြန်းတော့ ဘယ်လန်းနိုင်ပါ့မလဲလို့ တွေးနေမိပြန်တယ်…။



ဒီနယ်မြေမှာ ပိတောက်တွေ ငုတွေ ရှားတယ်။ မရှိသလောက်ပဲ။ ဘာကြောင့်လဲဆို ဒီနယ်က အရင်တုန်းက လူနေထူထပ်တဲ့ နေရာမဟုတ်တဲ့ သစ်တောဟောင်းကြီးရယ်လေ။ ရွာငယ်၊

ဇနပုဒ်တွေပဲ ရှိခဲ့တာကလား။ ပဲခူးရိုးမရဲ့ အလယ်ရိုးမ တကျောမှာရှိတဲ့ ကြိုးဝိုင်းဟောင်းကြီးကို မြို့ပြပုံစံပြုလို့ အဆင့်မီ အဆောက်အအုံကြီးတွေ ဆောက်၊ ကတိုက်ကရိုက် အရွှေ့ပြောင်းတွေကြားမှာ နေသားကမကျတော့ ဂါဝန်တိုတိုကို ပုံမကျ ပန်းမကျ ဝတ်ထားတဲ့ ရွာသူလုံမေကညာရဲ့ ဟန်ပန်လို အချိုးမကျမလှမပပေါ့……..။ ရုံးတွေဘက်ကတော့ သစ်တောပင်တွေသာရှိတယ်၊ သစ်ကြီး ဝါးကြီး တောကောင်ကြီးတွေ မရှိတော့ဘူး။ ခုတ်ရောင်းတာ၊ သတ်ရောင်းတာနဲ့ ပြုန်းကုန်တာ ကြာပေါ့။ ဝါးပင်စုစုလေးတွေ၊ အပင်ပေါက်လေးတွေပဲ ရှိတဲ့ ချုံသာသာတောတွေရယ် လွင်တီးခေါင် နေရာတွေရယ်က ဟိုဟိုဒီဒီငေးတိုင်း တွေ့ရမယ့် ရှုခင်း။ အဲဒီလိုနေရာမျိုးကို ရွှေဥာဏ်တော်စူးရောက်ပြီး ဝန်ထမ်း မြို့တော် တည်လိုက်တာကလား။



တခါတလေ ဖုန်နီနီတွေက လေရှူတိုင်း ထိတွေ့ရတယ်။ ခုလိုနွေမှာ လေပြင်းပူပူတွေက ဟိုနေရာ ဒီနေရာ လေပွေလိုလို လေရူးလိုလိုနဲ့ သိပ်စိတ်ပျက်ဖို့ကောင်းတယ်။ တခါတလေ လေရူးနဲ့အတူ တောမီးတွေကလောင်တတ်သေးတယ် ။ မြို့ပြအရသာကို တစက်ကလေးမှ မခံစားရတဲ့ ရွှေမြို့တော် အမည်တပ်နေရာဆို မှန်တယ်။ပိတောက် မမြင်ရတဲ့ အဝါရောင်တွေမရှိတဲ့ ခံစားချက် အပြင်ဘက်က ဒီနေရာမှာ ဘဝအခြေအနေအရ ရုန်းကန်နေမိတာ ခုဆိုသုံးနှစ်ထဲဝင်နေပြီ။ သွေးသားရင်းခြာတွေနဲ့ အဝေးမှာ အသပြာ ခပ်ချာချာ အလုပ်ကို လက်လှမ်းလို့ မီလာတာနဲ့ ခပ်အေးအေးလေး လုပ်ကိုင်နေမိတယ်။ ဝေးတမြေမှာဆိုလို့ တိုင်းတပါးလို့ မထင်လိုက်ပါနဲ့။ မှားမယ်။ ရွှေမြို့တော်သစ်ဖြစ်တဲ့ ပြည်တွင်း တနေရာကို ရည်ရွယ်ချက်တွေ တပုံတပင်နဲ့ ဘဝကို စတင်ဖို့ ပြင်ဆင်လာခဲ့တာ ခုတော့ ကန္တရအလယ် အိုအေစစ် မတွေ့သူလို ရေရာတဲ့ ကဏ္ဍလဲ မရှိ၊ အဝင်ရှိပြီး အထွက်မရှိတဲ့ တံခါးပေါက်ဘေးမှာ ငုတ်တုတ်ထိုင်နေခဲ့ရတာ တော်တော် တရားကျနေမိတယ်။ ဘဝမှာ ဖြစ်ချင်တာတွေအတွက် အင်အားတွေ ထုတ်ခဲ့ အိပ်မက်တွေ တောက်ပနေတဲ့ အချိန်မှာ ဘဝကို ခါးဆစ် အလည်က ရိုက်ချိုး ခံလိုက်ရသလိုချည့်နဲ့ သွားခဲ့ရတာ ဒီပိတောက် မရှိတဲ့ လမ်းကို စလှမ်း ကတည်းကပါပဲ။ ရေသောက်တိုင်း ပိုငတ်တတ်တဲ့ ဘဝတော့ မဟုတ်ဘူး။ ရေကြည်တပေါက်ကို တမ်းတ ရှာဖွေနေမိတာကိုက မဟာအမှား၊ နေရာမှားပြီး လာရှာနေတာကိုးလို့ အပြစ်တင်ရင်လဲ ကိုယ့်အခြေနေအရ ရေနစ်တုန်း ကောက်ရိုး တစ်မျှင်အနေအထားနဲ့ ဒီနယ်မြေကို ရောက်လာတာ။



တခြား အခွင့်အလမ်း ဖမ်းဆုပ်လို့လဲမရဘူး။ လမ်းတွေ့နေတာက ဒီကန္တာရလမ်းလေးကို စိုပြေလာအောင် စွမ်းဆောင်မယ်ဟဲ့လို့တော့ ကြွေးကြော်ခဲ့တာတွေ၊ တောက်ပမယ့် သစ္စာတရားကို ရိုးသားစွာစောင့်သိမယ်ဟဲ့လို့လဲ ရည်ရွယ်ခဲ့တာတွေ၊ တထောင့်တနေရာကနေ သွေးချင်းတွေအတွက် ပေးဆပ်မယ်ဆိုတာတွေ အားလုံးအားလုံး ပျောက်ချင်းမလှ ပျောက်သွားခဲ့တာ ဒီပိတောက်ရှားတဲ့ရပ်ဝန်းထဲ ခြေချမိတယ်ဆိုရင်ပဲ…………။



ကာရံကော ရစ်သန်ကော ဟန်ချက်ပျက်ပြီး အသုံးမဝင်တဲ့ ကားအိုတစ်စီးလိုလို၊ တောဓလေ့ အသုံးနဲ့ပြောရရင် သားသတ်ရုံပို့ဖို့သာ အသုံးဝင်တော့တဲ့ နွားအိုလိုလို ကိုယ့်ဘဝကို လက်ညှိုးထိုးတတ်တဲ့ အသိုင်းအဝိုင်း၊ အမှန်တရားရဲ့ဆန့်ကျင်ဘက်နောက် ကမောက်ကမမာယာတွေနဲ့ မဆုံးသောလမ်းကို တွဲလျှောက်မလား၊ ရိုကျိုးသေဝပ်စွာ မာနခဝါချ၊ အငှားလူမိုက် လုပ်မလား၊ တဇွတ်ထိုးတယူသန်နဲ့ သေသပ်တဲ့အမိန့်တွေနောက် ကလန်ကဆန်လုပ်မလား ဒါတွေတွေးရင်း ချာချာလည်နေတုန်း ခုတော့တစ်နှစ်ဟောင်းလို့ တန်ခူးကာလ ပိတောက် အတာအခါသမယကို တဖန်ရောက်လာပြန်ပြီဆိုတော့ ပိတ်ရက်ရှည်ထဲ အမေ့အိမ်ကို တခေါက်ပြန်ရတော့မှာပါလားဆိုပြီး လေးတွဲ့တွဲ့ သက်ပြင်းပူကို မှုတ်ထုတ်မိတယ်။



ပြန်မယ်လို့သာတွေးနေရတယ် ပြန်ဖို့အတွက် လုပ်ရကိုင်ရမှာတွေက တသီတတန်းကြီးကို ပြန်စဉ်းစားလိုက်တိုင်း မောတယ် ဒေါသဖြစ်တယ်။ အဖြစ်က ဆိုးပုံပြောပြမယ်။ သင်္ကြန်ပိတ်ရက်ရှည်ထဲပြန်ဖို့က ဒီအရပ်က စိတ်သိပ်ပျက်ဖို့ကောင်းတယ်။ ပြန်မယ့်သူနဲ့ ရထားထွက်တဲ့ အစင်းအရေအတွက် အခေါက်ရေက မလောက်မငှ စတိုင်လ်နဲ့၊ ကားကလဲ ဈေးကြီးပေးဝယ်မယ်ဆိုရင်တောင် သင်္ကြန်ပိတ်ရက်မတိုင်ခင် နှစ်လလောက်ဆိုကုန်ပြီ။ အသိတွေ အဆက်အသွယ်တွေနဲ့ ဝယ်မှ အိုကေတဲ့ပုံနဲ့ ပရမ်းပတာအဖြစ်တွေကို ဂုဏ်တင်ပြောနေကြတာကလဲ နားထဲမဆန့်အောင်ကြားရတတ်တဲ့ အခါကြီးရက်ကြီးအချိန်……..။ ပြည်တွင်းမှာရှိတဲ့ တစ်မြို့နဲ့တစ်မြို့ ဆက်သွယ်ရေး ဆိုးတဲ့အထဲ မြို့တော်သစ်ကြီးဖြစ်တဲ့ ဒီနေရာက အတော်စိတ်ပျက်ဖို့ ကောင်းတယ်။ ဝယ်လိုအားနဲ့ ရောင်းလိုအား မမျှတဲ့အတွက် အိမ်ပြန်ဖို့ ပိတ်ရက်ရှည်အတွက် ရထား၊ ကားလက်မှတ်က အတော်လေးခက်တယ်။



“ ဒို့ကတော့ ဟိုမာစတာရဲ့ အကူအညီနဲ့ အိုကေတယ်။ ရှူး တိုးတိုးနော်။ အသိမို့လို့ ဒီလို လက်မှတ်ရအောင် လုပ်ပေးတာ နောက်ဆို ပြန်ဖို့ မလွယ်ဘူး” ဘာညာ ဘာညာပေါ့။ အဲလိုလေး။ အသက်ရှူချောင်ပြီး အိုကေတဲ့ ရထားကတော့ မစဉ်းစားနဲ့ အပ်ပါးဆိုတာဝေး၊ ရိုးရိုးခုံတောင်မရလို့ ခုံမဲ့နဲ့ ခြေကျင် မပြန်ရရုံတမယ် တိုးပိတ် ကြပ်သိပ်နေတာကို အတင်း တိုးဝှေ့စီးပြီး အတင်းအဖျင်းတွေ နားမဆန့်အောင် ကြားရမယ်………. လက်မှတ်က အလုအယက်ကြားထဲ ဝယ်ရတာမို့ ကိုယ်ကျတဲ့ရထားက မိုးမလင်းခင် ထွက်မယ်ဆိုလာထား မနက်လေးနာရီ လောက်ထပြီး နေထိုင်ရာအဆောင်ကနေ ပျဉ်းမနားမြို့ထဲမှာရှိတဲ့ ဘူတာရုံဆီကို သွားဖို့ လုံးပန်းရမယ်……..ရထားလက်မှတ်ခက ၅၀၀ နဲ့ ၁၀၀၀ကျပ် ကြားပဲကျတဲ့ ရထားကို ကိုယ်နေတဲ့ အဆောင်ကနေ တုတ်တုတ် လို့ခေါ်တဲ့ သုံးဘီးဆိုင်ကယ်ကို တစ်ထောင်ပေးစီးမလား၊ ဆိုင်ကယ်တက်စီကိုပဲ သုံးထောင် ပေးစီးမလား ကတိုက်ကရိုက် ပြေးပေတော့ပဲ။ ဒီကြားထဲ

ဘယ်ခရီးသည်တော့ ဆိုင်ကယ်သမားက ရိုက်နှက်လုယက် သွားပြန်ပြီစတဲ့ သတင်းဆိုးတွေကလဲ ကြားနေရပြန်တော့ ကွန်မန်ဒိုလို စိတ်ထားပြီး တက္ကစီသမား နောက်လိုက်ရတဲ့ ဒုက္ခကလည်း မသေး၊ ထမ်းပိုးထက် လက်ခကကြီးတဲ့ အိမ်တော်ပြန်ခရီးကို ရင်လေးစွာ တွေးနေမိတယ်။



အိမ်တော်ကလူတိုင်း ပြန်ချင်ကြပေမယ့် နှစ်ဆန်းတစ်ရက်နေ့မှာ ရုံးအရောက် ပြန်ရမယ့် ဒုက္ခကလည်း အတော်ကြီးသေးတယ်။ ကားလက်မှတ်က ကိုယ့်အရည်အချင်းနဲ့ ဝေလာဝေး။ ရထားလက်မှတ်ကလည်း ရထားရုံးချုပ်မှာ M.O နဲ့တကွ သွားတိုးရဦးမယ့်ဒုက္ခ၊ နောက်ညရထားမရှိပဲ နေ့ထွက်တဲ့ရထားကို မနက်အစောဆုံး ရထားနဲ့ကျလို့ကတော့ ကိုယ်နေတဲ့နေရာနဲ့ ဘူတာရုံက ညအိပ်စောင့်ရမယ့်အဖြစ်။ ရထားခထက် အိမ်ကနေဘူတာရုံကို လာမယ့်ကားခက ပိုမြောက်နေသေးတယ်။ နောက် မိန်းမသားဖြစ်တဲ့ ကျွန်မကို ရန်ကုန်မြို့စွန်မှာရှိတဲ့ အိမ်က ခြောက်ဆယ်ကျော် အဖေက ဘူတာကြီးကို မနက် အစောဆုံးထွက်မယ့် ရထားအမီ လိုက်ပို့ရတယ်လေ။ သူ့ခမျာ အိပ်ရေးပျက်၊ ပင်ပန်းတယ်။ ပြန်တွေးလိုက်တော့ အိမ်ကို မပြန်ဖြစ်တော့ပဲ ကျွန်မနေတဲ့အဆောင်နားက မိုးကုတ် တရားရိပ်သာမှာ ဆယ်ရက်တရားစခန်းဝင်ပြီး တစ်နှစ်လုံးလုပ်ခဲ့တဲ့ အကုသိုလ် အညစ်အကြေးတွေကို မစင်ကြယ်ရင်တောင် ဗုဒ္ဓတရားရိပ် ခိုလှုံခွင့်ရချိန်လေးမှာ ပွားများအားထုတ်မယ်လို့ ရည်သန်ပြီး ယောဂီစာရင်း ပေးလိုက်ပါတော့တယ်။ အိမ်ကလဲ ရုံးပိတ်ရက်ရှည်မှာ မပြန်ပဲ နေပြည်တော်မှာ တရားစခန်းဝင်မယ့်အကြောင်း ပြောတော့ သာဓုသုံးကြိမ်ခေါ်ပြီး ခွင့်ပြုခဲ့တယ်။



ဒီလိုနဲ့ သင်္ကြန်ရက်ရှည်ကြီးဆီ ဆိုက်ဆိုက်မြိုက်မြိုက် ရောက်လာတော့တာပေါ့။ ပြန်ဖို့အတွက် ကရိကထတွေများသူနဲ့၊ ဗျာပါဒများသူနဲ့ စည်စည်ညံနေတဲ့အချိန်မှာ ကိုယ့်ရည်ရွယ်ချက်နဲ့ကိုယ် တရားရိပ်သာကို အထုပ်လေးဆွဲပြီးဝင်ခဲ့တော့တယ်။ တရားရိပ်သာကို ဝင်တယ်ဆိုရင်ပဲ အေးမြတဲ့အရိပ်အာဝါသကိုခံစားလိုက်ရတယ်။ ဒါပေမယ့် ရိပ်သာထုံးစံအတိုင်း စာရင်းပေးထားသူတွေကို နေရာချတာ အတော်ကြာကြာ စောင့်နေရသေးတယ်။ ဒါပေမယ့် အိမ်ပြန်ဖို့ ရထားစီးရတာနဲ့စာရင် ဒါက မြတ်သေးတယ်လေ။ ခဏလေးကြာတော့ ကိုယ့်အတွက် သတ်မှတ်နေရာကို ရောက်တော့တယ်။ ပျဉ်ထောင်ဇရပ်လေး အပေါ်ထပ်မှာတဲ့။ ကြည့်လိုက်တော့ အမယ်အိုနှစ်ယောက်က ကိုယ့်ဘေးနားမှာ။ သူတို့က ကလေးမလေးဆိုတဲ့အကြည့်နဲ့ တချက်လှမ်းကြည့်ပြီး နှစ်ယောက်သားစကားတွေ ဖောင်ဖွဲ့နေကြတယ်။ စကားပြောနေလိုက်ကြတာ သူတို့ရဲ့သွားလေသူတွေကို တမ်းတမ်းတတနဲ့ နောက်ပြီး သားသမီးတွေအကြောင်း ပြောနေလိုက်ကြ ရယ်လိုက်ကြ တရားစကားလေး စွက်လိုက်ကြနဲ့ ငယ်ပေါင်းတွေဖြစ်ပုံရတယ်လေ။



ကျွန်မကိုတော့ ငဲ့ပြီး အသိအမှတ်ပြုရုံပေါ့။ အမယ်အိုနှစ်ယောက်က ဖွေးဖွေးလှုပ် ဆံနွယ်တွေကြား ဆေးလိပ်ခိုးငွေ့တွေ တလူလူနဲ့ပေါ့။ စကား ပြောပေါက်တွေကလဲ ဒီနယ်သားမှန်း သိသာတယ်။ ခဏနေကြာတော့ သားနှစ်ယောက်ဖြစ်ဟန်တူတဲ့ အမျိုးသားလူရွယ်နှစ်ယောက်ဟာ အမယ်အိုတွေဆီ ရောက်လာပြီး သူတို့ ပါလာတဲ့ စားဖွယ်ရာတွေကို ပေးပြီး ထိုင်ကန်တော့တယ်။ အမယ်အို နှစ်ယောက်ကလဲ ဆုတွေပေးပြီးတော့ပေါ့။ နောက်တော့ သားတစ်ယောက်က “အလုပ် သွားလိုက်အုံးမယ် အမေ”လို့ နှုတ်ဆက်ပြီး ပြန်သွားလေရဲ့။



ဒီလိုနဲ့ပဲ ကျွန်မဘေးနားက အမယ်အိုနှစ်ယောက်ကလဲ သူတို့ရဲ့ရှေ့ဟောင်းနှောင်းဖြစ်တွေ ပြောရင်း၊ ကျွန်မကိုလဲ အလာပသလာပပြောရင်းနဲ့ ခင်မင်ရင်းနှီး လာခဲ့တော့တယ်။ ငယ်ငယ်လေးနဲ့ ခုလိုတရားစခန်းဝင်ဖြစ်တဲ့ ကျွန်မကို သူတို့က အသိအမှတ်ပြုကြတယ်။ ကျွန်မကို ဘယ်ဌာနကလဲ ဘာလုပ်ရတာလဲ စသဖြင့်မေးမြန်းကြသေးတယ်။ “အိမ်မပြန်ပဲ တရားစခန်းဝင်တာ ကုသိုလ်ရတာပေါ့။ ခုလိုလူငယ်တွေ ဘာသာတရား ကိုင်းရှိုင်းတာကိုလဲ ကြည်နူးမိတယ်”ဆိုပြီး ချီးမွမ်းနေကြလေရဲ့။ ဆယ်ရက်စခန်းပွဲ အစနေ့တွေမှာတော့ ဟောတရားနာလိုက် ရှုမှတ်ပွားလိုက်နဲ့ နေသားတကျပါပဲ။ ဝန်ထမ်းအများဆုံးပါတဲ့ ယောဂီတွေကြားမှာ နယ်ခံရွာခံ အမယ်အိုတွေကတော့ အတော်လေး အနေကျုံ့နေရရှာ တာတွေ့ရသေး။ ဆယ်ရက်ပြည့်တဲ့နေ့မှာတော့ ရေစက်ချတရားနာပြီး စခန်းသိမ်းပွဲလုပ်တော့ ကိုယ်တို့အားလုံးလဲ ကိုယ့်နေရာကိုယ်ပြန်ဖို့ လုံးပန်းရတော့တာပေါ့.။ နှစ်ဆန်းတစ်ရက်နေ့ဆိုတော့ နောက်နေ့ ရုံးတက်ရမှာမို့ နေ့လည်ဆွမ်းစားပြီးတဲ့အချိန် ဆရာတော် ဘုရားကို ခွင့်ပန်ကန်တော့ပြီး ပြန်ဖို့လုပ်ရတော့တာပေါ့။



ပစ္စည်းတွေသိမ်းနေရင်း ဘေးနားက အမယ်အိုနှစ်ယောက်က ဆေးပြင်းလိပ်လေး ဖွာရှိုက်ရင်းက “အင်း….ပြန်ကြတော့မှာပေါ့လေ….ဒို့များတော့ အသက်ရှင်သခိုက်လေး အားထုတ်လိုက်အုံးမလို့ နေရစ်ခဲ့မယ်ဟေ့……”လို့ ပြောနေတယ်။ နောက် ကျွန်မကို ကြည့်ရင်း “ကလေးက ဘယ်ရုံးကလဲ” လို့မေးတော့ ကျွန်မက ကိုယ့်ဝန်ကြီးဌာန နာမည်ကို ပြန်ဖြေရတယ်။



နောက်တော့ ခေါင်းတညိတ်ညိတ်နဲ့ “အင်း….ကလေးတို့ရုံးတွေ မဆောက်ခင်၊ မရောက်ခင်တုန်းကတော့ ဒို့များရွာက သိပ်သာယာ သပေါ့၊ ဒို့ဝိုင်းကလဲအကျယ်ကြီး ကိုင်းတွေကလဲများတယ်၊ အိမ်ကအဘိုးကြီးက သူကြီးလေ ဘုရားဒကာကျောင်းဒကာပေါ့၊ အရင်တုန်းက ဒီတောရကျောင်းလေးကို ငါတို့တွေပဲ ပစ္စည်းလေးပါး ထောက်ပံ့ခဲ့ရတာ၊ ကုသိုလ်တွေ မနည်းခဲ့ဘူး၊ ခုတော့ အဲဒီကိုင်းတွေအကုန်လုံး ကလေးတို့နေဖို့ အဆောင်တွေ၊ ရုံးတွေဆောက်ဖို့သိမ်းလိုက်ပြီ၊ ကိုင်းတွေကုန်ပြီ၊ အိမ်ဝိုင်းလဲပေ ၄၀-၆၀ အဝိုင်းတွေချပေးတဲ့ နေရာမှာ အိမ်ဆောက်နေရတယ်၊ ချွေးနဲစာနဲ့ လက်ကျန် အတွင်းပစ္စည်းလေးတွေကို ထုခွဲရောင်းချပြီး ဆောက်ရတာကလား၊ အိမ်က သေးသေးရယ်ပဲ၊ ဘာဆက်လုပ်ရမှန်းလဲမသိပါဘူး…….” ဆိုတော့ ကျွန်မ အတော်ခံစားသွားရတယ်။



မနေနိုင်တဲ့အဆုံး ကျွန်မက “ဒါဆို အဘွားတို့ လျော်ကြေးရမှာပေါ့ ဘယ်လောက်ပေးလဲ” ဆိုတော့ “တစ်ဧက နှစ်သိန်းတဲ့ ၊ ဒို့များမြေကအများကြီးလေ ဆယ်ဧကကျော်တယ်။ နောက်ထပ် သိမ်းတဲ့အထဲမှာပါသွားတာလေ၊ ခုလုပ်နေတဲ့ တည်းခိုရိပ်သာတွေနားကပေါ့၊ လျော်ကြေးကလဲ ပေးမယ်ပေးမယ်နဲ့ ခုထိတော့မရသေးဘူး၊ စိုက်စားဖို့မြေလဲမကျန်တော့ဘူး”လို့ ရီဝေဝေမျက်လုံးတွေနဲ့ ငေးပြောပြောတယ်။



ကျွန်မက “သူများတွေကော လျော်ကြေးအပြည့်ရကြလား၊ အဘွားက ဆိုင်ရာကိုသွားပြောပေါ့၊ တစ်ဧကနှစ်သိန်းက နည်းနည်းလေးရယ်၊ ဒါကိုတောင် ချက်ချင်းမပေးတာ၊ သားသမီးတွေက ခုဘာတွေလုပ်စားကြလဲ”လို့ မေးတော့ အဘွားအိုက “အို ကလေးရယ် အများပဲဟာ ဒို့တဦးတည်း မရတာမှမဟုတ်တာ အားလုံးခံကြရတာပဲ ဝဋ်ကြွေးလို့ပဲ သဘောထားတယ်။ ဘယ်ကိုသွားပြောရမှာလဲကွယ်။ သားသမီးတွေအရင်က ကိုင်းစိုက်ယာစိုက်ပေါ့၊ ခုတော့ သားတွေက “ဘာဆက်လုပ်ရမှန်းလဲ မသိတော့ဘူးအမေရယ် ဈေးပဲရောင်းတတ်တာ”ဆိုပြီး ဟင်းရွက်စိမ်းလေးတွေရောင်းတယ် ပန်းရံတွေလဲလိုက်လုပ်တယ် ခုတော့ဆိုက်တွေ တော်တော် နည်းသွားပြီ လမ်းပြင်တာလောက်ကလဲ လူလိုမှ အလုအယက်လိုက်လုပ်ရတာ။ လူပြည့်ပြီဆို အလုပ်ကမရတော့ဘူး၊ သမီးတွေက ပန်းရံလုပ် ကုန်စိမ်းရောင်း၊ သားတွေက ဆိုင်ကယ်တက်စီဆွဲဖို့လဲ ပိုက်ဆံကမရှိ ဆိုတော့ ကျပန်းတွေလုပ် စည်ပင်သာယာမှာ နေ့စားဆိုလားလုပ်တယ်၊ နေ့စားအလုပ်က တခါတလေမှ လုပ်ရတာ၊ ဒီကြားထဲ ကုန်စိမ်းရောင်းတယ်၊ ဈေးရောင်းတာကလဲ မလွယ်ဘူး၊ ဆိုင်ခန်းမရှိတော့ သတ်မှတ်တဲ့ ဈေးကောက်ပေးမှ ရောင်းရတာ၊ ဈေးကောက်နဲ့ မလွယ်ဘူး။ ဝန်ထမ်းအိမ်ရာတွေထဲလဲ လှည့်ရောင်းတာ မိရင်ဖမ်းတယ်တဲ့။ အိမ်း…. ဒို့လဲ ဘာတွေ လုပ်ကိုင်စားသောက်ပြီး အသက်ဆက်ရအုံးမလဲ မသိဘူးအေ၊ သေခါနီးနေတဲ့ ငါတို့ကအရေးမကြီးပေမယ့် သားသမီးတွေက ခုမှဘဝ စကြတုန်း သူတို့ရှေ့ရေး ရင်လေးတယ်အေ” လို့ပြောလေရဲ့။



စိတ်ကူးတည့်ရာ အသစ်တစ်ခုရဖို့ စတေးပေးရတဲ့သူတွေရဲ့ လည်ချောင်းသွေးတွေကို အာမခံချက် မပေးနိုင်တဲ့ အဖြစ်အတွက် နားရည်ဝနေတဲ့ သံစဉ်ခပ်ပဲ့ပဲ့တစ်ခုကို ပြန်ကြားနေရသလို မချိတင်ကဲ ဖြစ်နေရတယ်။ ကျွန်မလဲစိတ်မကောင်းဘူး၊ အခြေအနေတွေကို နားလည်ပေးထားရတာကိုပေါ့။ အဘွားအိုပြောတဲ့ ဝဋ်ကြွေးနဲ့ ပတ်သက်တာကိုလဲ ဆန်းစစ်နေမိပြန်တယ်။



အတွေးတစ်ခုရတာနဲ့ ကျွန်မက “အဘွားတို့ တခြားရပ်ရွာမှာ အမျိုးဆွေမရှိဘူးလားဟင်” လို့မေးတော့ “ဘယ်……မရှိဘူးအေ့ ကျုပ်တို့က ဒီမှာမွေး ဒီမှာကြီးတရွာလုံးက အမျိုးချည့်နေတာ ခုတော့တမျိုးလုံး ဒုက္ခရောက်တာ ဆိုတော့ ဘယ်သူ့ကယ်ခိုင်းရမလဲ” ဆိုပြီး ငေးရီရီမျက်လုံးတွေက မျက်ရည်လဲ့နေတာကို ကျွန်မတွေ့လိုက်ရတော့ တော်တော် စိတ်ထဲထိခိုက်လာရတယ်။



ဆေးလိပ်ကို တစ်ချက် ဖွာရှိုက်လိုက်ရင်းက အဘွားအိုက “ဒီလိုအချိန်ဆို အရင်တုန်းက တရွာလုံး ရှင်ပြုမင်္ဂလာနဲ့ ခြိမ့်ခြိမ့်သဲပေါ့အေ……ခုတော့ စားဖို့တောင် မနည်း ရှာကြံနေရတာ ဆိုတော့ မလုပ်နိုင်ကြတော့ဘူးလေ ငါတို့လိုလူအိုတွေအတွက် သူတို့တွေ မနည်းရှာဖွေပေးနေရတာ၊ ကလေးတွေက သိတတ်လို့ နောက်မဟုတ်ရင် ခွက်ဆွဲရမယ်……အိမ်း ကလေးတွေလဲ ကျန်းမာချမ်းသာကြပါစေလို့ အမြဲဆုတောင်းပေးနေမိတယ် ခုတရားစခန်းဝင်တော့လဲ ဆရာတော်ဘုရားက ဝန်ထမ်းတွေကို ဦးစားပေးရတော့တာပေါ့။ သူ့ကို ပစ္စည်းလေးပါးလှူတဲ့ ဒကာတွေ ဒကာမတွေကိုတော့ ကျေးဇူးပြုရတော့ ငါတို့မလဲ ဘေးရောက်နေရပြီ ခုလိုအချိန်တရား အားထုတ်စရာက ဒီကျောင်းလေးရှိတာကိုး ငါတို့ကတော့ ကျောတခင်းစာ အတော်ရှာရတာနော့ တရားအားထုတ်ချင်လို့သာ လာခဲ့ရရှာတာ ခုဆိုအိမ်မှာ ငါ့မြစ်ပေါက်စလေးတွေဆို အထိန်းအကွပ်မရှိနဲ့ ကျောင်းလဲ မထားနိုင်ဘူးလေ စားဖို့ကို တစ်အိမ်လုံးထွက်ရှာနေရသကိုး ငါမရှိတော့ အဲမြစ်ကလေးတွေလဲ ထိန်းတဲ့သူ မရှိဖြစ်နေတော့တာ မတတ်နိုင်ဘူးလေ၊ ရသခိုက်လေး ကိုယ့်အတွက် လုပ်ရဦးမှာမို့ မျက်စိမှိတ်လာခဲ့တာ…..” လို့ ဆက်ပြောနေတယ်။



ကျွန်မလဲ အားပေးနှစ်သိမ့်ပေးစရာ စကားစရှာနေမိပေမယ့် လည်ချောင်းတောင် ခြောက်နေတဲ့ အဖြစ်နဲ့မို့ အပြန်ခရီးအတွက် အသက်ကြီးသူတွေအားလုံးကို ဦးချကန်တော့ပြီး ပြန်လာရတော့တယ်။ လမ်းမှာလဲ ပိတောက်ပင်တွေမရှာမိတော့ဘူး။ နေကလဲ ပိုပူပြင်းနေသလိုပဲ..။ လက်ပြကျန်ရစ်ခဲ့တဲ့ အဘွားအိုမျက်နှာကိုပြေးမြင်နေမိတယ်………..။ နေတော်တော် ပူနေတယ်….။



အဆောင်ပြန်ရောက်တော့  ဝမ်းစာအတွက် မြို့မဈေးအပြေးသွားမိတယ်။ ကားပေါ်မှာ အမယ်အိုတစ်ယောက် ခြင်းတောင်းစုတ်လေး တစ်လုံးနဲ့ရယ်။ လက်ထဲမှာ တစ်ထောင်တန်လေး တစ်ရွက်နဲ့။ ဈေးတောင်းလေးအသာချပြီး ကားကြမ်းခင်းမှာထိုင်ပြီးမှိန်းနေတယ်။ ကြည့်ရတာဒီလိုကားတွေနဲ့ ခရီးမသွားဘူးတဲ့ပုံနဲ့  အန်ထားပုံရတယ်။ သူလဲ ဟိုအဘွားအိုတို့လို ဘဝတူတွေလား။ သားသမီးမရှိတော့ ရုန်းကန်နေရပုံရတယ်။



ဈေးရောက်တော့ ဟင်းရွက်သည်က အတော်လေးနည်းနေပြီ။ မိုးချုပ်စပြုနေပြီ။ လမ်းဘေးပလက်ဖောင်းမှာ ဟိုယောင်ဒီယောင်လုပ်နေတဲ့ ခပ်ငယ်ငယ်မိန်းကလေးသုံးယောက်လောက်က ကျင့်သားမရသေးတဲ့ ဟန်ပန် တစ်ခုကို မျက်နှာပြင်မှာ နေရာပေးထားတယ်။ ပါးမှာလဲ တတ်သလောက် မှတ်သလောက် ခြယ်သထားဟန်နဲ့ ဟန်ပန်မကျဖြစ်နေတယ်။ သူမတို့ မျက်ဝန်းတွေက တစုံတရာကို ဝမ်းစာအတွက်ရှာနေဟန်နဲ့ ဘဝတစ်ခုအပေါ် သစ္စာရှိစွာ ရုန်းကန်ဖို့ အသင့်အနေအထားတွေနဲ့။



ဆိုင်ကယ် တက်စီသမားတွေကလဲ မျက်ဝန်းချင်း ဆုံလိုက်တာနဲ့ ဘယ်သွားမလို့လဲဆိုပြီး အလုအယက် ဈေးခေါ်ကြတယ်။ ဝမ်းစာအတွက်ကိုး။ အားလုံးကို ခြုံကြည့်တော့ ကျွန်မ ဒီနယ်မြေမှာ နေထိုင် လုပ်ကိုင်နေရတာကို မသတီဖြစ်လာတယ်။ မျက်ရည်ပေါက်ကြီးငယ် ကျထားတဲ့ နေရာအလုပ်အကိုင် အသိုက်အမြုံတွေ ပျက်စီးပြီးမှ ဖြစ်လာတဲ့ အဆောက်အဦးတွေကို ကြည့်ရင်း ရင်မှာ နာကျင်နေမိတယ်။ သူတို့သဘာဝ သူတို့ အိုးအိမ်လေးတွေ ပျောက်၊ ကံအကြောင်းမလှတဲ့ အခြေအမြစ်မရှိတဲ့ သူတွေအဖြစ် ဘဝပြောင်းပြီး မြို့တော်အင်္ဂါရပ်နဲ့ မညီညွတ်တဲ့ မလိုလားအပ်တဲ့ အာမခံချက်မရှိတဲ့ ဘဝတွေကို မျက်နှာလွှဲခဲပစ် လုပ်ပြီး ကိုယ့်ဝမ်းစာအတွက် ရှာကြံနေကြတဲ့ အသိုင်းအဝိုင်းကိုလဲ တော်တော်လေး စက်ဆုပ်မိနေတယ်။



ပိတောက်တွေလဲ မမြင်တဲ့ ဒီသင်္ကြန်ကတော့ ပြီးသွားခဲ့ပေမယ့် ကျွန်မကတော့ သင်္ကြန်ချိန်ခါရောက်တိုင်း အဲဒီနှစ်တုန်းက တရားစခန်းမှာ ဆုံခဲ့ကြားခဲ့ခံစားခဲ့ရတဲ့ အရာအားလုံးဟာတော့ ရင်ထဲစွဲကျန် နေရစ်တော့တယ်လေ။ သင်္ကြန်နဲ့ ပိတောက် ခွဲမရသလို၊ ပိတောက်မြင်တိုင်း ကျွန်မ ရင်ထဲ နှလုံးသားထဲမှာ ကာရံမလှတဲ့ ဘဝများစွာအတွက် အိပ်မက်ဆိုးလို တစ္ဆေခြောက်ခံနေရတာ ခုချိန်ထိပါပဲ။



ရပ်ဝေးမြေခြားမဟုတ်တဲ့ ကိုယ့်အမိမြေရဲ့ အထင်ကရနေရာ အသစ်တစ်ခုမှာ ဖြစ်ပျက်ကြုံတွေ့ကြရတဲ့ အမှန်တရားတွေဟာ မင်ရည်ဖြူဖြူနဲ့ ရေးထားတဲ့ စက္ကူဖြူစာတမ်း တော့မဟုတ်ဘူး။ ပုံပြင်လို့လဲ ပြောမထွက်ပါဘူးနော်။ စက္ကန့်မလပ်မရိုးနိုင်တဲ့ မျက်ရည်စတွေကို ခြေနဲ့ နင်းကန်လိုက်ပုံတွေကလဲ သိုသိုသိပ်သိပ်ပါပဲ……….။ “အများပဲလေ……။ အများပဲ……။ တစ်ယောက်ထဲ မဟုတ်ဘူးလေ……။ ဝဋ်ပေါ့……” ဆိုတဲ့ အသံက ပဲ့တင်ထပ်နေတယ်။ ဒုက္ခဆိုတာ ပေါ်ပေါ်ထင်ထင် တွေ့ရမှ လူသိတတ်ကြပေမယ့် ဒီလို လူမသိသူမသိတဲ့ ဘဝဆိုးတွေနဲ့ ဒုက္ခသည်တွေကို ဘယ်လို ကိုယ်ချင်းစာစိတ်နဲ့ ကူညီနိုင်ကြမလဲ ဆိုတာ ကျွန်မ ဝေခွဲမရပါဘူး။ အများပဲလေ ဆိုတဲ့ အမယ်အိုရဲ့ စကားကလဲ နားထဲ ပဲ့တင်ထပ်နေဆဲပါ……………။



ငွေအတွက် ဘဝပျက်နေရသူတွေ၊ ဘဝမပျက်သင့်ပဲ ပျက်နေရသူတွေ၊ ပညာတတ်ပေမယ့် အလုပ်လက်မဲ့ ဖြစ်နေရသူတွေ၊ အလုပ်ရှိပေမယ့် စားမလောက်၊ သောက်မလောက်ဘဝနဲ့ အကြွေး ပတ်လည်ဝိုင်းနေသူတွေ၊ ဘဝတွေအတွက် ကိုယ့်ဘဝကို ရောင်းစားခံထားကြရသူတွေ၊ အမြတ်ထုတ်ခံနေရသူတွေ၊ အာမခံချက်မရှိတဲ့ ပြည့်စုံခြင်းတွေကြား လုံးပါးပါးနေကြရသူတွေ… …….။



မျက်ကန်းတစ္ဆေ မကြောက်တော့သလို အဖြစ်ဆိုးကို သဘောတွေ့နေရသူတွေ၊ မချစ်သော်လည်း အောင့်ကာနမ်းနေရသူတွေ၊ နားလှည့်ပါးရိုက် ခံနေရသူတွေ၊ သကာလောင်းထားတဲ့ ပုံရိပ်ယောင်အပေါ် အတ္တတွေနဲ့ ခယနေကြသူတွေ…………သေချာတွေးလိုက်တော့  အားလုံး ဒုက္ခသည်တွေ ပါလားလို့လေ။ ကိုယ့်ကိုကိုယ်ရော မိတ်ဆွေတို့ ဘယ်လို သတ်မှတ်ပါသလဲ…..။ အာမခံချက်ရှိတဲ့ နိုင်ငံသားတွေ အဖြစ်လား။ ဒီလို သင်္ကြန်ခါထဲ ရောက်ပြီဆိုရင်ဖြင့် ၂၀၀၈ခုနှစ် သင်္ကြန်ပိတ်ရက်ရှည်က ကျွန်မ ကြားခဲ့ခံစားခဲ့ရတာတွေကို တစ္ဆေခြောက်သလို ပြန်ပြောင်းခံစားနေရပါပြီ……..။ မိတ်ဆွေတို့အားလုံးလဲ ဒီလို ဒုက္ခသည်တွေအတွက် နည်းလမ်းလေးများရှိရင် ဝေမျှပေးကြပါလို့………။



(မှတ်ချက်။ ၂၀၀၈ခုနှစ် သင်္ကြန်တွင်း နေပြည်တော်တွင် ကြုံတွေ့ခဲ့ရသော ကိုယ်တွေ့ခံစားချက် တစ်ခုအား မျှဝေခြင်းဖြစ်ပါသည်။)



ညနေဥာဏ်
---------------------

သင်္ကြန်နားနီးတိုင်း ကျွန်မရဲ့ 2008ခုနှစ်အတာသင်္ကြန်ရက်များဆီက ကြုံတွေခံစားခဲ့ရတဲ့ အကြောင်းအရာလေးတွေဟာ ပိတောက်ရနံ့နဲ့အတူ ကျွန်မနှလုံးသားတည့်တည့်ကို ထပ်မံထိုးနှက်လာတော့တယ်... သံလွင်အိပ်မက်မှာပါဖူးတဲ့ ပိတောက်တစ္ဆေကို ထပ်မံခံစားပေးကြပါစို့နော်...

Monday, June 18, 2012

Saturday, April 07, 2012

ဧပြီရဲ့ဧဒင်ဥယျာဉ်


အပြုံးချိုချိုတွေနဲ့ဘဝကိုအေးချမ်းအေးဆေးစွာဖြတ်သန်းချင်တဲ့သူအဖြစ်
ကျွန်မသူ့ကိုစတင်သိကျွမ်းခဲ့ရတယ်...

နုငယ်တဲ့အတွေ့အသိတွေနဲ့ဘဝကိုဖြူစင်စွာလျှောက်လှမ်းနေရင်းပျော်ရွှင်
ရမယ့်ဧဒင်ဥယျာဉ်ကိုသူရှာဖွေနေခဲ့တယ်...

အရမ်းသိမ်မွေ့တဲ့ခံစားချက်တွေနဲ့သူကအရာတိုင်းကိုနားလည်ပေးထား
သေးတယ်...

ချစ်စဖွယ်အပြုံးတွေရဲ့နောက်ကွယ်မှာသူ့ဘဝအမောတွေကလဲကဗျာဆန်
ဆန်နဲ့ရသပေါင်းစုံပါဝင်နေပြန်တယ်...

အရိုးသားဆုံးရင်ခုန်သံတွေနဲ့သူဟာအမြဲတမ်းပေါ့ပါးလန်းဆန်းအောင်
ကြိုးစားနေသူအဖြစ်ခံစားမိသေးတယ်။
ပွင့်လင်းတဲ့ရင်ခုန်သံတေးသွားတခုကိုလဲသူဆိုညည်းခွင့်ရမလိုဖြစ်ခဲ့
သေးတယ်။

အဲဒီအချိန်တုန်းကသူဟာရင်နဲ့အမျှချစ်ခြင်းတရားဆိုတဲ့အရာကိုလန်း
ဆန်းစွာလက်ခံခဲ့တယ်...သူပျော်နေခဲ့တယ်ပေါ့....

အပျော်တွေရဲ့ နောက်ပါးမှာ မလွန်ဆန်နိုင်တဲ့ အဆိုးရွားဆုံး အိပ်မက်
တခုကသူ့ကိုအပျော်ကမ္ဘာထဲကဆွဲထုတ်သွားမယ်လို့သူထင်မှတ်ထားပုံ
မရခဲ့ပါဘူး...

ဗြုန်း ဆိုခံစားလိုက်ရတော့လဲ သူ့မှာရင်ဖွင့်ဖော်အဖြစ်အနားကခင်မင်
ရသူတွေကိုမောင်နှမသဖွယ်မျှဝေခံစားစေခဲ့သေးတယ်...

အဲဒီတုန်းကသူ့မျက်ဝန်းမှာအရည်ကြည်တချို့လတ်ဆတ်နေခဲ့တယ်
လေ...

သူပြောသမျှတွေဟာ အရမ်းသိမ်မွေ့စွာခံစားပြီးယုံကြည်ချက်အပြည့်နဲ့
မျှော်လင့်နေတဲ့အိပ်မက်ဖြစ်တဲ့ဧဒင်ဥယျာဉ်ကိုအတူသွားဖို့အဖော်တ
ယောက်အဖြစ်ပိုင်ဆိုင်ခွင့်ရချင်ပုံပါ...

အမှားတွေကိုရုတ်သိမ်းဖို့ခွင့်ပြုတယ်ရင်ခွင်မှာခိုးနားဖို့အလွမ်းအမောနဲ့
အကျည်းတန်တဲ့အိပ်မက်တွေကိုနှစ်သိမ့်ခွင့်လွှတ်တယ်လို့သူပြောခဲ့တယ်...

သူ့ရင်ထဲကအကြင်နာတွေဟာမေတ္တာထုသိပ်သည်းဆကြီးမားကြောင်း
ခံစားမိသေးတယ်....

ဒါပေမယ့် မေ့ပစ်လိုက်တော့ ဆိုတဲ့အားလုံးရဲ့နှစ်သိမ့်မှုအလည်မှာသူမချိ
မဆန့်ခံစားခဲ့ရသေးတယ်...

ဖြူစင်တဲ့စိတ်ထားကတော့သူ့ကိုအိပ်မက်ဆိုးကလွတ်မြောက်အောင်ဖန်တီး
ပေးခဲ့ပြန်တယ်...

အဲဒီအခါသူဟာပျော်ရွှင်တဲ့အပြုံးတွေနဲ့လက်တွဲဖော်ကိုဧဒင်ဥယျာဉ်ထဲ
အရောက်ခေါ်ဖို့ကြိုးစားခဲ့တော့တယ်...

ဘဝဆိုတဲ့နာမဟာသိပ်ခက်ခဲတယ်လို့ယူဆရပေမယ့်ယုံကြည်မှုတွေကို
ရိုးရိုးသားသားပိုင်ဆိုင်ချင်တဲ့အခါမှာတော့အခက်ခဲအားလုံးဟာတချို့တ
လေလောက်သာကာလအကန့်အသတ်တခုလောက်သာလွှမ်းမိုးနေနိုင်
တော့တာကို သူလက်တွေ့ခံစားလိုက်ရတယ်...

သူ့အိပ်မက်တွေအောင်မြင်စွာအကောင်အထည်ဖော်နိုင်ခဲ့တယ်..
ဧပြီနွေရဲ့နေ့တနေ့မှာပေါ့...

သူဟာသူ့ဘဝလက်တွဲဖော်နဲ့အတူဧဒင်ဥယျာဉ်ကပန်းသီးလေးကို
ချိုမြိန်စွာစားသုံးခွင့်ရနေပြီလေ.......

သူအဲဒီနေ့ကရင်ခုန်နေတယ်...
ဟန်ပန်အမူအရာတွေအားလုံးဟာလဲအောင်မြင်မှုလက်တကမ်းအလို
မှာရောက်နေတဲ့ဟန်နဲ့စိုးရ်ိမ်စိတ်တွေလွှမ်းနေတာကိုလဲခံစားခဲ့ရတယ်...

ဒါပေမယ့်သူအောင်မြင်ခဲ့ပါတယ် ကျန်ရှိတဲ့သူ့ဘဝခရီးမှာလဲအောင်မြင်မှု
တွေရရှိအောင်သူစွမ်းဆောင်နေအုံးမှာပါ....

သူ့စွမ်းဆောင်ချက်တွေအားလုံးမှာတော့ချစ်ခင်ကြင်နာသနားတတ်တဲ့
သိမ်မွေ့တဲ့ဖြူစင်ရိုးသားတဲ့သူ့စိတ်ထားလေးကခေါင်းဆောင်ခြယ်လှယ်
နေအုံးမှာကိုကျွန်မယုံကြည်နေမိပါတယ်.......

(၄ရက်၎လ၂၀၀၉ကကျင်းပခဲ့တဲ့မောင်လေးစောဗညားရဲ့မင်္ဂလာပွဲအမှတ်တရ)


Sunday, March 11, 2012

တစ်ချိန်က မိုး... တစ်ခါက မိုး... အတိတ်က မိုး... ဒီနေ့မိုး



တစ်ချိန်က မိုး..

ကျွန်မ သိတတ်စ အရွယ်ငယ်လေးကတည်းက မိုးကို အရမ်းချစ်တယ်... ကောင်းကင်ကြီးကို မော့ကြည့် လိုက်တုန်း မည်းမှောင်တဲ့ တိမ်လိပ်တွေ ဟိုတစ ဒီတစကနေ စုစုပြီး အုံခဲလာပြီဆိုရင်... နေလုံးပျောက်ပြီး မိုးကြိုးတွေပစ် လျှပ်စီးတွေလက်လာပြီဆိုရင် ကျွန်မရင်ထဲ သိမ့်သိမ့်တုန်သွားတတ်ပေမယ့် မိုးစက်လေးတွေ တဖောက်ဖောက်ကျလာပြီဆိုရင်တော့ ကျွန်မက အိမ်တံစက်မြိတ်ကနေ မိုးရေတွေ မြေပြင်လေးပေါ် ခုန်ပေါက်ကျလာတာကို အိမ်ရှေ့ကြမ်းခင်းပေါ်မှာ ဝမ်းလျားလေးမှောက် မေးလေးထောက်ကာ စောင့်ကြည့်နေ တတ်တယ်။ တစ်ခါတလေ မေမေမသိအောင် အိမ်တံစက်မြိတ်က ကျလာတတ်တဲ့ မိုးရေတွေကို အိမ်ရှေ့ပြတင်းပေါက်ကနေ လက်ဖဝါးလေးဖြန့်ကာ မိုးရေခံတတ်တဲ့ အကျင့်ကလည်း ရှိတတ်တယ်။ အဲဒါနဲ့အတူ ကျောင်းသွားချိန်မှာ မိုးကာလေးဝတ် ထီးကလေးဆောင်းပြီး မိုးတွင်းများ ကျောင်းသွားရ ချိန်ရောက်ရင်တော့ ဘယ်ပြောကောင်းပါ့မလဲ... လမ်းမှာတွေ့သမျှရေအိုင်တွေထဲကရေတွေကို မိုးစီးလည်ရှည် ဖိနပ်လေးထဲ ခြေထောက်ကလေးတွေကို စောင်းပြီး ခပ်ခပ်ထည့်တတ်တာ။ ရေတွေအပြည့်နဲ့ မိုးစီးရော်ဘာ ဖိနပ်လေးကို မနိုင့်တနိုင်စီးရင်း ပြေးရတဲ့အရသာကိုလည်း အရမ်းနှစ်သက်တာလေ။

တစ်ခါက မိုး...
ကျွန်မရင်ထဲ အမှတ်ရစရာတွေ များလာတဲ့ တစ်ချိန်တစ်ခါ ဆယ်ကျော်သက်အရွယ်က မိုးနေ့များစွာကိုလည်း အမှတ်တရပါပဲ... ကျောက်ခဲကြမ်းတွေခင်းထားတဲ့ အာရှလမ်းမကြီးဖြစ်မလာသေးတဲ့ မော်လမြိုင်မြို့ပြင်က လမ်းမကြီးရဲ့ဘေးမှာရှိတဲ့အလယ်တန်းကျောင်းမှာ ကျောင်းတက်ခဲ့တုန်းကပေါ့...ကျွန်မလေ... ကျောင်းက ကျောင်းသားကျောင်းသူအချို့နဲ့အတူ ကျောင်းသွားကျောင်းပြန် လိုင်းကားမရတတ်တဲ့နေ့တွေမှာမိုးသည်းသည်းထဲ နှစ်ဆင့်ချိုးခိုတံဆိပ်ထီးမည်းလေးအားကိုးနဲ့အိမ်ကိုလမ်းလျှောက်ပြန်ဖြစ်ခဲ့တဲ့ နေ့တွေ.... ကျောက်ခဲကြမ်းခင်းထားတဲ့ စိုစွတ်စွတ်လမ်းမကြီးဘေးက ရေအိုင်ကြည်ကြည်တွေထဲ ခြေလှမ်းတွေခပ်ကြမ်းကြမ်းနင်းရင်း ကျောင်းလွှတ်လို့ ပြေးထွက်လာကြတဲ့
ကျောင်းသားကျောင်းသူတွေအားလုံးထက် ကျွန်မက ရှေ့ပိုရောက်အောင် ခပ်သွက်သွက်လျှောက်တတ်ခဲ့တဲ့နေ့ တွေ... တခါတခါ မနက်စောစောထမိတဲ့အကြိမ်တွေနဲ့ တိုးလို့ လိုင်းကားနဲ့ကျောင်းသွားခွင့်ကြုံတဲ့အခါ မနက်စောစော လိုင်းကားပေါ်မှာ ကျွန်မနဲ့ ကျောင်းသားတယောက် က အတူတူ ကားစီးဖြစ်ကြမြဲ... သူနဲ့ကျွန်မက ကျောင်းမှာ အတန်းလည်းအတူတူ... အတန်းထဲမှာ သန့်ရှင်းရေးလုပ်ဖို့ အသင်းလေးသင်းဖွဲ့ထားတဲ့အထဲက အဝါအသင်းထဲမှာလည်းအတူတူဖြစ်ခဲ့တာ... အဝါအသင်းခေါင်းဆောင်ဖြစ်တဲ့ သူက ကျွန်မကို သန့်ရှင်းရေးလုပ်ဖို့ တခါမှ အမိန့်မပေးခဲ့ဖူးတာ... အထက်တန်းကျောင်းပြောင်းတော့ ကျွန်မတို့ ဖေဖေအလုပ်ကပေးတဲ့ ကျောင်းကားကို သူက ကျွန်မတို့နဲ့အတူ တစ်နှစ်လောက် လိုက်စီးခဲ့တာတွေကို တစ်ခါက မိုးနဲ့အတူ အမှတ်ရဆဲပါ.... ကျွန်မလေ အဲဒီတုန်းက ကျောင်းကားပေါ်မှာ မိုးသည်းသည်းကိုငေးရင်း တစုံတရာကို ဥပေက္ခာပြုခဲ့ရတာ ကိုလည်း တွေးမိတိုင်း ကျေနပ်ဝမ်းသာနေတုန်းပဲ....

အတိတ်ကမိုး....
ဆယ်စုနှစ်တွေကျော်ဖြတ်လာတိုင်း မိုးသည်းသည်းတွေကျလာတိုင်း ကျွန်မ အတိတ်ကို သမင်လည်ပြန် လှည့်မကြည့်ဖြစ်ပါဘဲ တခါတခါ မိုးအေးအေးထဲမှာ ဖြတ်သန်းမိပြန်တာပါပဲ... အဲဒီစိတ်ကူးယဉ်ခဲ့တဲ့ အချိန်တွေတုန်းကပေါ့... တက္ကသိုလ်ကျောင်းသူဘဝဖြတ်သန်းခဲ့တုန်း ကန့်ကော်တန်းက လမ်းသွယ်လေးပေါ်မှာ ကျောင်းမှာ မေဂျာတူ အတန်းတူ အက်တမ်တူတဲ့ ဘော်ဒါတစုနဲ့ ကျွန်မတို့ဘဝတွေကို ညီမျှခြင်းတွေချ... သီအိုရီတွေထုတ်ကြနဲ့ တယောက်က သုံညလို့ထွက်မယ်ဆိုတဲ့အဖြေကို ကိုယ်က တစ်ထွက်တယ်ဆိုပြီး တွက်ကြ ငြင်းကြခုံကြနဲ့.... မိုးသည်းသည်းကြားမှာပါပဲ...
ကျောင်းကားပေါ်မှာ မိုးရေစိုစိုတွေကြားထဲ စာအုပ်ကိုယ်စီထုတ်ပြီး တောင်မြောက်မှတ်ရင်း စာမေးပွဲတွေနဲ့ နပန်းလုံးခဲ့တာတွေ... မိုးသည်းသည်းတွေကြားမှာပဲ ကျောင်းလစ်ပြီး စက်စဲသွားခဲ့ကြတာတွေ.... ကံ့ကော်ပန်းတွေဝေလာတဲ့အချိန်မှာ မိုးစိုစိုကြားထဲ ငယ်နိုင် ဘော်ဒါတယောက်က ခါးတောင်းကို မြှောင်အောင်ကျိုက်ပြီး ကျွန်မလိုချင်တဲ့ ကံ့ကော်ပန်းတွေကို အစွမ်းကုန်ခူးပေးခဲ့တာတွေ... အားလုံးက သဘောတကျ အားကျရတဲ့ ကျွန်မရဲ့သူငယ်ချင်းကောင်းတစ်စုနဲ့ အတူ မိုးသည်းသည်းကြားက အပျော်စွက်တဲ့ ကျောင်းသားဘဝတွေ... ဒါတွေအားလုံးဟာ အတိတ်က မိုးသည်းသည်းကြားမှာ လှုပ်ရှားခဲ့ကြတဲ့ ပုံရိပ်တွေမို့ ကျွန်မရင်ထဲ တွေးဖြစ်တိုင်း ဖြူစင်စွာ ကြည်နူးမိပြန်တာပါပဲ...

ဒီနေ့မိုး....

မိုးဆိုတာ ကျွန်မမွေးဖွားကြီးပြင်းလာရာ သက်တမ်းတလျှောက်မှာ လှလှပပနေရာယူထားတဲ့ ရာသီ.... အခုတော့ ပစ္စုပ္ပန်တည့်တည့်မှာ ကျွန်မ တခါမှ မကြုံဖူးတဲ့ အတိတ်မှာမရှိခဲ့ဖူးတဲ့ ဘဝသစ်တစ်ခုမှာ ချစ်ခွန်းတွေဖွဲ့သီရင်း ကံဇာတ်ဆရာက အလှည့်ချလာတဲ့ ဇာတ်ရုပ်တခုမှာ လှလှပပကရင်း မိုးကလည်း ကျွန်မဘဝထဲမှာ အရင်နည်းတူ ကျီစယ်ရင်းပေါ့.... ဒါပေမယ့် ဒီနေ့လို ဆောင်းအကုန်နွေအကူး ရာသီလေးမှာ မိုးဟာ ကျွန်မထင်မှတ်မထားတဲ့ အချိန်လေးမှာ ထစ်ချုန်းရွာလိုက်လေရဲ့... မိုးနဲ့အတူ လျှစ်စီးပြက်သံတွေကလည်း မိုးကို အထောက်ပံ့ပေးထားတဲ့ နောက်ခံဂီတအလားပါပဲ... မိုးကိုချစ်တဲ့ မိုးကိုမျှော်နေရှာတဲ့ တွင်းအောင်းဖားလေးတွေရဲ့အသံဟာလည်း ဟိုက သည်က စီစီညံလာတာမို့ ကျွန်မ သူတို့နဲ့အတူ မိုးကို ထပ်မျှော်မိပြန်ပါတယ်....
မိုးဟာ ညနေစောင်းမှာ ရုတ်တရက်အလည်လာပြီး နေအဝင် ဆည်းဆာချိန်မှာ မပြောမဆို နှုတ်ဆက်သံမပေးပါဘဲ တိတ်တဆိတ် ထွက်ခွာသွားပြန်ပါတယ်.... ကျွန်မထက် မိုးကို တောင့်တနေတဲ့ ကျွန်မအိမ်နားက ဖားကလေးတကောင်ဟာ မိုးထွက်ခွာသွားတဲ့တခဏမှာပဲ သူအသံစာစာ နဲ့ မိုးကိုပြန်လာဖို့ အော်နေတော့တာ.... တဖြည်းဖြည်းနဲ့ ညဥ့်နက်လာတော့ ဖားကလေးရဲ့အော်သံဟာ စိတ်မရှည်တော့သလို ခပ်ပြတ်ပြတ်အော်ရင်း တစတစ တိတ်ဆိတ်သွားတော့တယ်....
မိုး... မိုး...
မိုးရယ်... မင်းကို တို့အားလုံးက အချိန်မှန်လာဖို့ မျှော်လင့်တယ်... မင်းရဲ့ မေတ္တာရေစင်နဲ့ တို့အားလုံး အသက်တွေရှင်သန်နေရတာမို့ မင်းအချိန်မှန်လာ... အချိန်မှန်ရွာမှ တို့တွေအားလုံးပျော်နိုင်မှာ... လို့ ကျွန်မရင်ထဲ မိုးကို တိတ်တိတ်ကလေး တိုင်တည်မိနေရဲ့...

ဒါပေမယ့်လေ... ကျွန်မတိုင်တည်သံကို မိုးက ဂရုမထားတာလေလား... မိုးကပဲ သူ့ကို မလေးမစားလုပ်ကြတဲ့၊ ကမ္ဘာပေါ်က သဘာဝပတ်ဝန်းကျင်ကို ထိခိုက်ပျက်စီးအောင် နည်းမျိုးစုံနဲ့ အားထုတ်နေကြတဲ့၊ ဝိသမလောဘစီးပွားရေးသမားတွေဖြစ်တဲ့ လူသားတွေကိုပဲ သစ္စာပျက်ပြီလားမသိ... အချိန်မတန်ဘဲ ရွာပြီး အခုတော့ နွေ၊ မိုး၊ ဆောင်း ဆိုတဲ့ ရာသီစက်ဝန်းတောင် အချိန်မမှန်တော့အောင် ဖြစ်နေပြီလားလို့ ကျွန်မတွေးရင်း....
သြော်... အိမ်ရှေ့က ပန်းပင်တွေတောင် အဝါရောင်သန်းနေပြီလားရယ်လို့ သက်ပြင်းမောချပြီး ကောင်းကင်ကိုသာ ခပ်ဆဆလေးငေးနေမိပါတယ်....

(မိုးရွာတဲ့ မတ်လ ၁၀ရက် ၂၀၁၂ခုနှစ် အမှတ်တရ)



Thursday, January 12, 2012

အာရုဏ်ဦးရဲ့ အမုန်းမဲ့နှစ်သစ် ၂၀၁၂


ချစ်သူပေးတဲ့ နှစ်သစ်လက်ဆောင်

ဇီးကွက်လေးကောင်ကတဲ့ ကဒ်လေး

လက်ခံရရှိလိုက်တော့

အာရုဏ်တက် နှစ်သစ်နေနဲ့အတူပေါ့....

၂၀၁၂ တဲ့

ပေါင်းခြင်းကတော့ ငါး...

စကားလုံး ငါးလုံးပါတဲ့

“အမုန်းမဲ့နှစ်သစ်” ရယ်ပေါ့....

ချစ်သူနဲ့ကိုယ့်အတွက်

နှစ်သစ်မှာ အမုန်းမဲ့နေမယ်...

အားလုံးအတွက်လည်း

အမုန်းမရှိတော့တဲ့ နှစ်သစ်

အဲဒါ...

၂၀၁၂ ပေါ့...

ကိုယ်မျှော်လင့်နေမိတယ်...

ယုံကြည်စွာပေါ့...

ဒါဟာ

အားလုံးအတွက်

အထင်ကရနှစ်သစ် ၂၀၁၂ ....

သိပ်ချစ်မိတဲ့ချစ်သူ

သူနဲ့အတူ ကိုယ်ပျော်နေမယ်

အမုန်းမဲ့နှစ်သစ်အစမှသည်.....

နောင်ထာဝရ အမြဲ...

အားလုံးနဲ့လက်တွဲ

ငြိမ်းချမ်းရာဆီ

ခွန်အားအပြည့်နဲ့

သက်လုံလည်းမကျစတမ်း

အလွမ်းဗလာ အနာဂတ်ကဗျာဆီပေါ့...

သွားကြမယ်အတူတူ...

အခု ၂၀၁၂ ကနေ...

သက်ဆုံးတိုင်...

ကမ္ဘာတည်သရွေ့လေ...

အားလုံးပျော်မယ်ဆို...

ဆုတောင်းရကျိုး နပ်မယ်လို့

ကိုယ်တွေးရင်းကြည်နူး

ကြည်နူးရင်းခံစား....

အတွေးကို ပုံဖော်

အမုန်းကိုပယ်

အတ္တကို ဥပေက္ခာပြု

နှစ်သစ်ရဲ့အာရုဏ်ဦးရောင်ခြည်လို

အတွေးမြူးမြူးတွေနဲ့

ကဗျာတပုဒ်ကို

လှပစွာပုံဖော်နိုင်ကြဖို့

အားလုံး အားယူရုန်းကြွ နိုးထကြစို့...

၂၀၁၂မှာ...

မျက်ရည်တွေသိမ်း

အမုန်းမီးတွေငြိမ်း

အာဃာတလျှောက်လမ်းပေါ်က

ရန်ငြှိုးဆူးညှောင့်တွေအားလုံး

အဝေးက အတိတ်ထဲ

လုံးချေလွှင့်ပစ်ကြဖို့

အားလုံးအားယူကြစို့လား...

ကိုယ်... ချစ်သူ.... ခင်သူ... အားလုံး အားလုံးပေါ့....


၂၀၁၂

နှစ်သစ်ကူးအမှတ်တရ

(ရင်မှကဗျာ)